IndiGo ਦੀਆਂ ਉਡਾਣਾਂ ‘ਤੇ ‘ਬ੍ਰੇਕ’ ਤੋਂ ਬਾਅਦ DGCA ਦਾ ਵੱਡਾ ਕਦਮ!

ਇੰਡੀਗੋ (IndiGo) ਏਅਰਲਾਈਨਜ਼ ਦੀਆਂ ਉਡਾਣਾਂ ਰੱਦ ਹੋਣ ਅਤੇ ਭਾਰੀ ਦੇਰੀ ਕਾਰਨ ਮਚੇ ਹਾਹਾਕਾਰ ਦੇ ਵਿਚਕਾਰ DGCA ਨੇ ਤੁਰੰਤ ਪ੍ਰਭਾਵ ਨਾਲ ਇੱਕ ਵੱਡਾ ਕਦਮ ਚੁੱਕਿਆ ਹੈ। DGCA ਨੇ ਕਰੂ ਰੋਸਟਰਿੰਗ (Crew Rostering) ਨਾਲ ਜੁੜੇ ਆਪਣੇ ਉਸ ਸਖ਼ਤ ਹੁਕਮ ਨੂੰ ਵਾਪਸ ਲੈ ਲਿਆ ਹੈ, ਜਿਸ ਵਿੱਚ ਏਅਰਲਾਈਨਾਂ ਨੂੰ ਪਾਇਲਟਾਂ ਦੇ ਹਫਤਾਵਾਰੀ ਆਰਾਮ ਨੂੰ ਛੁੱਟੀ ਨਾਲ ਬਦਲਣ ਤੋਂ ਰੋਕਿਆ ਗਿਆ ਸੀ।DGCA ਨੇ ਹਾਲ ਹੀ ਵਿੱਚ ਇੱਕ ਵਿਵਸਥਾ ਲਾਗੂ ਕੀਤੀ ਸੀ, ਜਿਸ ਤਹਿਤ ਨਿਰਦੇਸ਼ ਦਿੱਤਾ ਗਿਆ ਸੀ ਕਿ “ਵੀਕਲੀ ਰੈਸਟ ਦੀ ਥਾਂ ਕੋਈ ਛੁੱਟੀ ਨਹੀਂ ਦਿੱਤੀ ਜਾਵੇਗੀ।” ਆਸਾਨ ਸ਼ਬਦਾਂ ਵਿੱਚ ਇਸਦਾ ਮਤਲਬ ਇਹ ਸੀ ਕਿ ਜੇਕਰ ਕਿਸੇ ਕਰੂ ਮੈਂਬਰ ਦਾ ਵੀਕਲੀ ਰੈਸਟ ਹੈ, ਤਾਂ ਏਅਰਲਾਈਨ ਉਸ ਦਿਨ ਨੂੰ ਕਿਸੇ ਹੋਰ ਛੁੱਟੀ (ਜਿਵੇਂ ਕੈਜ਼ੂਅਲ ਲੀਵ) ਵਿੱਚ ਨਹੀਂ ਬਦਲ ਸਕਦੀ ਸੀ। ਇਸ ਸਖ਼ਤੀ ਕਾਰਨ ਏਅਰਲਾਈਨਾਂ ਲਈ ਸਟਾਫ਼ ਦਾ ਸਹੀ ਰੋਸਟਰ ਬਣਾਉਣਾ ਮੁਸ਼ਕਲ ਹੋ ਗਿਆ ਸੀ ਅਤੇ ਕਰੂ ਦੀ ਕਮੀ ਕਾਰਨ ਉਡਾਣਾਂ ਰੱਦ ਹੋ ਰਹੀਆਂ ਸਨ।DGCA ਨੇ ਸਮੀਖਿਆ ਤੋਂ ਬਾਅਦ ਇਸ ਹੁਕਮ ਨੂੰ ਵਾਪਸ ਲੈ ਲਿਆ ਹੈ, ਜਿਸ ਨਾਲ ਏਅਰਲਾਈਨਾਂ ਨੂੰ ਸਟਾਫ਼ ਮੈਨੇਜ ਕਰਨ ਵਿੱਚ ਲਚਕਤਾ (flexibility) ਮਿਲੇਗੀ।