ਸੱਭਿਆਚਾਰਕ ਸੱਥ ਵਲੋਂ ਵਡਮੁੱਲਾਐਵਾਰਡ ਮਿਲਣ ਤੇ ਟੋਰਾਟੋ ਦੇ ਹੋਸਟ ਸਤਿੰਦਰਪਾਲ ਸਿੱਧਵਾਂ ਨੂੰ ਵਧਾਈਆਂ

ਟੋਰਾਟੋ / ਚੰਡੀਗੜ੍ਹ  – ਪੰਜਾਬ ਕਲਾ ਪਰਿਸ਼ਦ ਚੰਡੀਗੜ੍ਹ ਵਲੋਂ ਕੌਮਾਂਤਰੀ ਮਾਤ ਭਾਸ਼ਾ ਦਿਵਸ ਤੇ ਬੀਤੀ ਸ਼ਾਮ ਪੰਜਾਬ ਕਲਾ ਭਵਨ ਚੰਡੀਗੜ੍ਹ ਵਿਖੇ ਪੰਜਾਬੀ ਬੋਲੀ ਨੂੰ ਸਮਰਪਤ ਖੂਬਸੁਰਤ ਸਮਾਰੋਹ ਦਾ ਆਯੋਜਿਨ ਕੀਤਾ ਗਿਆ। ਇਸ ਸਮੇਂ ਕੈਨੇਡਾ ਦੇ ਟਾਰਾਂਟੋ ਸ਼ਹਿਰ ਦੇ ਪਾਪੂਲਰ ਰੇਡੀਓ ਪੰਜਾਬੀ ਲਹਿਰਾਂ ਦੇ ਬਾਨੀ, ਸ਼੍ਰੋਮਣੀ ਕਵੀਸ਼ਰ ਸਰਦਾਰ ਰਣਜੀਤ ਸਿੰਘ ਸਿੱਧਵਾਂ ਦੇ ਸਪੁੱਤਰ ਸਰਦਾਰ ਸਤਿੰਦਰਪਾਲ ਸਿੰਘ ਸਿੱਧਵਾਂ ਦਾ ਖ਼ੂਬਸੂਰਤ ਫੁਲਕਾਰੀ ਇਕਵੰਜਾ ਹਜ਼ਾਰ ਰੁਪਏ ਅਤੇ ਪ੍ਰਮਾਣ ਪੱਤਰ ਦੇ ਕੇ ਸਨਮਾਨ ਕੀਤਾ ਗਿਆ। ਸਨਮਾਨ ਦੇਣ ਦੀ ਰਸ਼ਮ ਪਦਮ ਸ੍ਰੀ ਸੁਰਜੀਤ ਪਾਤਰ ਚੇਅਰਮੈਨ ਪੰਜਾਬ ਕਲਾ ਪਰਿਸ਼ਦ, ਡਾ ਲਖਵਿੰਦਰ ਜੌਹਲ ਪ੍ਰਧਾਨ ਪੰਜਾਬੀ ਸਾਹਿਤ ਅਕਾਦਮੀ ਲੁਧਿਆਣਾ, ਡਾ ਯੋਗਰਾਜ ਅਤੇ ਡਾ ਸਰਬਜੀਤ ਕੌਰ ਸੋਹਲ ਨਿਭਾਈ ਗਈ ! ਸ੍ਰ ਸਤਿੰਦਰਪਾਲ ਸਿੰਘ ਸਿੱਧਵਾਂ ਨੂੰ ਇਸ ਵੱਡਮੁਲੇ ਸਨਮਾਨ ਮਿਲਣ ਤੇ ਸੱਭਿਆਚਾਰਕ ਸੱਥ ਪੰਜਾਬ ਦੇ ਚੇਅਰਮੈਨ ਜਸਮੇਰ ਸਿੰਘ ਢੱਟ, ਸਰਪ੍ਰਸਤ ਗੁਰਭਜਨ ਗਿੱਲ, ਸਕੱਤਰ ਜਨਰਲ ਪ੍ਰੋ ਨਿਰਮਲ ਜੌੜਾ, ਜਗਜੀਤ ਸਿੰਘ ਲੋਹਟਬੱਦੀ, ਵਤਨੋ ਦੂਰ ਟੀ ਵੀ ਦੇ ਕਰਤਾ ਧਰਤਾ ਸੁੱਖੀ ਨਿੱਜਰ, ਗੁਰਦੇਵ ਸਿੰਘ, ਪ੍ਰੀਤਮ ਸਿੰਘ ਰੁਪਾਲ, ਰਬਿੰਦਰ ਰੰਗੂਵਾਲ ਨੇ ਮੁਬਾਰਕਬਾਦ ਦਿੰਦਿਆਂ ਆਸ ਪ੍ਰਗਟ ਕੀਤੀ ਹੈ ਕੇ ਸਰਦਾਰ ਸਤਿੰਦਰ ਪਾਲ ਸਿੱਧਵਾਂ ਕੈਨੇਡਾ ਵਿਚ ਪੰਜਾਬੀ ਬੋਲੀ ਦੇ ਪ੍ਰਚਾਰ ਅਤੇ ਪਾਸਾਰ ਲਈ ਕੋਈ ਕਸਰ ਬਾਕੀ ਨਹੀਂ ਛੱਡਣਗੇ ! ਇਸ ਸੰਬੰਧੀ ਸੱਥ ਦੀ ਹੋਈ ਮੀਟਿੰਗ ਵਿਚ ਪੰਜਾਬ ਕਲਾ ਪਰਿਸ਼ਦ ਦੇ ਉਪਰਾਲਿਆਂ ਦੀ ਸਲਾਘਾ ਕਰਦਿਆਂ ਸਮੁੱਚੇ ਪੰਜਾਬੀ ਜਗਤ ਨੂੰ ਕੌਮਾਂਤਰੀ ਮਾਤ ਭਾਸ਼ਾ ਦਿਵਸ ਤੇ ਵਧਾਈ ਦਿੰਦਿਆਂ ਪੰਜਾਬੀ ਬੋਲੀ ਅਪਨਾਉਣ ਦੀ ਅਪੀਲ ਵੀ ਕੀਤੀ ਗਈ ।ਕਨੇਡਾ ਵਿੱਚ ਵੀ ਏਕਮ ਟੀਵੀ ਅਮਰਜੀਤ ਸਿੰਘ ਰਾਏ , ਹਮਦਰਦ ਦੇ ਅਮਰ ਸਿੰਘ ਭੁੱਲਰ , ਗਾਉਂਦਾ ਪੰਜਾਬ ਦੇ ਜੁਗਿੰਦਰ ਬਾਸੀ , ਪੰਜਾਬੀ ਵਿਰਸਾ ਦੇ ਸਿੰਘ ਹਰਜੀਤ ,ਪੰਜਾਬੀ ਪੋਸਟ ਦੇ ਜਗਦੀਸ ਗਰੇਵਾਲ ,ਪੰਜਾਬ ਸਟਾਰ ਦੇ ਸਿਮਰਤ ਗਰੇਵਾਲ , ਆਰਟਿਸਟ ਬਲਜਿੰਦਰ ਸੇਖਾ ,ਮਾਸਟਰ ਹਰਚਰਨ ਸਿੰਘ ਰਾਮੂਵਾਲਾ ਨੇ ਸ਼ਤਿੱਦਰਪਾਲ ਸਿੱਧਵਾਂ ਨੂੰ ਵਧਾਈ ਭੇਜੀ ਹੈ