ਭਾਰਤ ਵਿਚ ਇਨਸਾਨ ਤੋਂ ਜ਼ਿਆਦਾ ਚੂਹਿਆਂ ਨੂੰ ਇਨਸਾਫ ਦਿਵਾਉਣ ਦੀ ਜਲਦੀ ਹੈ। ਪਿਛਲੇ ਸਾਲ ਇਕ ਚੂਹੇ ਦਾ ਕਤਲ ਹੋਣ ਦੀ ਸ਼ਿਕਾਇਤ ਦਰਜ ਹੋਈ ਸੀ। ਕੇਸ ਕੋਰਟ ਜਾ ਪਹੁੰਚਿਆ ਹੈ ਤੇ ਹੁਣ ਮੁਲਜ਼ਮ ਨੂੰ ਇਸ ਦੀ ਸਜ਼ਾ ਵੀ ਹੋ ਸਕਦੀ ਹੈ। ਚੂਹੇ ਦੀ ਹੱਤਿਆ ਦਾ ਇਹ ਕੇਸ ਉੱਤਰ ਪ੍ਰਦੇਸ਼ ਦੇ ਬਦਾਯੂੰ ਦਾ ਹੈ। ਇਥੇ ਚੱਲ ਰਹੇ ਇਕ ਚੂਹੇ ਦੇ ਕਤਲ ਕੇਸ ਵਿਚ ਪੁਲਿਸ ਨੇ 30 ਪੰਨ੍ਹਿਆਂ ਦਾ ਚਾਰਜਸ਼ੀਟ ਦਾਖਲ ਕੀਤਾ ਹੈ। ਇਸ ਚਾਰਜਸ਼ੀਟ ਵਿਚ ਚੂਹੇ ਦਾ ਪੋਸਟਮਾਰਟਮ ਰਿਪੋਰਟ ਵੀ ਸ਼ਾਮਲ ਕੀਤਾ ਗਿਆ ਹੈ। ਹੁਣ ਇਸ ਚਾਰਜਸ਼ੀਟ ਦੇ ਆਧਾਰ ‘ਤੇ ਕੋਰਟ ਇਸ ਮਾਮਲੇ ਦਾ ਫੈਸਲਾ ਸੁਣਾਏਗੀ। ਚੂਹੇ ਦੀ ਮੌਤ ਪਿਛਲੇ ਸਾਲ 25 ਨਵੰਬਰ ਨੂੰ ਹੋਈ ਸੀ। ਇਕ ਵਿਅਕਤੀ ਮਨੋਜ ਨੇ ਚੂਹੇ ਨੂੰ ਨਾਲੇ ਵਿਚ ਡੁਬੋ ਕੇ ਮਾਰ ਦਿੱਤਾ ਸੀ ਅਤੇ ਇੱਕ ਪਸ਼ੂ ਪ੍ਰੇਮੀ ਨੇ ਇਸ ਨੂੰ ਦੇਖ ਲਿਆ ਤੇ ਪੁਲਿਸ ਵਿਚ ਕੇਸ ਦਰਜ ਕਰਵਾ ਦਿੱਤਾ।
ਸ਼ਿਕਾਇਤ ਅਨੁਸਾਰ ਮਨੋਜ ਹੈ, ਨੇ ਇਕ ਚੂਹਾ ਫੜਿਆ ਤੇ ਨਾਲੇ ਵਿਚ ਡੁਬੋ ਦਿੱਤਾ। ਉਸੇ ਸਮੇਂ ਪਸ਼ੂ ਪ੍ਰੇਮੀ ਵਿਕੇਂਦਰ ਸ਼ਰਮਾ ਉਧਰੋਂ ਲੰਘ ਰਹੇ ਸੀ ਜਿਸ ਨੇ ਚੂਹੇ ਨੂੰ ਬਚਾਉਣ ਦੀ ਕੋਸ਼ਿਸ਼ ਕੀਤੀ ਪਰ ਚੂਹੇ ਦੀ ਮੌਤ ਹੋ ਚੁੱਕੀਸੀ। ਵਿਕੇਂਦਰ ਨੇ ਮਨੋਜ ਖਿਲਾਫ ਕੇਸ ਦਰਜ ਕਰਵਾ ਦਿੱਤਾ। ਜਿਸ ਤੋਂ ਬਾਅਦ ਚੂਹੇ ਦਾ ਪੋਸਟਮਾਰਟਮ ਹੋਇਆ ਤੇ ਇਹੀ ਰਿਪੋਰਟ ਹੁਣ ਚਾਰਜਸ਼ੀਟ ਨਾਲ ਅਟੈਚ ਕੀਤੀ ਗਈ ਹੈ। ਚੂਹੇ ਦੀ ਪੋਸਟਮਾਰਟਮ ਰਿਪੋਰਟ ਤੋਂ ਪਤਾ ਲੱਗਾ ਕਿ ਉਸ ਦੀ ਮੌਤ ਦਮ ਘੁਟਣ ਨਾਲ ਹੋਈ ਹੈ ਨਾ ਕਿ ਨਾਲੇ ਵਿਚ ਡੁਬਾਉਣ ਨਾਲ। ਨਾਲ ਹੀ ਉਸ ਦੇ ਲੀਵਰ ਤੇ ਫੇਫੜੇ ਪਹਿਲਾਂ ਤੋਂ ਹੀ ਖਰਾਬ ਸਨ। ਇਸ ਲਈ ਮਨੋਜ ਦੀ ਸਜ਼ਾ ਦੀ ਉਮੀਦ ਘੱਟ ਹੈ। ਕੇਸ ਨੂੰ ਲੈ ਕੇ ਵਣ ਵਿਭਾਗ ਦਾ ਕਹਿਣਾ ਹੈ ਕਿ ਚੂਹੇ ਨੂੰ ਮਾਰਨਾ ਅਪਰਾਧ ਨਹੀਂ ਹੈ ਸਗੋਂ ਪਸ਼ੂ ਬੇਰਹਿਮੀ ਦੇ ਤਹਿਤ ਇਸ ਮਾਮਲੇ ‘ਚ ਦੋਸ਼ੀ ਨੂੰ ਸਜ਼ਾ ਮਿਲ ਸਕਦੀ ਹੈ। ਮਨੋਜ ‘ਤੇ ਲੱਗੇ ਦੋਸ਼ ਸਾਬਤ ਹੋਣ ‘ਤੇ ਉਸ ਨੂੰ 10 ਹਜ਼ਾਰ ਤੋਂ ਲੈ ਕੇ 2 ਹਜ਼ਾਰ ਰੁਪਏ ਤੱਕ ਦਾ ਜੁਰਮਾਨਾ ਭਰਨਾ ਪੈ ਸਕਦਾ ਹੈ। ਇਸ ਤੋਂ ਇਲਾਵਾ ਉਸ ਨੂੰ 2 ਤੋਂ 5 ਸਾਲ ਦੀ ਸਜ਼ਾ ਵੀ ਹੋ ਸਕਦੀ ਹੈ।
