ਵਿਦੇਸ਼ ਵਿੱਚ ਪੜ੍ਹਾਈ ਲਈ ਆਪਣੀ ‘ਪਹਿਲੀ ਪਸੰਦ’ ਕੈਨੇਡਾ ਦੇ ਸਟੱਡੀ ਪਰਮਿਟ ਲਈ ਅਰਜ਼ੀ ਦੇਣ ਵਾਲੇ ਭਾਰਤੀ ਵਿਦਿਆਰਥੀਆਂ ਨੂੰ ਭਾਰੀ ਰਿਜੈਕਸ਼ਨ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।ਅਗਸਤ 2025 ਵਿੱਚ ਜਿਨ੍ਹਾਂ ਅਰਜ਼ੀਆਂ ਬਾਰੇ ਫ਼ੈਸਲਾ ਹੋਇਆ ਉਨ੍ਹਾਂ ਵਿੱਚੋਂ 74 ਫ਼ੀਸਦੀ ਨੂੰ ਨਾਮਨਜ਼ੂਰ ਕਰ ਦਿੱਤਾ ਗਿਆ।ਰਿਜੈਕਸ਼ਨ ਦੀ ਇਹ ਦਰ 2023 (27 ਫ਼ੀਸਦੀ) ਅਤੇ 2024 (23 ਫ਼ੀਸਦੀ) ਦੇ ਮੁਕਾਬਲੇ ਕਰੀਬ ਤਿੰਨ ਗੁਣਾ ਵੱਧ ਹੈ।ਕੈਨੇਡਾ ਦੇ ਸਟੱਡੀ ਪਰਮਿਟ ਲਈ 2023 ਵਿੱਚ 2,22,540 ਭਾਰਤੀ ਅਰਜ਼ੀਕਾਰਾਂ ਦੀਆਂ ਸਟੱਡੀ ਪਰਮਿਟ ਅਰਜ਼ੀਆਂ ਮਨਜ਼ੂਰ ਕੀਤੀਆਂ ਗਈਆਂ ਸਨ। 2024 ਵਿੱਚ ਇਹ ਗਿਣਤੀ ਘੱਟ ਕੇ 94, 590 ਹੋ ਗਈ ਸੀ।ਸਾਲ 2025 ਦੇ ਪਹਿਲੇ 8 ਮਹੀਨਿਆਂ ਵਿੱਚ ਮਹਿਜ਼ 9,955 ਭਾਰਤੀ ਅਰਜ਼ੀਕਾਰਾਂ ਦੇ ਸਟੱਡੀ ਪਰਮਿਟਾਂ ਨੂੰ ਹੀ ਮਨਜ਼ੂਰੀ ਦਿੱਤੀ ਗਈ।
Total Views: 9 ,
Real Estate
