ਪੰਜਾਬ ‘ਚ ਅੱਜ ਕਰੋਨਾ ਦੇ 26 ਨਵੇਂ ਕੇਸ ਆਏ, 1 ਮੌਤ ਹੋਈ

ਚੰਡੀਗੜ, 23 ਅਪ੍ਰੈਲ  (ਜਗਸੀਰ ਸਿੰਘ ਸੰਧੂ) : ਅੱਜ ਕੋਰੋਨਾ ਦੇ 26 ਨਵੇਂ ਕੇਸ ਆਉਣ ਨਾਲ ਹੁਣ ਤੱਕ ਪੰਜਾਬ ਵਿੱਚ ਕੋਰੋਨਾ ਪਾਜੇਟਿਵ ਪਾਏ ਗਏ ਮਰੀਜਾਂ ਦੀ ਗਿਣਤੀ 286 ਹੋ ਗਈ ਹੈ ਅਤੇ ਇੱਕ ਹੋਰ ਮੌਤ ਹੋਣ ਨਾਲ ਮੌਤਾਂ ਦੀ ਗਿਣਤੀ 17 ਹੋ ਗਈ ਹੈ।  ਭਾਵੇਂ ਪਿਛਲੇ ਕੁਝ ਦਿਨਾਂ ਤੋਂ ਕੋਰੋਨਾ ਪਾਜੇਟਿਵ ਮਰੀਜਾਂ ਦੀ ਰਫਤਾਰ ਮੱਠੀ ਹੋ ਗਈ ਅਤੇ ਪੰਜਾਬ ਸਰਕਾਰ ਤੇ ਲੋਕਾਂ ਨੇ ਸੁਖ ਦਾ ਸਾਹ ਲਿਆ ਸੀ, ਪਰ ਅੱਜ ਇਕੱਠੇ 21 ਕੇਸ ਪਾਜ਼ੇਟਿਵ ਆ ਗਏ। ਇਨ•ਾਂ ‘ਚੋਂ 18 ਪਟਿਆਲੇ ਦੇ ਰਾਜਪੁਰਾ ‘ਚ ਰਿਪੋਰਟ ਹੋਏ ਜਿਹੜੇ ਇਕ ਪ੍ਰਾਈਵੇਟ ਹਸਪਤਾਲ ਦੇ ਪਾਜ਼ੇਟਿਵ ਪਾਏ ਗਏ ਡਾਕਟਰ ਦੇ ਸੰਪਰਕ ‘ਚ ਆਏ ਸਨ। ਉੱਥੇ ਮੋਹਾਲੀ ਵਿੱਚ ਨਵਾਂ 1, ਅੰਮ੍ਰਿਤਸਰ ਸਾਹਿਬ ਦੇ ਕ੍ਰਿਸ਼ਨਾਨਗਰ ਵਿੱਚ ਨਵੇਂ 2 ਅਤੇ ਜਲੰਧਰ ਵਿੱਚ ਨਵੇਂ ਮਰੀਜ ਕੋਰੋਨਾ ਪਾਜੇਟਿਵ ਪਾਏ ਗਏ ਹਨ। ਹੁਣ ਤੱਕ ਪੰਜਾਬ ਵਿੱਚ ਕੋਰੋਨਾ ਨਾਲ 17 ਮੌਤਾਂ ਹੋ ਚੁੱਕੀਆਂ ਹਨ, ਜਿਹਨਾਂ ਵਿੱਚ ਪਠਲਾਵਾ ਦੇ ਬਲਦੇਵ ਸਿੰਘ, ਹਸਿਆਰਪੁਰ ਦੇ ਹਰਭਜਨ ਸਿੰਘ, ਲੁਧਿਆਣਾ ਦੀ 42 ਸਾਲਾ ਔਰਤ, ਅੰਮ੍ਰਿਤਸਰ ਦੇ ਪਦਮ ਸ੍ਰੀ ਰਾਗੀ ਨਿਰਮਲ ਸਿੰਘ ਖਾਲਸਾ, ਮੋਹਾਲੀ ਦੀ 65 ਔਰਤ, ਪਠਾਨ ਕੋਟ ਦੀ ਔਰਤ, ਲੁਧਿਆਣਾ ਦੀ 50 ਸਾਲਾ ਔਰਤ, ਅੰਮ੍ਰਿਤਸਰ ਸਾਹਿਬ ਦੇ ਨਗਰ ਨਿਗਮ ਦਾ ਸੇਵਾ ਮੁਕਤ ਅਧਿਕਾਰੀ, ਰੋਪੜ ਦਾ 55 ਸਾਲਾ ਵਿਅਕਤੀ, ਜਲੰਧਰ ਦੇ ਕਾਂਗਰਸੀ ਆਗੂ ਦਾ 59 ਸਾਲਾ ਪਿਤਾ, ਬਰਨਾਲਾ ਦੇ ਮਹਿਲ ਕਲਾਂ ਦੀ ਔਰਤ, ਮੋਹਾਲੀ ਦੇ ਮੁੰਡੀ ਖਰੜ ਦੀ 74 ਸਾਲਾ ਔਰਤ, ਜਲੰਧਰ ਦੀ ਇੱਕ ਔਰਤ, ਗੁਰਦਾਸਪੁਰ ਦੇ ਭੈਣੀ ਪਸਵਾਲ ਦੇ ਵਿਅਕਤੀ, ਲੁਧਿਆਣਾ ਦੇ ਕੰਨੂਗੋ ਗੁਰਮੇਲ ਸਿੰਘ, ਲੁਧਿਆਣਾ ਦੇ ਏ.ਸੀ.ਪੀ ਅਨਿਲ ਕੋਹਲੀ ਅਤੇ ਅੱਜ ਫਗਵਾੜਾ ਦੀ 6 ਮਹੀਨਿਆਂ ਦੀ ਬੱਚੀ ਦੀ ਕੋਰੋਨਾ ਕਾਰਨ ਮੌਤ ਹੋ ਗਈ ਹੈ।
ਪੀ.ਜੀ.ਆਈ ਚੰਡੀਗੜ ਵਿੱਚ ਨੌ ਅਪ੍ਰੈਲ ਨੂੰ ਦਾਖ਼ਲ ਕਰਵਾਈ ਗਈ ਫਗਵਾੜਾ ਦੀ 6 ਮਹੀਨੇ ਬੱਚੀ ਰਿਤਿਕਾ ਦੀ ਰਿਪੋਰਟ ਕੋਰੋਨਾ ਪਾਜ਼ੇਟਿਵ ਪਾਏ ਜਾਣ ਤੋਂ ਬਾਅਦ ਅੱਜ ਉਸਦੀ ਪੀ.ਜੀ.ਆਈ ਵਿੱਚ ਮੌਤ ਹੋ ਗਈ ਹੈ। ਇਸ ਉਪਰੰਤ ਪੀ.ਜੀ.ਆਈ ਦੇ ਪੀਡੀਆਟਰਿਕ ਸੈਂਟਰ ਦੇ ਕੁਲ 18 ਡਾਕਟਰ, 15 ਨਰਸਿੰਗ ਆਫੀਸਰ, 13 ਸਟਾਫ ਅਟੈਂਡੈਂਟ, 2ਫਿਜ਼ੀਓਥੇਰੈਪਿਸਟ, ਛੇ ਐਕਸਰੇ ਟੈਕਨੀਸ਼ੀਅਨਾਂ ਸਮੇਤ 54 ਲੋਕਾਂ ਨੂੰ ਕੁਆਰੰਟਾਈਨ ਕਰ ਦਿੱਤਾ ਗਿਆ ਹੈ। ਜਦੋਂ ਕਿ ਬੱਚੀ ਮਾਪਿਆਂ ਨੇ ਦੋਸ਼ ਲਗਾਏ ਹਨ ਕਿ ਉਹਨਾਂ ਦੀ ਬੱਚੀ ਨੂੰ ਪੀ.ਜੀ.ਆਈ ਵਿੱਚੋਂ ਹੀ ਇਹ ਲਾਗ ਲੱਗੀ ਹੈ ਅਤੇ ਇਸੇ ਕਾਰਨ ਉਸਦੀ ਮੌਤ ਹੋਈ ਹੈ, ਪਰ ਪੀ.ਜੀ.ਆਈ ਦੇ ਪ੍ਰਸਾਸ਼ਨ ਨੇ ਕਿਹਾ ਹੈ ਉਹਨਾਂ ਦਾ ਕੋਈ ਵੀ ਡਾਕਟਰ ਜਾਂ ਨਰਸ ਕੋਰੋਨਾ ਪਾਜਿਟਿਵ ਨਹੀਂ ਆਇਆ ਹੈ। ਪੰਜਾਬ ‘ਚ ਹੁਣ ਤਕ ਪਾਜ਼ੇਟਿਵ ਕੇਸ – 287, ਮੌਤਾਂ 16 ਅਤੇ ਠੀਕ ਹੋਏ 53 ਮਰੀਜ਼, ਅੱਜ ਨਵੇਂ ਆਏ ਕੇਸ – 26, ਹੁਣ ਤੱਕ 7887 ਸੈਂਪਲ ਲਏ, ਜਿਹਨਾਂ ‘ਚੋਂ 7100 ਨੈਗੇਟਿਵ ਆਏ, 513 ਰਿਪੋਰਟਾਂ ਦਾ ਅਜੇ ਇੰਤਜ਼ਾਰ ਹੈ।

ਪੰਜਾਬ ‘ਚ ਹੁਣ ਤਕ ਦੀ ਸਥਿਤੀ

ਜ਼ਿਲ•ੇ                              ਪਾਜ਼ੇਟਿਵ                            ਮੌਤਾਂ
ਮੋਹਾਲੀ                                62                                 2

ਜਲੰਧਰ                               62                                  3

ਪਟਿਆਲਾ                            49                                   0

ਪਠਾਨਕੋਟ                            24                                   1

ਨਵਾਂਸ਼ਹਿਰ                            19                                  1

ਲੁਧਿਆਣਾ                               5                                  4

ਅੰਮ੍ਰਿਤਸਰ ਸਾਹਿਬ                    13                                  2

ਮਾਨਸਾ                                11                                   0

ਹੁਸ਼ਿਆਰਪੁਰ                            7                                   1

ਮੋਗਾ                                     4                                   0

ਫ਼ਰੀਦਕੋਟ                               3                                    0

ਰੂਪਨਗਰ                                3                                    1

ਸੰਗਰੂਰ                                  3                                    0

ਕਪੂਰਥਲਾ                               3                                     0

ਬਰਨਾਲਾ                                 2                                    1

ਫ਼ਤਹਿਗੜ ਸਾਹਿਬ                     2                                     0

ਗੁਰਦਾਸਪੁਰ                              2                                     1                                                                            

ਮੁਕਤਸਰ ਸਾਹਿਬ                          1                                    0

ਫਿਰੋਜ਼ਪੁਰ                                  1                                    0

 ਕੁੱਲ                                      286                                    17

Real Estate