ਅਮਰੀਕੀ ਮੀਡੀਆ ਦੀਆਂ ਰਿਪੋਰਟਾਂ ਮੁਤਾਬਕ, ਡੌਨਲਡ ਟਰੰਪ ਨੇ ਪਿਛਲੇ ਮਹੀਨੇ ਤੁਰਕੀ ਵਿੱਚ ਨਾਟੋ ਸੰਮੇਲਨ ਤੋਂ ਰਵਾਨਾ ਹੁੰਦੇ ਸਮੇਂ ਇੱਕ ਸੰਭਾਵਿਤ ਇਰਾਨੀ ਖ਼ਤਰੇ ਕਰ ਕੇ ਗੁਪਤ ਢੰਗ ਨਾਲ ਜਹਾਜ਼ ਬਦਲ ਲਿਆ ਸੀ।’ਵਾਸ਼ਿੰਗਟਨ ਪੋਸਟ’ ਨੇ ਕਿਹਾ ਕਿ ਅਮਰੀਕੀ ਰਾਸ਼ਟਰਪਤੀ ਟੈਲੀਵਿਜ਼ਨ ਕੈਮਰਿਆਂ ਦੀ ਨਜ਼ਰ ਵਿੱਚ ਏਅਰ ਫੋਰਸ ਵਨ ‘ਤੇ ਸਵਾਰ ਹੋਏ, ਇਸ ਤੋਂ ਬਾਅਦ ਇੱਕ ਕੇਟਰਿੰਗ ਵਾਲੇ ਟਰੱਕ ਦੀ ਮਦਦ ਨਾਲ ਉਨ੍ਹਾਂ ਨੂੰ ਇੱਕ ਫੌਜੀ ਜਹਾਜ਼ ਵਿੱਚ ਪਹੁੰਚਾਇਆ ਗਿਆ।8 ਜੁਲਾਈ ਨੂੰ ਸਾਹਮਣੇ ਆਈਆਂ ਵੀਡੀਓਜ਼ ਵਿੱਚ ਉਨ੍ਹਾਂ ਨੂੰ ਅੰਕਾਰਾ ਹਵਾਈ ਅੱਡੇ ‘ਤੇ ਰਾਸ਼ਟਰਪਤੀ ਜਹਾਜ਼ ਵਿੱਚ ਸਵਾਰ ਹੁੰਦੇ ਦਿਖਾਇਆ ਗਿਆ। ਪਰ ‘ਵਾਸ਼ਿੰਗਟਨ ਪੋਸਟ’ ਮੁਤਾਬਕ, ਇਸ ਤੋਂ ਬਾਅਦ ਉਨ੍ਹਾਂ ਨੂੰ ਗੁਪਤ ਢੰਗ ਨਾਲ ਇੱਕ ਛੋਟੇ ਸੀ-32A ਫੌਜੀ ਜਹਾਜ਼ ਵਿੱਚ ਭੇਜ ਦਿੱਤਾ ਗਿਆ।ਇੱਕ ਸੋਧਿਆ ਹੋਇਆ ਬੋਇੰਗ 757 ਹੈ, ਜਿਸ ਦੀ ਵਰਤੋਂ ਅਕਸਰ ਉਪ ਰਾਸ਼ਟਰਪਤੀ ਕਰਦੇ ਹਨ।ਉਨ੍ਹਾਂ ਨੂੰ ਇੱਕ ਕੇਟਰਿੰਗ ਟਰੱਕ ਰਾਹੀਂ ਉੱਥੇ ਪਹੁੰਚਾਇਆ ਗਿਆ ਸੀ, ਜਿਸ ਨੂੰ ਦੂਜੇ ਪਾਸੇ ਜਹਾਜ਼ ਦੇ ਪੱਧਰ ਤੱਕ ਉੱਪਰ ਚੁੱਕਿਆ ਗਿਆ ਸੀ, ਜੋ ਉਸ ਪਾਸੇ ਦੇ ਬਿਲਕੁਲ ਉਲਟ ਸੀ ਜਿੱਥੋਂ ਉਹ ਸਵਾਰ ਹੋਏ ਸਨ।ਰੱਖਿਆ ਮੰਤਰੀ ਪੀਟ ਹੇਗਸੇਥ ਵੱਖਰੇ ਤੌਰ ‘ਤੇ ਬਾਹਰੀ ਪੌੜੀਆਂ ਦੀ ਵਰਤੋਂ ਕਰਕੇ ਸੀ-32A ਵਿੱਚ ਸਵਾਰ ਹੋਏ, ਤਾਂ ਜੋ ਉਡਾਣ ਨੂੰ ਆਮ ਦਿਖਾਉਣ ਦੀ ਕੋਸ਼ਿਸ਼ ਕੀਤੀ ਜਾ ਸਕੇ।ਪੱਤਰਕਾਰ ਅਤੇ ਵ੍ਹਾਈਟ ਹਾਊਸ ਦੇ ਕੁਝ ਕਰਮਚਾਰੀ ਏਅਰ ਫੋਰਸ ਵਨ ਵਿੱਚ ਸਵਾਰ ਸਨ ਅਤੇ ਕਥਿਤ ਤੌਰ ‘ਤੇ ਉਨ੍ਹਾਂ ਨੂੰ ਆਪਣੀਆਂ ਖਿੜਕੀਆਂ ਦੇ ਪਰਦੇ ਬੰਦ ਕਰਨ ਲਈ ਕਿਹਾ ਗਿਆ। ਉਨ੍ਹਾਂ ਨੂੰ ਇਹ ਪਤਾ ਨਹੀਂ ਸੀ ਕਿ ਰਾਸ਼ਟਰਪਤੀ ਹੁਣ ਜਹਾਜ਼ ਵਿੱਚ ਮੌਜੂਦ ਨਹੀਂ ਸਨ।
