ਫਿਰੋਜ਼ਪੁਰ – ਕੋਰੋਨਾ ਵਾਇਰਸ ਦੇ 528 ਸੈਂਪਲਾਂ ਦੀ ਰਿਪੋਰਟ ਨੈਗੇਟਿਵ ਆਈ

ਜਿਲ੍ਹੇ ਚ ਕੋਰੋਨਾ ਵਾਇਰਸ 26 ਕੇਸ,

ਫਿਰੋਜ਼ਪੁਰ, 5 ਮਈ (ਬਲਬੀਰ ਸਿੰਘ ਜੋਸਨ)-: – ਡਿਪਟੀ ਕਮਿਸ਼ਨਰ ਫਿਰੋਜ਼ਪੁਰ ਸ਼੍ਰੀ ਕੁਲਵੰਤ ਸਿੰਘ ਨੇ ਦੱਸਿਆ ਹੈ ਕਿ ਜਿਲ੍ਹੇ ਵਿੱਚ ਹੁਣ ਕੁਲ 26 ਕੋਰੋਨਾ ਵਾਇਰਸ ਦੇ ਐਕਟਿਵ ਕੇਸ ਚੱਲ ਰਹੇ ਹਨ । ਜਦੋਂ ਕਿ ਇੱਕ ਵਿਅਕਤੀ ਤੰਦਰੁਸਤ ਹੋਕੇ ਜਾ ਚੁੱਕਿਆ ਹੈ ਅਤੇ ਇੱਕ ਦੀ ਮੌਤ ਹੋ ਚੁੱਕੀ ਹੈ । ਉਨ੍ਹਾਂ ਦੱਸਿਆ ਕਿ ਪਿੰਡ ਅਲੀਕੇ ਦੇ ਰਹਿਣ ਵਾਲੇ ਜਿਸ 45 ਸਾਲ ਦੇ ਵਿਅਕਤੀ ਦੀ ਮੌਤ ਹੋਈ ਹੈ , ਉਸਨੂੰ ਹੋਰ ਵੀ ਕਈ ਗੰਭੀਰ ਮੈਡੀਕਲ ਸਮੱਸਿਆਵਾਂ ਸੀ। ਉਹ ਡਾਇਬਟੀਜ਼ ਦਾ ਮਰੀਜ ਸੀ, ਨਾਲ ਹੀ ਉਸਨੂੰ ਫੇਫੜਿਆਂ ਤੋਂ ਸਬੰਧਤ ਰੋਗ ਵੀ ਸੀ।

ਉਨ੍ਹਾਂ ਦੱਸਿਆ ਕਿ ਮਰੀਜ ਦੀ ਮੌਤ ਦੇ ਬਾਅਦ ਉਸਦੀ ਰਿਪੋਰਟ ਪਾਜ਼ੀਟਿਵ ਆਈ ਸੀ, ਜਿਸਦਾ ਫਿਰੋਜ਼ਪੁਰ ਵਿੱਚ ਮੇਡੀਕਲ ਪ੍ਰੋਟੋਕਾਲ ਦੇ ਤਹਿਤ ਅੰਤਿਮ ਸੰਸਕਾਰ ਕਰ ਦਿੱਤਾ ਗਿਆ ਹੈ । ਨਾਲ ਹੀ ਪੂਰੇ ਪਿੰਡ ਨੂੰ ਕੰਟੇਨਮੇਂਟ ਜੋਨ ਘੋਸ਼ਿਤ ਕੀਤਾ ਗਿਆ ਹੈ । ਉਨ੍ਹਾਂ ਕਿਹਾ ਕਿ ਫਿਰੋਜਪੁਰ ਵਿੱਚ ਦੂਜੇ ਰਾਜਾਂ ਤੋਂ ਕੁੱਲ 470 ਲੋਕ ਆ ਚੁੱਕੇ ਹਨ , ਜਿਸ ਵਿਚੋਂ 265 ਲੋਕ ਮਹਾਰਾਸ਼ਟਰ ਅਤੇ ਬਾਕੀ ਦੇ ਲੋਕ ਹੋਰ ਰਾਜਾਂ ਤੋਂ ਆਏ ਹਨ । ਹੁਣੇ ਤੱਕ ਜਿਲ੍ਹੇ ਵਿੱਚ 1016 ਲੋਕਾਂ ਦੀ ਸੈਂਪਲਿੰਗ ਹੋ ਚੁੱਕੀ ਹੈ, ਜਿਸ ਵਿਚੋਂ 528 ਸੈਂਪਲ ਨੈਗੇਟਿਵ ਆ ਚੁੱਕੇ ਹਨ ਅਤੇ 27 ਕੇਸ ਪਾਜ਼ੀਟਿਵ ਆ ਚੁੱਕੇ ਹਨ । ਬਾਕੀ ਸੈਂਪਲਾਂ ਦੀ ਰਿਪੋਰਟ ਆਉਣੀ ਬਾਕੀ ਹੈ । ਜਿਲ੍ਹੇ ਵਿੱਚ ਕੁੱਲ ਛੇ ਕੰਟੇਨਮੇਂਟ ਜੋਨ ਸਥਾਪਤ ਕੀਤੇ ਗਏ ਹਨ , ਜਿਸ ਵਿਚੋਂ 4 ਜ਼ੀਰਾ ਇਲਾਕੇ ਵਿੱਚ ਹਨ । ਇੱਕ ਕਮਾਲਗੜ੍ਹ ਅਤੇ ਦੂਜਾ ਇਲਾਕਾ ਅਲੀਕੇ ਪਿੰਡ ਹੈ ।

Real Estate