ਪੰਜਾਬ ਅਤੇ ਸਿੰਧ ਬੈਂਕ ‘ਚ ਹੋਇਆ 112 ਕਰੋੜ ਦਾ ਘੁਟਾਲਾ, ਬੈਂਕ ਸੀ.ਬੀ.ਆਈ ਕੋਲ ਕਰੇਗੀ ਸਿਕਾਇਤ

ਦਿੱਲੀ, 11 ਜੁਲਾਈ (ਪੰਜਾਬ ਨਿਊਜ ਆਨਲਾਇਨ) : ਪੰਜਾਬ ਅਤੇ ਸਿੰਧ ਬੈਂਕ ਨੇ ਆਰਬੀਆਈ ਨੂੰ ਜਾਣਕਾਰੀ ਦਿੱਤੀ ਹੈ ਕਿ ਉਸ ਦੇ ਆਪਣੇ ਕਰਜ਼ੇ ਵਾਲੇ ਖਾਤਿਆਂ ਵਿੱਚ 112.42 ਕਰੋੜ ਰੁਪਏ ਦੀ ਧੋਖਾਧੜੀ ਹੋ ਗਈ ਹੈ। ਪੀਟੀਆਈ ਦੀ ਇਕ ਖ਼ਬਰ ਅਨੁਸਾਰ ਇਹ ਖਾਤੇ ਮਹਾ ਐਸੋਸੀਏਟਿਡ ਅਤੇ ਅਡੀਅਰ ਜ਼ਿੰਕ ਨਾਲ ਸਬੰਧਤ ਹਨ। ਪੰਜਾਬ ਅਤੇ ਸਿੰਧ ਬੈਂਕ ਨੇ ਰੈਗੂਲੇਟਰੀ ਜਾਣਕਾਰੀ ‘ਚ ਕਿਹਾ ਹੈ ਕਿ ਉਸ ਨੇ ਇਸ ਧੋਖਾਧੜੀ ਬਾਰੇ ਆਰਬੀਆਈ ਨੂੰ ਦਿੱਤੀ ਜਾਣਕਾਰੀ ਵਿੱਚ ਸਟਾਕ ਮਾਰਕੀਟ ਨੂੰ ਦੱਸਿਆ ਕਿ ਮਹਾ ਐਸੋਸੀਏਟਡ ਪ੍ਰਾਈਵੇਟ ਲਿਮਟਿਡ ਨਾਲ ਜੁੜੇ ਖਾਤਿਆਂ ਵਿੱਚ 71.18 ਕਰੋੜ ਰੁਪਏ ਬਕਾਇਆ ਹਨ। ਉਨ੍ਹਾਂ ਕਿਹਾ ਕਿ ਐਨਪੀਏ ਖਾਤੇ ਦੀ ਧੋਖਾਧੜੀ ਘੋਸ਼ਿਤ ਕਰਨ ਦੀ ਜਾਣਕਾਰੀ ਰਿਜ਼ਰਵ ਬੈਂਕ ਆਫ਼ ਇੰਡੀਆ (ਆਰਬੀਆਈ) ਨੂੰ ਦਿੱਤੀ ਗਈ ਹੈ। ਇਸ ਸਮੇਂ ਮਹਾਂ ਐਸੋਸੀਏਟਡ ਹੋਟਲਾਂ ਦਾ ਕੇਸ ਐਨਸੀਐਲਟੀ ਵਿੱਚ ਵਿਚਾਰ ਅਧੀਨ ਹੈ। ਬੈਂਕ ਨੇ ਕਿਹਾ ਹੈ ਕਿ ਇਸ ਧੋਖਾਧੜੀ ਦੀ ਜਾਂਚ ਉਸ ਵੱਲੋਂ ਕੀਤੀ ਜਾ ਰਹੀ ਹੈ ਪਰ ਰੈਗੂਲੇਟਰੀ ਜ਼ਰੂਰਤ ਅਨੁਸਾਰ ਇਸ ਦੀ ਜਾਣਕਾਰੀ ਆਰਬੀਆਈ ਨੂੰ ਦਿੱਤੀ ਗਈ ਹੈ। ਨਾਲ ਹੀ ਸੀਬੀਆਈ ਤੋਂ ਜਾਂਚ ਦੀ ਬੇਨਤੀ ਕੀਤੀ ਜਾ ਰਹੀ ਹੈ। ਪੰਜਾਬ ਅਤੇ ਸਿੰਧ ਬੈਂਕ ਸੀਬੀਆਈ ਕੋਲ ਸ਼ਿਕਾਇਤ ਦਰਜ ਕਰਨ ਦੀ ਤਿਆਰੀ ਵਿੱਚ ਹੈ।

Real Estate