ਇਸ ਦੇਸ਼ ਵਿੱਚ ਜਾ ਕੇ ਨਾ ਪਾ ਲਿਓ ਪੀਲੇ ਕੱਪੜੇ!

ਸਿੰਗਾਪੁਰ ਵਿੱਚ ਚਿਊਇੰਗਮ ‘ਤੇ ਪਾਬੰਦੀ ਹੈ। ਇੱਥੇ 1992 ਵਿੱਚ ਇੱਕ ਵਿਅਕਤੀ ਨੇ ਪਬਲਿਕ ਟਰਾਂਸਪੋਰਟ ਉੱਤੇ ਚਿਊਇੰਗਮ ਚਿਪਕਾਇਆ ਸੀ। ਇਸ ਕਾਰਨ ਸਿੰਗਾਪੁਰ ਦੀ ਜਨਤਕ ਆਵਾਜਾਈ ਕਈ ਘੰਟਿਆਂ ਤੱਕ ਠੱਪ ਰਹੀ, ਜਿਸ ਕਾਰਨ ਲੋਕਾਂ ਨੂੰ ਕਾਫੀ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪਿਆ। ਉਦੋਂ ਤੋਂ ਇੱਥੇ ਚਿਊਇੰਗਮ ਦੀ ਮਨਾਹੀ ਹੈ। ਇੱਥੇ ਚਿਊਇੰਗਮ ਲਿਆਉਣ ਦੀ ਵੀ ਮਨਾਹੀ ਹੈ।
ਮਲੇਸ਼ੀਆ ਦੀ ਸਰਕਾਰ ਨੇ ਆਪਣੇ ਦੇਸ਼ ‘ਚ ਪੀਲੇ ਰੰਗ ‘ਤੇ ਪਾਬੰਦੀ ਲਾਈ ਹੋਈ ਹੈ। 2015 ਵਿੱਚ ਮਲੇਸ਼ੀਆ ਦੇ ਪ੍ਰਧਾਨ ਮੰਤਰੀ ਦੇ ਖਿਲਾਫ ਪ੍ਰਦਰਸ਼ਨ ਕਰ ਰਹੇ ਲੋਕਾਂ ਨੇ ਪੀਲੀ ਟੀ-ਸ਼ਰਟਾਂ ਪਹਿਨੀਆਂ ਸਨ। ਇਸ ‘ਤੇ ਕਾਬੂ ਪਾਉਣ ਲਈ ਸਰਕਾਰ ਨੇ ਸਰਕਾਰੀ ਥਾਵਾਂ ‘ਤੇ ਪੀਲੇ ਰੰਗ ਦੇ ਕੱਪੜਿਆਂ ‘ਤੇ ਪਾਬੰਦੀ ਲਗਾ ਦਿੱਤੀ ਸੀ।
ਕੁਝ ਸਮਾਂ ਪਹਿਲਾਂ ਤੱਕ ਅਫਰੀਕੀ ਦੇਸ਼ ਬੁਰੂੰਡੀ ਵਿੱਚ ਜਾਤੀਵਾਦ ਫੈਲਿਆ ਹੋਇਆ ਸੀ। ਇੱਥੇ ਲੋਕ ਜੌਗਿੰਗ ਕਰਦੇ ਹੋਏ ਵਿਦਰੋਹ ਦੀਆਂ ਰਣਨੀਤੀਆਂ ਤਿਆਰ ਕਰਦੇ ਸਨ। ਇਸੇ ਕਾਰਨ ਸਾਲ 2014 ਦੌਰਾਨ ਬੁਰੂੰਡੀ ਦੇ ਰਾਸ਼ਟਰਪਤੀ ਨੇ ਵਿਦਰੋਹ ਨੂੰ ਰੋਕਣ ਲਈ ਜੌਗਿੰਗ ‘ਤੇ ਪਾਬੰਦੀ ਲਗਾ ਦਿੱਤੀ ਸੀ।
ਸੋਮਾਲੀਆ ਦੇ ਕੱਟੜਪੰਥੀ ਸਮੂਹ ਅਲ-ਸ਼ਬਾਬ ਨੇ ਸਮੋਸੇ ਬਣਾਉਣ, ਖਾਣ ਅਤੇ ਵੇਚਣ ‘ਤੇ ਪਾਬੰਦੀ ਲਾ ਦਿੱਤੀ । ਉਨ੍ਹਾਂ ਦਾ ਮੰਨਣਾ ਹੈ ਕਿ ਸਮੋਸੇ ਦੇ ਤਿੰਨ ਨੁਕਤੇ ਵਾਲੇ ਹਿੱਸੇ ਈਸਾਈਆਂ ਦਾ ਪਵਿੱਤਰ ਚਿੰਨ੍ਹ ਹਨ।