ਰਿਸ਼ਤੇਦਾਰਾਂ ਨੂੰ ਵਿਖਾਉਣ ਲਈ ਬਣ ਗਈ ਜਆਲੀ IAS , ਕਾਰ ਅਤੇ ਘਰ ਤੇ ਲਗਾ ਰੱਖੀ ਸੀ ਅਫ਼ਸਰੀ ਵਾਲੀ ਨੇਮ ਪਲੇਟ

99

ਝਾਰਖੰਡ ਪੁਲਿਸ ਨੇ ਰਾਂਚੀ ਦੀ ਸਭ ਤੋਂ ਪੌਸ਼ ਕਲੋਨੀ ਵਿੱਚ ਰਹਿਣ ਵਾਲੀ ਇੱਕ 24 ਸਾਲਾ ਲੜਕੀ ਨੂੰ ਇੱਕ ਜਾਅਲੀ ਆਈਏਐੱਸ ਬਣਨ ਤੇ ਗ੍ਰਿਫਤਾਰ ਕੀਤਾ ਹੈ । ਮੁਲਜ਼ਮ ਦਾ ਨਾਮ ਮੋਨਿਕਾ ਅਗਨੀਹੋਤਰੀ ਹੈ ਅਤੇ ਉਹ ਮੱਧ ਪ੍ਰਦੇਸ਼ ਦੇ ਕਟਨੀ ਜ਼ਿਲੇ ਦੇ ਬਰਵਾੜਾ ਕਲਾ ਦੀ ਵਸਨੀਕ ਹੈ। ਮੁੱਢਲੀ ਜਾਂਚ ਵਿਚ ਇਹ ਗੱਲ ਸਾਹਮਣੇ ਆਈ ਹੈ ਕਿ ਮੋਨਿਕਾ ਦੇ ਮਾਪਿਆਂ ਨੇ ਉਸ ਨੂੰ ਆਈਏਐਸ ਕੋਚਿੰਗ ਲਈ ਦਿੱਲੀ ਭੇਜਿਆ ਸੀ, ਪਰ ਉਹ ਪ੍ਰੀਖਿਆ ਪਾਸ ਨਹੀਂ ਕਰ ਸਕੀ। ਇਸ ਤੋਂ ਬਾਅਦ, ਉਹ ਆਪਣੇ ਰਿਸ਼ਤੇਦਾਰਾਂ ਵਿੱਚ ਰੋਬ ਵਿਖਾਉਣ ਲਈ ਦਿਖਾਉਣ ਲਈ ਫਰਜ਼ੀ ਆਈਐਸ ਬਣ ਰਾਂਚੀ ਪਹੁੰਚ ਗਈ।
ਕਾਰ ‘ਤੇ ਨਕਲੀ ਨਾਮ ਪਲੇਟ ਵੀ ਲਗਾਈ ਗਈ
ਮੋਨਿਕਾ ਰਾਂਚੀ ਦੇ ਅਸ਼ੋਕਨਗਰ ਵਿੱਚ ਕਿਰਾਏ ਦੇ ਮਕਾਨ ਵਿੱਚ ਰਹਿੰਦੀ ਸੀ। ਉਸ ਨੇ ਮੁੱਖ ਗੇਟ ਤੇ ਆਪਣੇ ਨਾਮ ਦੀ ਨਾਮ ਪਲੇਟ ਵੀ ਲਗਾਈ ਹੋਈ ਸੀ। ਨਾਮ ਪਲੇਟ ਵਿੱਚ ਉਸਨੇ ਆਪਣੇ ਆਪ ਨੂੰ ਜਮਸ਼ੇਦਪੁਰ ਦਾ ਸਹਾਇਕ ਕੁਲੈਕਟਰ ਦੱਸਿਆ ਸੀ। ਮੋਨਿਕਾ ਜਿਸ ਕਾਰ ਦੀ ਵਰਤੋਂ ਕਰ ਰਹੀ ਸੀ ਉਸ ਉੱਤੇ ਵੀ ਸਹਾਇਕ ਕੁਲੈਕਟਰ, ਜਮਸ਼ੇਦਪੁਰ ਦਾ ਬੋਰਡ ਸੀ।
ਸੀਐਸ ਨੂੰ ਕਮਰਾ ਬੁੱਕ ਕਰਨ ਲਈ ਫਰਜੀ ਲੈਟਰਪੈਡ ਤੇ ਹੀ ਲਿਖ ਦਿੱਤੀ ਚਿੱਠੀ
ਜਾਂਚ ਤੋਂ ਪਤਾ ਲੱਗਿਆ ਹੈ ਕਿ ਮੋਨਿਕਾ ਨੇ ਦਿੱਲੀ ਸਥਿਤ ਝਾਰਖੰਡ ਭਵਨ ਵਿੱਚ ਇੱਕ ਜਾਅਲੀ ਲੈਟਰਪੈਡ ਤੇ ਲਿਖ ਕੇ ਇੱਕ ਕਮਰਾ ਬੁੱਕ ਕੀਤਾ ਸੀ। ਉਸਨੇ ਕਮਰਾ ਬੁੱਕ ਕਰਨ ਲਈ ਮੁੱਖ ਸਕੱਤਰ ਨੂੰ ਇੱਕ ਪੱਤਰ ਲਿਖਿਆ ਸੀ, ਜਿਸ ਤੋਂ ਬਾਅਦ ਪੁਲਿਸ ਨੇ ਉਸਦੇ ਕਮਰੇ ਵਿੱਚੋਂ ਹੀ ਜ਼ਬਤ ਕਰ ਲਿਆ ਸੀ।
ਮਾਂ ਨੇ ਕਿਹਾ – ਕੋਚਿੰਗ ਲਈ ਦਿੱਲੀ ਭੇਜਿਆ ਗਿਆ ਸੀ
ਮੋਨਿਕਾ ਦੀ ਮਾਂ ਪੁਸ਼ਪਲਾਤਾ ਅਗਨੀਹੋਤਰੀ ਦਾ ਕਹਿਣਾ ਹੈ ਕਿ ਉਸਨੇ ਆਪਣੀ ਬੇਟੀ ਨੂੰ ਆਈਏਐਸ ਕੋਚਿੰਗ ਲਈ ਦਿੱਲੀ ਭੇਜਿਆ ਸੀ, ਉਹ ਰਾਂਚੀ ਕਿਵੇਂ ਪਹੁੰਚੀ ? ਉਸ ਦੇ ਪਿਤਾ ਸ਼ੇਸ਼ਮਾਨੀ ਅਗਨੀਹੋਤਰੀ ਨੇ ਕੁਝ ਵੀ ਕਹਿਣ ਤੋਂ ਇਨਕਾਰ ਕਰ ਦਿੱਤਾ ਹੈ। ਉਸ ਦਾ ਪਿਤਾ ਬੜਵਾਰਾ ਦੇ ਸਰਕਾਰੀ ਸਕੂਲ ਵਿੱਚ ਹੈੱਡਮਾਸਟਰ ਹੈ ਅਤੇ ਮਾਂ ਉਸੇ ਸਕੂਲ ਵਿੱਚ ਕਲਰਕ ਹੈ।

Real Estate