ਰੂਸ ਅਤੇ ਯੂਕਰੇਨ ਦਰਮਿਆਨ ਯੁੱਧ ਲਗਾਤਾਰ ਜਾਰੀ ਹੈ ਅਤੇ ਇਸ ਦੌਰਾਨ ਵੀਰਵਾਰ ਨੂੰ ਰੂਸ ਵੱਲੋਂ ਆਪਣੇ ਜੰਗੀ ਬੇੜੇ ਮੋਸਕੋਵਾ ਦੇ ਨੁਕਸਾਨ ਬਾਰੇ ਖੁਲਾਸਾ ਕੀਤਾ ਗਿਆ ਹੈ।
ਰੂਸ ਵੱਲੋਂ ਆਖਿਆ ਗਿਆ ਹੈ ਕਿ ਇਸ ਜੰਗੀ ਬੇੜੇ ਵਿੱਚ ਅੱਗ ਲੱਗਣ ਕਾਰਨ ਨੁਕਸਾਨ ਹੋਇਆ ਹੈ ਪਰ ਇਹ ਹੁਣ ਵੀ ਸਮੁੰਦਰ ਵਿੱਚ ਤੈਰ ਰਿਹਾ ਹੈ। ਰੂਸ ਨੇ ਆਖਿਆ ਕਿ ਇਸ ਵਿੱਚ ਮੌਜੂਦ ਰੂਸੀ ਫ਼ੌਜੀਆਂ ਨੂੰ ਸੁਰੱਖਿਅਤ ਕੱਢ ਲਿਆ ਗਿਆ ਹੈ।
ਉੱਧਰ ਯੂਕਰੇਨ ਵੱਲੋਂ ਦਾਅਵਾ ਕੀਤਾ ਗਿਆ ਹੈ ਕਿ ਉਨ੍ਹਾਂ ਦੀਆਂ ਦੋ ਮਿਜ਼ਾਇਲਾਂ ਨੇ ਮੋਸਕੋਵਾ ਉੱਪਰ ਹਮਲਾ ਕੀਤਾ ਹੈ ਜਿਸ ਤੋਂ ਬਾਅਦ ਇਹ ਸਮੁੰਦਰ ਵਿੱਚ ਡੁੱਬ ਰਿਹਾ ਹੈ।
ਸਾਲ 2000 ਤੋਂ ਇਹ ਜੰਗੀ ਬੇੜਾ ਸਮੁੰਦਰ ਵਿੱਚ ਮੌਜੂਦ ਹੈ ਅਤੇ 1980 ਵਿੱਚ ਇਸ ਨੂੰ ਯੂਕਰੇਨ ਵਿੱਚ ਹੀ ਬਣਾਇਆ ਗਿਆ ਸੀ ਜਦੋਂ ਯੂਕਰੇਨ ਸੋਵੀਅਤ ਸੰਘ ਦਾ ਹਿੱਸਾ ਸੀ।
ਮਾਹਰਾਂ ਮੁਤਾਬਕ ਇਸ ਜੰਗੀ ਬੇੜੇ ਦੇ ਨੁਕਸਾਨ ਨਾਲ ਸਮੁੰਦਰ ਵਿੱਚ ਰੂਸ ਦੀਆਂ ਸ਼ਕਤੀਆਂ ਤਾਂ ਪ੍ਰਭਾਵਿਤ ਹੋਣਗੀਆਂ ਹੀ ਪਰ ਇਸ ਨਾਲ ਯੂਕਰੇਨ ਦੀ ਫ਼ੌਜ ਦੇ ਮਨੋਬਲ ਵਿੱਚ ਵਾਧਾ ਹੋਵੇਗਾ।
Total Views: 372 ,
Real Estate
