ਨਦੀ ‘ਚ ਡਿੱਗੀ ਪੁਲਿਸ ਦੀ ਗੱਡੀ 7 ਮੌਤਾਂ

ਹਿਮਾਚਲ ਦੇ ਚੰਬਾ ਜ਼ਿਲ੍ਹੇ ‘ਚ ਨਦੀ ਵਿਚ ਗੱਡੀ ਡਿੱਗਣ ਨਾਲ 6 ਪੁਲਿਸ ਮੁਲਾਜ਼ਮਾਂ ਸਣੇ 7 ਦੀ ਮੌਤ ਹੋ ਗਈ। ਸਾਰੇ ਪੁਲਿਸ ਮੁਲਾਜ਼ਮਾਂ ਦਾ ਸਨਮਾਨ ਨਾਲ ਉਨ੍ਹਾਂ ਦੇ ਜੱਦੀ ਪਿੰਡਾਂ ਵਿਚ ਅੰਤਿਮ ਸਸਕਾਰ ਕੀਤਾ ਜਾਵੇਗਾ। ਹਿਮਾਚਲ ਪ੍ਰਦੇਸ਼ ਦੇ ਸੀਐੱਮ ਸੁਖਵਿੰਦਰ ਸਿੰਘ ਸੁੱਖੂ, ਰਾਜਪਾਲ, ਮੰਤਰੀਆਂ ਸਣੇ ਸਾਰੇ ਲੋਕਾਂ ਨੇ ਹਾਦਸੇ ‘ਤੇ ਦੁੱਖ ਪ੍ਰਗਟਾਇਆ ਹੈ। ਹਿਮਾਚਲ ਪ੍ਰਦੇਸ਼ ਪੁਲਿਸ ਦਾ ਇਕ ਦਲ ਪੈਟਰੋਲਿੰਗ ਲਈ ਨਿਕਲਿਆ ਸੀ। ਇਸ ਦਲ ਦੇ ਲੋਕ ਤਿੰਨ ਗੱਡੀਆਂ ਵਿਚ ਸਵਾਰ ਸਨ। ਚੰਬਾ ਦੇ ਤੀਸਾ ਵਿੱਚ ਤਰਵਾਈ ਪੁਲ ਤੋਂ ਠੀਕ ਪਹਿਲਾਂ ਇਕ ਖਤਰਨਾਕ ਪੁਆਇੰਟ ‘ਤੇ ਪਹਾੜੀ ਤੋਂ ਪੱਥਰ ਡਿੱਗੇ ਤੇ ਸਿੱਧੇ ਡਰਾਈਵਰ ਨੂੰ ਲੱਗ ਗਏ। ਇਸ ‘ਤੇ ਡਰਾਈਵ ਨੇ ਗੱਡੀ ਤੋਂ ਕੰਟਰੋਲ ਗੁਆ ਦਿੱਤਾ ਤੇ ਫਿਰ ਬਲੈਰੋ ਗੱਡੀ 300 ਮੀਟਰ ਹੇਠਾਂ ਨਦੀ ਵਿਚ ਡਿੱਗ ਗਈ। ਹਾਦਸੇ ਵਿਚ ਸਬ-ਇੰਸਪੈਕਟਰ ਰਾਕੇਸ਼ ਗੋਰਾ ਪੁੱਤਰ ਜੈਚੰਦ ਵਾਸੀ ਨੂਰਪੁਰ, ਕਾਂਗੜਾ, ਹੈੱਡ ਕਾਂਸਟੇਬਲ ਪ੍ਰਵੀਨ ਟੰਡਨ ਪੁੱਤਰ ਤਿਲਕ ਰਾਜ ਵਾਸੀ ਬਾਥੜੀ, ਡਲਹੌਜੀ, ਚੰਬਾ, ਕਾਂਸਟੇਬਲ ਕਮਲਜੀਤ ਪੁੱਤਰ ਅਰਜਨ ਸਿੰਘ ਵਾਸੀ ਖੱਬਲ, ਜਵਾਲੀ, ਕਾਂਗੜਾ, ਕਾਂਸਟੇਬਲ ਸਚਿਨ ਪੁੱਤਰ ਮੋਹਿੰਦਰ ਸਿੰਘ ਰਾਣਾ ਵਾਸੀ ਸੂਰਜਪੁਰ, ਦੇਹਰਾ, ਕਾਂਗੜਾ, ਕਾਂਸਟੇਬਲ ਅਭਿਸ਼ੇਕ ਪੁੱਤਰ ਮਦਨ ਲਾਲ ਵਾਸੀ ਖੈਰੀਆਂ ਜਵਾਲੀ, ਕਾਂਗੜਾ, ਕਾਂਸਟੇਬਲ ਲਕਸ਼ੈ ਕੁਮਾਰ ਪੁੱਤਰ ਪਵਨ ਮੋਂਗਰਾ ਵਾਸੀ ਇੱਛੀ, ਕਾਂਗੜਾ, ਚਾਲਕ ਚੰਦੂ ਰਾਮ ਪੁੱਤਰ ਜੈ ਦਲਾਲ ਵਾਸੀ ਮੰਗਲੀ, ਚੁਰਾਹ ਚੰਬਾ ਦੀ ਮੌਤ ਹੋ ਗਈ।