ਤੇਰੀ ਕਲਮ ਤੇ ਸੋਨੇ ਦਾ ਪੱਤਰਾ ਚੜ ਗਿਆ

ਗੁਰਸੇਵਕ ਕੋਟ ਕਰੋੜ
ਸੁਣਿਆ ਕਿ ਤੇਰੀ ਕਲਮ ਤੇ ਸੋਨੇ ਦਾ ਪੱਤਰਾ ਚੜ ਗਿਆ
ਸੁਣਿਆ ਕਿ ਤੇਰੀ ਸੋਚ ਨੂੰਸੱਪ ਦੌਲਤ ਦਾ ਲੜ ਗਿਆ

ਹੁਣ ਇਹਦੇ ਹਰਫ਼ਾਂ ਚੋਂ ਆਉਂਦੀ ਬਦਬੂ ਬਾਸੇ ਖੂਨ ਦੀ
ਸਿਆਹੀ ਦੀ ਥਾਂ ਤੂੰ ਕਲਮ ਨੂੰ ਨਾਲ ਲਹੂ ਦੇ ਭਰ ਲਿਆ

ਘਰ ਪਰਤਦੇ ਲੋਕ ਮਰ ਗਏ ਅੱਧਵਾਟੇ ਆਪਣੀ ਮੰਜ਼ਲ ਤੋਂ
ਹਾਕਮਾ ਸਾਹਵੇਂ ਪੂਛ ਹਿਲਾੳਦਾਂ ਜਾਂ ਦਰਬਾਰੇ ਵੜ ਗਿਆ

ਨਾ ਮਹਿਲਾਂ ਦੇ ਕਿੰਗਰੇ ਰਹਿਣੇਤੂੰ ਨਾ, ਨਾ ਹੀ ਕਲਮ ਤੇਰੀ
ਜਦ ਜ਼ਮਾਨਾ ਗਿਆ ਤਾਂ ਸਮਝੀ ਘੜਾ ਪਾਪਾਂ ਦਾ ਭਰ ਗਿਆ

ਕਾਨੇ ਦੀ ਇਸ ਕਲਮ ਚੋਂ ਉੱਕਰੇਅੱਖਰ ਵਾਧਾ ਘਾਟਾ ਹੋਊ
ਨਾ ਵਾਧਾ ਘਾਟਾ ਰੱਖਣਾ ਹਿਸਾਬ ‘ਸੇਵਕ’ ਕਰ ਗਿਆ