ਅਮਰੀਕਾ ਦਾ ਨਿਊਯਾਰਕ ਸ਼ਹਿਰ ਇਨ੍ਹੀਂ ਦਿਨੀਂ ਚੂਹਿਆਂ ਦੀ ਸਮੱਸਿਆ ਤੋਂ ਸਭ ਤੋਂ ਜ਼ਿਆਦਾ ਪ੍ਰੇਸ਼ਾਨ ਹੈ। ਇੱਥੇ ਚੂਹਿਆਂ ਦੀ ਗਿਣਤੀ ਐਨੀ ਵਧ ਗਈ ਹੈ ਕਿ ਲੋਕਾਂ ਦਾ ਜਿਊਣਾ ਮੁਸ਼ਕਲ ਹੋ ਗਿਆ ਹੈ। ਹੁਣ ਲਗਦਾ ਹੈ ਕਿ ਸ਼ਾਇਦ ਇਸ ਮੁਸ਼ਕਿਲ ਤੋਂ ਸੁਖ ਦਾ ਸਾਹ ਆ ਜਾਵੇ ਕਿਉਂਕਿ ਚੂਹਿਆਂ ਨਾਲ ਨਜਿੱਠਣ ਲਈ ਨਵਾਂ ਕਮਾਂਡਿੰਗ ਜਨਰਲ ਮਿਲ ਗਿਆ ਹੈ। ਮੇਅਰ ਐਰਿਕ ਐਡਮਜ਼ ਨੇ ਘੋਸ਼ਣਾ ਕੀਤੀ ਕਿ ਕਾਉਂਟੀ ਦੇ ਸਭ ਤੋਂ ਵੱਧ ਆਬਾਦੀ ਵਾਲੇ ਸ਼ਹਿਰ ਵਿੱਚ ਚੂਹਿਆਂ ਦੀ ਵੱਧ ਰਹੀ ਆਬਾਦੀ ਦਾ ਮੁਕਾਬਲਾ ਕਰਨ ਲਈ ਸਿੱਖਿਆ ਵਿਭਾਗ ਦੀ ਇੱਕ ਕਰਮਚਾਰੀ ਕੈਥਲੀਨ ਕੋਰਾਡੀ ਨੂੰ ਪਹਿਲਾ ਰੈਟ ਜ਼ਾਰ ਨਿਯੁਕਤ ਕੀਤਾ ਗਿਆ ਹੈ। ਪ੍ਰੈੱਸ ਕਾਨਫਰੰਸ ਕਰਦੇ ਹੋਏ ਕੈਥਰੀਨ ਨੇ ਦੱਸਿਆ ਕਿ ਹੁਣ ਸ਼ਹਿਰ ‘ਚ ਚੂਹੇ ਘੱਟ ਅਤੇ ਮੈਨੂੰ ਜ਼ਿਆਦਾ ਦੇਖਿਆ ਜਾਵੇਗਾ। ਸ਼ਹਿਰ ਵਿੱਚ ਇੱਕ ਨਵਾਂ ਸ਼ੈਰਿਫ ਹੈ। ਕੈਥਲੀਨ ਦਾ ਅਧਿਕਾਰਤ ਸਿਰਲੇਖ ਰੋਟਨ ਮੈਡੀਏਸ਼ਨ ਦਾ ਸਿਟੀ ਰਾਈਟ ਡਾਇਰੈਕਟਰ ਹੈ। ਕੈਥਲੀਨ ਇੱਕ ਅਧਿਆਪਕ ਰਹੀ ਹੈ ਅਤੇ ਚੂਹਿਆਂ ਦੇ ਵਿਰੁੱਧ ਲੜਾਈ ਵਿੱਚ ਨਵੀਂ ਨਹੀਂ ਹੈ। ਇਸ ਤੋਂ ਪਹਿਲਾਂ ਉਹ ਸ਼ਹਿਰ ਦੇ ਪਬਲਿਕ ਸਕੂਲਾਂ ਵਿੱਚ ਚੂਹਿਆਂ ਤੋਂ ਛੁਟਕਾਰਾ ਦਿਵਾਉਣ ਲਈ ਹਰ ਸੰਭਵ ਯਤਨ ਕਰ ਚੁੱਕੀ ਹੈ। ਐਡਮਜ਼ ਨੇ ਅਕਸਰ ਚੂਹਿਆਂ ਲਈ ਆਪਣੀ ਨਾਪਸੰਦਗੀ ਪ੍ਰਗਟ ਕੀਤੀ ਹੈ। ਪਿਛਲੇ ਸਾਲ ਉਨ੍ਹਾਂ ਨੇ ਇਸ ਅਹੁਦੇ ਲਈ ਇਸ਼ਤਿਹਾਰ ਦਿੱਤਾ ਸੀ। ਉਨ੍ਹਾਂ ਨੇ ਇਸ਼ਤਿਹਾਰ ਰਾਹੀਂ ਕਿਹਾ ਸੀ ਕਿ ਅਜਿਹੇ ਵਿਅਕਤੀ ਦੀ ਲੋੜ ਹੈ ਜੋ ਤਾਕਤਵਰ ਅਤੇ ਖੂਨ ਦਾ ਪਿਆਸਾ ਹੋਵੇ। ਇਸ ਨੌਕਰੀ ਵਿੱਚ ਸਾਲਾਨਾ ਤਨਖਾਹ $120000 ਤੋਂ $170000 ਦੇ ਵਿੱਚ ਦਿੱਤੀ ਜਾਵੇਗੀ।
ਅੰਕੜੇ ਦੱਸਦੇ ਹਨ ਕਿ ਸ਼ਹਿਰ ਦੇ ਅੰਦਰ 20 ਲੱਖ ਤੋਂ ਵੱਧ ਚੂਹੇ ਹਨ। ਕੁਝ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਜਦੋਂ ਕੋਵਿਡ ਦੌਰਾਨ ਰੈਸਟੋਰੈਂਟ ਬੰਦ ਹੋਏ ਤਾਂ ਸੜਕਾਂ ਦੇ ਕਿਨਾਰੇ ਸਟਾਲ ਲੱਗਣੇ ਸ਼ੁਰੂ ਹੋ ਗਏ। ਇਸ ਕਾਰਨ ਚੂਹਿਆਂ ਦੀ ਸਮੱਸਿਆ ਹੋਰ ਵਧ ਗਈ ਹੈ। ਇਸ ਤੋਂ ਪਹਿਲਾਂ ਚੂਹਿਆਂ ਨਾਲ ਨਜਿੱਠਣ ਲਈ ਕਈ ਕੋਸ਼ਿਸ਼ਾਂ ਕੀਤੀਆਂ ਗਈਆਂ ਹਨ, ਪਰ ਕੋਈ ਵੀ ਕਾਰਗਰ ਸਾਬਤ ਨਹੀਂ ਹੋਈ।
