ਝੁੰਨਝਨੂੰ (ਰਾਜਸਥਾਨ) ਦੀ ਧਰਤੀ ਲਈ ਇਹ ਬੇਹੱਦ ਮਾਣ ਵਾਲਾ ਪਲ ਹੈ ਕਿ ਕੈਪਟਨ ਸੁਪ੍ਰਿਆ ਚੌਧਰੀ ਅਤੇ ਲੈਫ਼ਟੀਨੈਂਟ ਵਰੁਣ ਸਿੰਘ ਪੂਨੀਆ ਨੇ ਟੈਰੀਟੋਰਿਅਲ ਆਰਮੀ ਵਿੱਚ ਇਕੱਠੇ ਸੇਵਾ ਕਰਕੇ ਇਤਿਹਾਸ ਰਚ ਦਿੱਤਾ ਹੈ। ਇਹ ਜੋੜਾ ਨਾ ਸਿਰਫ਼ ਆਪਣੇ ਖੇਤਰ ਦਾ ਪਹਿਲਾ ਹੈ, ਸਗੋਂ ਦੇਸ਼ ਦੇ ਗਿਣਤੀ ਦੇ ਉਹਨਾਂ ਜੋੜਿਆਂ ਵਿੱਚੋਂ ਇੱਕ ਹੈ ਜੋ “ਸਿਟੀਜ਼ਨ ਆਰਮੀ” ਵਿੱਚ ਇਕੱਠੇ ਡਿਊਟੀ ਨਿਭਾ ਰਹੇ ਹਨ।
ਦੋਵੇਂ ਪੇਸ਼ੇ ਤੋਂ ਓਐਨਜੀਸੀ ਅਧਿਕਾਰੀ ਹਨ ਅਤੇ ਜਜ਼ਬੇ ਨਾਲ ਸੈਨਿਕ – ਇਹ ਜੋੜਾ ਦੇਸ਼ ਦੀ ਊਰਜਾ ਸੁਰੱਖਿਆ ਅਤੇ ਰਾਸ਼ਟਰੀ ਰੱਖਿਆ ਦੋਹਾਂ ਵਿੱਚ ਆਪਣਾ ਯੋਗਦਾਨ ਪਾ ਰਿਹਾ ਹੈ।
✨ ਕੈਪਟਨ ਸੁਪ੍ਰਿਆ ਚੌਧਰੀ
ਝੁੰਝਨੂੰ ਦੀ ਜੰਮਪਲ ਸੁਪ੍ਰਿਆ ਨੇ ਕੈਮਿਸਟਰੀ ਵਿੱਚ ਪੋਸਟ-ਗ੍ਰੈਜੂਏਸ਼ਨ ਕੀਤੀ ਅਤੇ CSIR-JRF-NET ਵਿੱਚ ਸ਼ਾਨਦਾਰ ਆਲ ਇੰਡੀਆ ਰੈਂਕ ਹਾਸਲ ਕੀਤਾ। ਉਨ੍ਹਾਂ ਨੇ ਨੈਸ਼ਨਲ ਕੇਮਿਕਲ ਲੈਬੋਰਟਰੀ, ਪੁਣੇ ਵਿੱਚ ਪੀ ਐਚਡੀ ਸ਼ੁਰੂ ਕੀਤੀ ਅਤੇ ਬਾਅਦ ਵਿੱਚ ONGC ਮੁੰਬਈ ਵਿੱਚ ਐਗਜ਼ਿਕਿਊਟਿਵ ਅਫਸਰ ਵਜੋਂ ਜੁੜ ਗਈ ।
ਜੁਲਾਈ 2017 ਵਿੱਚ ਉਹ ਟੈਰੀਟੋਰਿਅਲ ਆਰਮੀ ਵਿੱਚ ਕਮਿਸ਼ਨ ਹੋਣ ਵਾਲੀ ਦੂਜੀ ਭਾਰਤੀ ਮਹਿਲਾ ਅਤੇ ਰਾਜਸਥਾਨ ਦੀ ਪਹਿਲੀ ਮਹਿਲਾ ਬਣੀ। ✨ ਲੈਫ਼ਟਿਨੈਂਟ ਵਰੁਣ ਸਿੰਘ ਪੂਨੀਆ
ਵਰੁਣ ਜੀ ਵੀ ਕੈਮਿਸਟਰੀ ਵਿੱਚ ਗੋਲਡ ਮੈਡਲਿਸਟ ਹਨ ਅਤੇ CSIR-JRF ਵਿੱਚ ਆਲ ਇੰਡੀਆ ਰੈਂਕ 26 ਹਾਸਲ ਕੀਤਾ। IIT ਦਿੱਲੀ ਵਿੱਚ ਅਕਾਦਮਿਕ ਯਾਤਰਾ ਤੋਂ ਬਾਅਦ ਉਹ OGNC ਨਾਲ ਜੁੜੇ ਅਤੇ ਸਰਕਾਰੀ ਸੇਵਾ ਵਿੱਚ ਵੀ ਮਹੱਤਵਪੂਰਨ ਭੂਮਿਕਾ ਨਿਭਾਈ।
ਬਚਪਨ ਤੋਂ ਫੌਜ ਵਿੱਚ ਜਾਣ ਦਾ ਸੁਪਨਾ ਰੱਖਣ ਵਾਲੇ ਵਰੁਣ ਨੇ 2023 ਵਿੱਚ ਟੈਰੀਟੋਰਿਅਲ ਆਰਮੀ ਦੀ ਟ੍ਰੇਨਿੰਗ ਸ਼ੁਰੂ ਕੀਤੀ ਅਤੇ ਕਠਿਨ ਸੈਨਿਕ ਅਭਿਆਸ ਨੂੰ ਸਫਲਤਾਪੂਰਵਕ ਪੂਰਾ ਕੀਤਾ।
❤️ ਪਿਆਰ, ਸਮਰਪਣ ਅਤੇ ਦੇਸ਼ਭਗਤੀ
ਟ੍ਰੇਨਿੰਗ ਦੌਰਾਨ ਦੂਰੀਆਂ ਅਤੇ ਮੁਸ਼ਕਲਾਂ ਦੇ ਬਾਵਜੂਦ, ਦੋਹਾਂ ਨੇ ਹਿੰਮਤ ਅਤੇ ਏਕਤਾ ਨਾਲ ਹਰ ਚੁਣੌਤੀ ਦਾ ਸਾਹਮਣਾ ਕੀਤਾ। ਉਹਨਾਂ ਦੀ ਕਹਾਣੀ ਸਿਰਫ਼ ਵਿਆਹਸ਼ੁਦਾ ਜੀਵਨ ਦੀ ਨਹੀਂ, ਸਗੋਂ ਸਾਂਝੇ ਸੁਪਨਿਆਂ ਅਤੇ ਦੇਸ਼ ਪ੍ਰਤੀ ਸਮਰਪਣ ਦੀ ਪ੍ਰੇਰਕ ਮਿਸਾਲ ਹੈ।
ਇਹ ਜੋੜਾ ਸਾਬਤ ਕਰਦਾ ਹੈ ਕਿ ਜਜ਼ਬਾ ਹੋਵੇ ਤਾਂ ਇੱਕ ਵਿਅਕਤੀ ਲੈਬੋਰਟਰੀ ਤੋਂ ਲੈ ਕੇ ਬੈਟਲਫੀਲਡ ਤੱਕ ਦੇਸ਼ ਦੀ ਸੇਵਾ ਕਰ ਸਕਦਾ ਹੈ
