ਅਮਰੀਕਾ ਦੇ ਸਾਬਕਾ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਦੋਸ਼ ਲਾਇਆ ਹੈ ਕਿ ਐਫਬੀਆਈ ਨੇ ਪਿਛਲੀ ਛਾਪੇਮਾਰੀ ਦੌਰਾਨ ਉਨ੍ਹਾਂ ਦਾ ਪਾਸਪੋਰਟ ਚੋਰੀ ਕਰ ਲਿਆ ਸੀ। ਟਰੰਪ ਦੇ ਇਲਜ਼ਾਮ ਇੱਕ ਦਿਨ ਬਾਅਦ ਆਏ ਹਨ ਜਦੋਂ ਉਨ੍ਹਾਂ ਨੇ ਨਿਆਂ ਵਿਭਾਗ ਨੂੰ ਅਟਾਰਨੀ-ਕਲਾਇੰਟ ਵਿਸ਼ੇਸ਼ ਅਧਿਕਾਰ ਦੇ ਤਹਿਤ ਕਵਰ ਕੀਤੇ ਦਸਤਾਵੇਜ਼ਾਂ ਨੂੰ ਵਾਪਸ ਕਰਨ ਦੀ ਬੇਨਤੀ ਕੀਤੀ ਸੀ। 8 ਅਗਸਤ ਨੂੰ ਐਫਬੀਆਈ ਨੇ ਡੋਨਾਲਡ ਟਰੰਪ ਦੇ ਘਰ ਛਾਪਾ ਮਾਰਿਆ ਸੀ। ਟਰੰਪ ਨੇ ਐਫਬੀਆਈ ਉੱਤੇ ਚੋਰੀ ਦਾ ਇਲਜ਼ਾਮ ਲਗਾਉਂਦੇ ਹੋਏ ਕਿਹਾ, ਛਾਪੇਮਾਰੀ ਵਿੱਚ ਐਫਬੀਆਈ ਨੇ ਮੇਰੇ ਤਿੰਨ ਪਾਸਪੋਰਟ (ਇੱਕ ਦੀ ਮਿਆਦ ਪੁੱਗ ਚੁੱਕੀ) ਚੋਰੀ ਕਰ ਲਏ।” “ਇਹ ਇੱਕ ਰਾਜਨੀਤਿਕ ਵਿਰੋਧੀ ਉੱਤੇ ਅਜਿਹਾ ਹਮਲਾ ਹੈ ਜੋ ਸਾਡੇ ਦੇਸ਼ ਵਿੱਚ ਅੱਜ ਤੱਕ ਕਦੇ ਨਹੀਂ ਹੋਇਆ। ਟਰੰਪ ਨੇ ਹਾਲਾਂਕਿ ਇਹ ਨਹੀਂ ਦੱਸਿਆ ਕਿ ਉਨ੍ਹਾਂ ਦੇ ਕਿਹੜੇ ਪਾਸਪੋਰਟ ਐਫਬੀਆਈ ਨੇ ਚੋਰੀ ਕੀਤੇ ਹਨ। ਸੰਯੁਕਤ ਰਾਜ ਵਿੱਚ ਨਿਯਮਤ ਨਾਗਰਿਕਾਂ ਨੂੰ ਨੀਲਾ ਪਾਸਪੋਰਟ ਜਾਰੀ ਕੀਤਾ ਜਾਂਦਾ ਹੈ ਜਦੋਂ ਕਿ ਅਧਿਕਾਰਿਤ ਸਰਕਾਰੀ ਯਾਤਰਾ ਲਈ ਲਾਲ ‘ਡਿਪਲੋਮੈਟਿਕ’ ਪਾਸਪੋਰਟ ਜਾਰੀ ਕੀਤਾ ਜਾਂਦਾ ਹੈ।
