ਚੀਨ ਦੀ ਇਕ ਕੰਪਨੀ ਨੇ ਅਮਰੀਕਾ ਨੂੰ 50 ਲੱਖ ਜਾਅਲੀ N95 ਮਾਸਕ ਵੇਚੇ

ਨਿਊਯਾਰਕ, 6 ਜੂਨ (ਪੰਜਾਬੀ ਨਿਊਜ ਆਨਲਾਇਨ) : ਚੀਨ ਦੀ ਇਕ ਕੰਪਨੀ ਨੇ 50 ਲੱਖ ਜਾਅਲੀ N95 ਮਾਸਕ ਅਮਰੀਕਾ ਨੂੰ ਵੇਚ ਦਿੱਤੇ ਹਨ। ਇਸ ਤੋਂ ਬਾਅਦ ਯੂਐਸ ਦੇ ਨਿਆਂ ਵਿਭਾਗ ਨੇ ਘਟੀਆ N95 ਮਾਸਕ ਵੇਚਣ ਵਾਲੀ ਕੰਪਨੀ ਵਿਰੁਧ ਮੁਕੱਦਮਾ ਦਰਜ ਕੀਤਾ ਹੈ। ਨਿਊਯਾਰਕ ਦੇ ਬਰੁਕਲਿਨ ਵਿੱਚ ਸੰਘੀ ਅਦਾਲਤ ਵਿੱਚ ਦਾਇਰ ਇੱਕ ਸ਼ਿਕਾਇਤ ਅਨੁਸਾਰ, ਕੰਪਨੀ ਨੇ ਝੂਠਾ ਦਾਅਵਾ ਕੀਤਾ ਕਿ 495,200 ਮਾਸਕ ਭੇਜੇ ਗਏ ਸਨ, ਉਹ N95 ਸਟੈਂਡਰਡ ਨੂੰ ਪੂਰਾ ਕਰਦਾ ਹੈ ਅਤੇ ਇਹ ਵੀ ਯੂਐਸ ਨੈਸ਼ਨਲ ਇੰਸਟੀਚਿਊਟ ਫ਼ਾਰ ਆਕੂਯੁਪੇਸ਼ਨਲ ਸੇਫਟੀ ਐਂਡ ਹੈਲਥ (NIOSH) ਵੱਲੋਂ ਪ੍ਰਮਾਣਿਤ ਹੋਣ ਦਾ ਦਾਅਵਾ ਕੀਤਾ ਗਿਆ ਹੈ। ਸ਼ਿਕਾਇਤ ਵਿੱਚ ਕਿਹਾ ਗਿਆ ਹੈ ਕਿ ਮਾਸਕ ਦੇ ਆਯਾਤ ਕਰਨ ਵਾਲੇ ਨੇ ਉਸ ਲਈ 10 ਲੱਖ ਡਾਲਰ ਤੋਂ ਵੱਧ ਦਾ ਭੁਗਤਾਨ ਕੀਤਾ ਸੀ। ਕੇਸ ਦੀ ਜਾਂਚ ਕਰ ਰਹੇ ਐਫਬੀਆਈ ਏਜੰਟ ਡਗਲਸ ਕੌਰਨੇਸਕੀ ਨੇ ਕਿਹਾ ਕਿ ਚੀਨੀ ਕੰਪਨੀ ਦੇ ਕੰਮ ਨਾਲ ਅਮਰੀਕੀ ਨਾਗਰਿਕਾਂ ਦੀ ਸੁਰੱਖਿਆ ਨੂੰ ਖ਼ਤਰਾ ਹੈ। ਚੀਨੀ ਕੰਪਨੀ ‘ਤੇ ਚਾਰ ਦੋਸ਼ ਲਗਾਏ ਗਏ ਹਨ, ਜਿਨ੍ਹਾਂ ਵਿੱਚ ਗ਼ਲਤ ਬ੍ਰਾਂਡ, ਮਾੜੇ ਸਿਹਤ ਉਤਪਾਦਾਂ ਦਾ ਆਯਾਤ ਕਰਨਾ ਅਤੇ ਯੂਐਸ ਫੂਡ ਐਂਡ ਡਰੱਗ ਐਡਮਿਨਿਸਟ੍ਰੇਸ਼ਨ ਨੂੰ ਮੂਰਖ ਬਣਾਉਣ ਸਮੇਤ ਹਰ ਚਾਰਜ ‘ਤੇ ਵੱਧ ਤੋਂ ਵੱਧ 500,000 ਡਾਲਰ ਦਾ ਜੁਰਮਾਨਾ ਹੁੰਦਾ ਹੈ।

Real Estate