ਵਾਰਿਸ ਪੰਜਾਬ ਦੇ ਜਥੇਬੰਦੀ ਦੇ ਮੁਖੀ ਅਮ੍ਰਿਤਪਾਲ ਸਿੰਘ ਨੇ ਇੱਕ ਹੋਰ ਵੀਡੀਓ ਬਿਆਨ ਜਾਰੀ ਕੀਤਾ ਹੈ ਜਿਸ ਵਿੱਚ ਉਨ੍ਹਾਂ ਨੇ ਅਕਾਲ ਤਖਤ ਦੇ ਜਥੇਦਾਰ ਹਰਪ੍ਰੀਤ ਸਿੰਘ ਨੂੰ ਮੁੜ ਸਰਬੱਤ ਖਾਲਸਾ ਬੁਲਾਉਣ ਦੀ ਅਪੀਲ ਕੀਤੀ ਹੈ।ਇਸ ਤੋਂ ਪਹਿਲਾਂ ਅਮ੍ਰਿਤਪਾਲ ਨੇ ਬੁੱਧਵਾਰ ਨੂੰ ਵੀਡੀਓ ਬਿਆਨ ਜਾਰੀ ਕਰਕੇ ਇਹੀ ਮੰਗ ਕੀਤੀ ਸੀ। ਅਮ੍ਰਿਤਪਾਲ ਨੇ ਕਿਹਾ ਹੈ ਕਿ “ਮੇਰੀ ਸੰਗਤ ਨੂੰ ਅਪੀਲ ਹੈ ਕਿ ਜੇ ਅੱਜ ਮੈਨੂੰ ਸਤਿਗੁਰੂ ਸੱਚੇ ਪਾਤਸ਼ਾਹ ਨੇ ਇਸ ਘੇਰੇ ਤੋਂ ਬਾਹਰ ਰੱਖਿਆ ਹੈ, ਉਸ ਦਾ ਅਰਥ ਇਹ ਹੈ ਕਿ ਮੈਂ ਆਪਣੇ ਸਾਥੀਆਂ ਲਈ, ਕੌਮ ਦੇ ਨੌਜਵਾਨਾਂ ਲਈ ਕੁਝ ਕਰ ਸਕਾਂ ਤੇ ਛੇਤੀ ਹੀ ਸੰਸਾਰ ਸਾਹਮਣੇ ਵੀ ਪਗਰਟ ਹੋਵਾਂਗੇ ਤੇ ਸੰਗਤਾਂ ਵਿੱਚ ਵਿਚਰਾਂਗੇ।” “ਜਥੇਦਾਰ ਸਾਹਿਬ ਨੇ ਕਿਹਾ ਕਿ ਅਸੀਂ ਛੋਟੀਆਂ ਵਹੀਰਾਂ ਕੱਢਾਂਗੇ। ਜਥੇਦਾਰ ਸਾਹਿਬ ਜੀ ਜੇ ਵਹੀਰ ਕੱਢਣੀ ਹੈ ਤਾਂ ਮੇਰੀ ਇੱਕ ਬੇਨਤੀ ਹੈ, ਕਿ ਇਹ ਤੁਹਾਡੀ ਵੀ ਪ੍ਰੀਖਿਆ ਹੈ ਤੇ ਸਾਡੀ ਪ੍ਰੀਖਿਆ ਵਿੱਚੋਂ ਅਸੀਂ ਲੰਘ ਰਹੇ ਹਾਂ। ਪਰ ਤੁਹਾਡੀ ਵੀ ਇਹ ਪ੍ਰੀਖਿਆ ਹੈ ਕਿਉਂਕਿ ਤੁਸੀਂ ਜਥੇਦਾਰ ਤੇ ਅਹੁਦੇ ‘ਤੇ ਹੋ।” “ਜਥੇਦਾਰ ਦੇ ਅਹੁਦੇ ‘ਤੇ ਹੁੰਦਿਆਂ ਤੁਹਾਡੀ ਇਹ ਪ੍ਰੀਖਿਆ ਹੈ ਕਿ ਤੁਸੀਂ ਅੱਜ ਕੌਮ ਦੇ ਹੱਕ ਲਈ ਕਿੰਨਾ ਡਟ ਕੇ ਖੜ੍ਹ ਸਕਦੇ ਹੋ। ਜੇ ਤੁਸੀਂ ਵਹੀਰ ਕੱਢਣੀ ਹੈ ਤਾਂ ਤੁਹਾਨੂੰ ਇਹ ਵਹੀਰ ਇਸ ਤਰ੍ਹਾਂ ਕੱਢਣੀ ਚਾਹੀਦੀ ਹੈ ਕਿ ਇਹ ਅਕਾਲ ਤਖ਼ਤ ਸਾਹਿਬ ਤੋਂ ਸ਼ੁਰੂ ਹੋ ਕੇ ਕੁਝ ਦਿਨਾਂ ਵਿੱਚ ਦਮਦਮਾ ਸਾਹਿਬ ਪਹੁੰਚੇ, ਵਿਸਾਖੀ ‘ਤੇ ਉੱਥੇ ਸਰਬੱਤ ਖਾਲਸਾ ਹੋਵੇ।” “ਇਹ ਛੱਡ ਦਈਏ ਕਿ ਮੈਂ ਭਗੌੜਾ ਹੋ ਜਾਵਾਂਗਾ, ਸੱਚੇ ਪਾਤਸ਼ਾਹ ਨੇ ਇੰਨੀ ਬਰਕਤ, ਇੰਨੀ ਕ੍ਰਿਪਾ ਤੇ ਇੰਨੀ ਰਹਿਮਤ ਮੇਰੇ ‘ਤੇ ਕੀਤੀ ਹੈ ਕਿ ਮੈਂ ਸੁਪਨੇ ਵਿੱਚ ਭਗੌੜਾ ਹੋਣਾ ਨਹੀਂ ਸੋਚ ਸਕਦਾ।””ਹਕੂਮਤ ਨੂੰ ਸੰਬੋਧਨ ਕਰ ਦਿੰਦਾ ਹਾਂ ਕਿ ਮੈਂ ਹਕੂਮਤ ਤੋਂ ਨਾ ਕੱਲ ਡਰਦਾ ਸੀ ਤੇ ਨਾ ਅੱਜ ਡਰਦਾ ਹਾਂ। ਹਕੂਮਤ ਨੇ ਜੋ ਕਰਨਾ ਕਰ ਲਵੇ। ਹਾਂ ਇਹ ਗੱਲ ਹੈ ਕਿ ਮੈਂ ਗ੍ਰਿਫ਼ਤਾਰੀ ਤੋਂ ਨਹੀਂ ਡਰਦਾ ਤੇ ਗ੍ਰਿਫ਼ਤਾਰੀ ਲਈ ਮੈਂ ਕੋਈ ਸ਼ਰਤਾਂ ਨਹੀਂ ਰੱਖੀਆਂ।” “ਮੇਰੀ ਓਟ ਸਤਿਗੁਰੂ ਹੱਥ ਹੈ, ਮੇਰੀ ਓਟ ਨਾ ਤਾਂ ਦੁਨਿਆਵੀ ਅਦਾਲਤਾਂ ‘ਤੇ ਹੈ ਨਾ ਕਿਸੇ ਹੋਰ ਗੱਲ ਹੈ ‘ਤੇ ਹੈ। ਮੇਰੀ ਓਟ ਉਸ ਸੱਚੇ ਪਾਤਸ਼ਾਹ ਦੀ ਕਚਹਿਰੀ ‘ਤੇ ਹੈ। ਉਸ ਨੇ ਹੀ ਮੇਰੇ ਨਾਲ ਹਿਸਾਬ ਕਰਨਾ।”
Total Views: 226 ,
Real Estate
