ਹਰਿਆਣਾ ਦੇ ਨੂੰਹ ਜ਼ਿਲ੍ਹੇ ਅਧੀਨ ਆਉਂਦੇ ਪੁਨਹਾਨਾ ਉਪ-ਮੰਡਲ ਦੇ ਪਿੰਡ ਨੇਹਦਾ ਵਿੱਚ ਇੱਕ ਵਿਆਹ ਸਮਾਗਮ ਦੌਰਾਨ 25 ਲੱਖ ਰੁਪਏ ਦੀ ਨੋਟਾਂ ਦੀ ਮਾਲਾ ਪਾਉਣ ਨੂੰ ਲੈ ਕੇ ਹੋਇਆ ਮਾਮੂਲੀ ਵਿਵਾਦ ਖ਼ੂਨੀ ਝੜਪ ਵਿੱਚ ਬਦਲ ਗਿਆ। ਪਿੰਡ ਨੇਹਦਾ ਦੇ ਵਸਨੀਕ ਪੱਪੂ ਦੇ ਪੁੱਤਰ ਦੀ ਬਰਾਤ ਪਿੰਡ ਅਲੀ ਮੇਵ ਲਈ ਰਵਾਨਾ ਹੋਣੀ ਸੀ, ਪਰ ਰਵਾਨਗੀ ਤੋਂ ਪਹਿਲਾਂ ਹੀ ਰਿਸ਼ਤੇਦਾਰਾਂ ਵਿਚਾਲੇ ਹੋਏ ਪਥਰਾਅ ਕਾਰਨ ਖੁਸ਼ੀ ਦਾ ਮਾਹੌਲ ਤਣਾਅਪੂਰਨ ਹੋ ਗਿਆ।ਲੜਕੇ ਦੇ ਜੀਜਾ ਨਯੂਮ (ਵਾਸੀ ਸਿੰਗਾਰ) ਨੇ ਆਪਣੇ ਸਾਲੇ ਨੂੰ ਕਰੀਬ 25 ਲੱਖ ਰੁਪਏ ਦੇ ਨੋਟਾਂ ਦੀ ਮਾਲਾ ਪਹਿਨਾਈ। ਇਸ ਦੌਰਾਨ ਨਯੂਮ ਦੇ ਸਾਢੂ, ਜੋ ਉੱਤਰ ਪ੍ਰਦੇਸ਼ ਦੇ ਪਿੰਡ ਹਾਤੀਆਕਾ ਦੇ ਰਹਿਣ ਵਾਲੇ ਹਨ, ਨਾਰਾਜ਼ ਹੋ ਗਏ। ਉਨ੍ਹਾਂ ਦਾ ਤਰਕ ਸੀ ਕਿ ਉਨ੍ਹਾਂ ਵੱਲੋਂ ਵੀ ਮਾਲਾ ਆ ਰਹੀ ਹੈ, ਇਸ ਲਈ ਬਰਾਤ ਨੂੰ ਰੋਕਿਆ ਜਾਵੇ। ਇਸੇ ਗੱਲ ਨੂੰ ਲੈ ਕੇ ਦੋਵਾਂ ਪੱਖਾਂ ਵਿੱਚ ਤਕਰਾਰ ਸ਼ੁਰੂ ਹੋ ਗਈ, ਜੋ ਕੁਝ ਹੀ ਦੇਰ ਵਿੱਚ ਹਿੰਸਕ ਰੂਪ ਧਾਰਨ ਕਰ ਗਈ।
Real Estate
