ਜੇਲ੍ਹ ‘ਚ ਅੱਗ ਲੱਗਣ ਨਾਲ 41 ਕੈਦੀ ਸੜ੍ਹ ਕੇ ਮਰੇ, 39 ਜ਼ਖ਼ਮੀ

40

ਇੰਡੋਨੇਸ਼ੀਆ ਦੀ ਰਾਜਧਾਨੀ ਜਕਾਰਤਾ ਨੇੜੇ ਇਕ ਜੇਲ੍ਹ ‘ਚ ਅੱਗ ਲੱਗ ਗਈ ਜਿਸ ਦੌਰਾਨ ਕਰੀਬ 41 ਕੈਦੀਆਂ ਦੀ ਮੌਤ ਹੋ ਗਈ ਤੈ 39 ਹੋਰ ਜ਼ਖ਼ਮੀ ਹਨ। ਨਿਆਂ ਮੰਤਰਾਲੇ ਦੇ ਸੁਧਾਰ ਵਿਭਾਗ ਦੀ ਬੁਲਾਰਾ ਰੀਕਾ ਅਪ੍ਰਿਯੰਤੀ ਨੇ ਕਿਹਾ ਕਿ ਅਧਿਕਾਰੀ ਇਸ ਅੱਗ ਲੱਗਣ ਦੀ ਘਟਨਾ ਦੀ ਜਾਂਚ ਕਰ ਰਹੇ ਹਨ। ਇਹ ਜੇਲ੍ਹ 1225 ਕੈਦੀਆਂ ਲਈ ਤਿਆਰ ਕੀਤੀ ਗਈ ਸੀ ਪਰ ਇਸ ਸਮੇਂ ਇਸ ‘ਚ 2000 ਤੋਂ ਵੱਧ ਕੈਦੀ ਸਨ। ਜਿਸ ਬਲਾਕ ‘ਚ ਅੱਗ ਲੱਗੀ ਉਸ ‘ਚ ਕਰੀਬ 122 ਕੈਦੀ ਸਨ। ਉਨਾਂ ਦੱਸਿਆ ਕਿ ਕੁਝ ਘੰਟਿਆਂ ਬਾਅਦ ਅੱਗ ਨੂੰ ਬੁਝਾਇਆ ਗਿਆ ਤੇ ਸਾਰੇ ਜ਼ਖ਼ਮੀਆਂ ਨੂੰ ਹਸਪਤਾਲ ਲਿਜਾਇਆ ਗਿਆ। ਇੰਡੋਨੇਸ਼ੀਆ ‘ਚ ਜੇਲ੍ਹ ਤੋੜਨਾ ਤੇ ਦੰਗੇ ਆਮ ਹਨ ਜਿੱਥੇ ਜੇਲ੍ਹਾਂ ‘ਚ ਭੀੜ ਇਕ ਸਮੱਸਿਆ ਬਣ ਗਈ ਹੈ। ਇਨ੍ਹਾਂ ਜੇਲ੍ਹਾਂ ‘ਚ ਵੱਡੀ ਗਿਣਤੀ ‘ਚ ਗੈਰਕਾਨੂਨੀ ਨਸ਼ਿਆਂ ਦੇ ਮਾਮਲੇ ‘ਚ ਗ੍ਰਿਫ਼ਤਾਰ ਕੀਤੇ ਲੋਕਾਂ ਨੂੰ ਰੱਖਿਆ ਜਾਂਦਾ ਹੈ।

Real Estate