ਸਮੂਹਿਕ ਬ.ਲਾਤਕਾਰ ਮਾਮਲੇ ‘ਚ ਮੁਲਜ਼ਮ ਦੀ ਜਾਇਦਾਦ ਤੇ ਚੱਲਿਆ ਬਲਡੋਜ਼ਰ

ਅਯੁੱਧਿਆ ਬ.ਲਾਤਕਾਰ ਮਾਮਲੇ ‘ਚ ਪੁਲਸ ਚੌਕੀ ਦੇ ਇੰਚਾਰਜ ਅਤੇ ਥਾਣਾ ਮੁਖੀ ਨੂੰ ਮੁਅੱਤਲ ਕਰ ਦਿੱਤਾ ਗਿਆ ਹੈ, ਜਦਕਿ ਇਸ ਬਲਾਤਕਾਰ ਕਾਂਡ ਦੇ ਮੁੱਖ ਦੋਸ਼ੀ ਮੋਇਦ ਦੇ ਘਰ ‘ਤੇ ਬੁਲਡੋਜ਼ਰ ਚਲਾਇਆ ਗਿਆ ਹੈ। ਫੂਡ ਸੇਫਟੀ ਦੇ ਡਿਪਟੀ ਕਮਿਸ਼ਨਰ ਨੇ ਅਯੁੱਧਿਆ ਸਮੂਹਿਕ ਬਲਾਤਕਾਰ ਦੇ ਮੁੱਖ ਦੋਸ਼ੀ ਸਪਾ ਨੇਤਾ ਮੋਈਦ ਖਾਨ ਦੀ ਬੇਕਰੀ ‘ਤੇ ਛਾਪਾ ਮਾਰਿਆ ਹੈ। ਬੇਕਰੀ ਵਿੱਚ ਬਣੀਆਂ ਚੀਜ਼ਾਂ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਭਾਦਰਸਾ ‘ਚ ਏਵਨ ਬੇਕਰੀ ਦੇ ਨਾਂ ‘ਤੇ ਮੋਈਦ ਖਾਨ ਦੀ ਬੇਕਰੀ ਹੈ। ਮੁੱਖ ਮੰਤਰੀ ਯੋਗੀ ਆਦਿਤਿਆਨਾਥ ਨੇ ਪੀੜਤਾ ਦੀ ਮਾਂ ਨਾਲ ਮੁਲਾਕਾਤ ਕੀਤੀ ਸੀ, ਜਿਸ ਨੂੰ ਲੈ ਕੇ ਅਯੁੱਧਿਆ ‘ਚ ਕਾਰਵਾਈ ਸ਼ੁਰੂ ਹੋ ਗਈ ਹੈ। ਸੀਐਮ ਯੋਗੀ ਨੇ ਪੁਰਾਕਲੰਦਰ ਥਾਣਾ ਇੰਚਾਰਜ ਰਤਨ ਸ਼ਰਮਾ ਅਤੇ ਭਾਦਰਸਾ ਚੌਕੀ ਇੰਚਾਰਜ ਅਖਿਲੇਸ਼ ਗੁਪਤਾ ਦੋਵਾਂ ਨੂੰ ਮੁਅੱਤਲ ਕਰ ਦਿੱਤਾ ਹੈ। ਉਨ੍ਹਾਂ ‘ਤੇ ਘਟਨਾ ਤੋਂ ਬਾਅਦ ਤੁਰੰਤ ਕਾਰਵਾਈ ਨਾ ਕਰਨ ਅਤੇ ਕੇਸ ਦਰਜ ਕਰਨ ‘ਚ ਘੰਟਿਆਂ ਤੱਕ ਦੇਰੀ ਕਰਨ ਦਾ ਦੋਸ਼ ਹੈ।
ਪੀੜਤ ਲੜਕੀ ਦੀ ਮਾਂ ਨੇ ਮੁੱਖ ਮੰਤਰੀ ਨੂੰ ਘਟਨਾ ਦੀ ਜਾਣਕਾਰੀ ਦਿੱਤੀ ਸੀ। ਪੁਲਿਸ ਮੁਲਾਜ਼ਮਾਂ ਦੀ ਕਾਰਵਾਈ ਤੋਂ ਬਾਅਦ ਬਲਾਤਕਾਰ ਮਾਮਲੇ ਦੇ ਮੁੱਖ ਦੋਸ਼ੀ ਮੋਇਦ ਖਾਨ ਦੀ ਜਾਇਦਾਦ ਦੀ ਵੀ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ। ਮੋਈਦ ਖਾਨ ‘ਤੇ ਛੱਪੜ ਅਤੇ ਸਰਕਾਰੀ ਜ਼ਮੀਨਾਂ ‘ਤੇ ਨਾਜਾਇਜ਼ ਕਬਜ਼ਾ ਕਰਨ ਦਾ ਦੋਸ਼ ਹੈ।