ਹੁਣ ਬਾਬਾ ਰਾਮਦੇਵ ਕੋਰੋਨਾ ਦੀ ਦਵਾਈ ਬਣਾਉਣ ਦੇ ਦਾਅਵੇ ਤੋਂ ਮੁਕਰਿਆ

ਚੰਡੀਗੜ, 29 ਜੂਨ (ਜਗਸੀਰ ਸਿੰਘ ਸੰਧੂ) : ਕੇਸ ਦਰਜ ਹੋਣ ਤੋਂ ਬਾਅਦ ਪਲਟੀ ਮਾਰਦਿਆਂ ਪਤੰਜਲੀ ਯੋਗਪੀਠ ਦੀ ਬ੍ਰਹਮ ਫਾਰਮੇਸੀ ਨੇ ਕਹਿ ਦਿੱਤਾ ਹੈ ਕਿ ਅਸੀਂ ਤਾਂ ਅਜਿਹੀ ਕੋਈ ਦਵਾਈ ਬਣਾਉਣ ਦੀ ਗੱਲ ਹੀ ਨਹੀਂ ਕੀਤਾ, ਹਾਂਲਾਂਕਿ ਪਿਛਲੇ ਮੰਗਲਵਾਰ ਨੂੰ ਹੀ ਪਤੰਜਲੀ ਦੀ ਦਿਵਿਆ ਫਾਰਮੇਸੀ ਨੇ ਕੋਰੋਨਾ ਦੀ ਦਵਾਈ ‘ਕੋਰੋਨਿਲ’ ਦੀ ਕਾਢ ਕੱਢਣ ਦਾ ਦਾਅਵਾ ਕੀਤਾ ਸੀ। ਪਤੰਜਲੀ ਯੋਗਪੀਠ ਦੀ ਬ੍ਰਹਮ ਫਾਰਮੇਸੀ ਨੂੰ ਪਹਿਲਾਂ ਬਣਾਈ ਗਈ ਕੋਰੋਨਾ ਦਵਾਈ ਦੀ ਕਾਢ ਦੇ ਦਾਅਵਿਆਂ ਤੋਂ ਇਨਕਾਰ ਕਰ ਦਿੱਤਾ। ਉੱਤਰਾਖੰਡ ਆਯੁਸ਼ ਵਿਭਾਗ ਵੱਲੋਂ ਸੋਮਵਾਰ ਨੂੰ ਜਾਰੀ ਕੀਤੇ ਗਏ ਨੋਟਿਸ ਦੇ ਜਵਾਬ ਵਿੱਚ ਉਨ੍ਹਾਂ ਨੇ ਅਜਿਹੀ ਕੋਈ ਦਵਾਈ ਨਾ ਬਣਾਉਣ ਦੀ ਗੱਲ ਕਹੀ ਹੈ। ਜਦੋਂ ਇਹ ਮਾਮਲਾ ਸੁਰਖੀਆਂ ਵਿੱਚ ਆਇਆ ਤਾਂ ਕੇਂਦਰੀ ਆਯੂਸ਼ ਮੰਤਰਾਲੇ ਨੇ ਇਸ ‘ਤੇ ਨਜ਼ਰ ਰੱਖੀ। ਮੰਤਰਾਲੇ ਨੇ ਤੁਰੰਤ ਦਿਵਿਆ ਫਾਰਮੇਸੀ ਨੂੰ ਨੋਟਿਸ ਭੇਜ ਕੇ ਦਵਾਈ ਦੇ ਪ੍ਰਸਾਰ ਨੂੰ ਰੋਕ ਦਿੱਤੀ। 24 ਜੂਨ ਨੂੰ ਉਤਰਾਖੰਡ ਆਯੂਸ਼ ਵਿਭਾਗ ਨੇ ਦਿਵਿਆ ਫਾਰਮੇਸੀ ਨੂੰ ਵੀ ਨੋਟਿਸ ਭੇਜਿਆ ਸੀ, ਜਿਸ ਵਿੱਚ ਦਵਾਈ ਦੇ ਪ੍ਰਚਾਰ ਨੂੰ ਰੋਕਿਆ ਗਿਆ ਸੀ। ਨਾਲ ਹੀ ਸੱਤ ਦਿਨਾਂ ਦੇ ਅੰਦਰ ਨੋਟਿਸ ਦਾ ਜਵਾਬ ਦੇਣ ਲਈ ਵੀ ਕਿਹਾ ਸੀ। ਪਤੰਜਲੀ ਯੋਗਪੀਠ ਦੀ ਬ੍ਰਹਮ ਫਾਰਮੇਸੀ ਦਵਾਈ ‘ਕੋਰੋਨਿਲ’ ਦੇ ਵਿਵਾਦ ਦੇ ਵਿਚਕਾਰ ‘ਆਰਡਰ ਮੀ’ ਐਪ ਦੀ ਸ਼ੁਰੂਆਤ ਵੀ ਮੁਲਤਵੀ ਕਰ ਦਿੱਤੀ ਗਈ ਹੈ। ਪਤੰਜਲੀ ਯੋਗਪੀਥ ਦੇ ਬੁਲਾਰੇ ਐਸ ਕੇ ਤਿਜਾਰਾਵਾਲਾ ਨੇ ਦੱਸਿਆ ਕਿ ਐਪ ਦਾ ਅਜੇ ਟਰਾਈਲ ਕੀਤਾ ਜਾ ਰਿਹਾ ਹੈ। ਐਪ ਦੇ ਟਰਾਈਲ ਪੂਰਾ ਹੋਣ ‘ਤੇ ਇਸ ਦੀ ਲਾਂਚਿੰਗ ਕੀਤੀ ਜਾਏਗੀ।

Real Estate