ਨਾਗਰਿਕਤਾ ਸੋਧ ਬਿਲ-2019 ਲੋਕ ਸਭਾ ’ਚ ਹੋਇਆ ਪਾਸ : ਓਵੈਸੀ ਨੇ ਲੋਕ ਸਭਾ ‘ਚ ਪਾੜੀ ਬਿੱਲ ਦੀ ਕਾਪੀ

ਨਾਗਰਿਕਤਾ ਸੋਧ ਬਿਲ-2019 ਨੂੰ ਅੱਜ ਸੋਮਵਾਰ ਨੂੰ ਦੁਪਹਿਰ ਤੋਂ ਜਾਰੀ 7 ਘੰਟਿਆਂ ਦੀ ਚਰਚਾ ਮਗਰੋਂ ਆਖਰਕਾਰ ਲੋਕ ਸਭਾ ਚ ਪਾਸ ਕਰ ਦਿੱਤਾ ਗਿਆ। ਬਿਲ ਦੇ ਹੱਕ ਚ 311 ਅਤੇ ਇਸ ਦੇ ਵਿਰੋਧ ਚ 80 ਵੋਟਾਂ ਪਈਆਂ।ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨੇ ਅੱਜ ਬਿਲ ਪੇਸ਼ ਕੀਤਾ। ਭਾਰੀ ਹੰਗਾਮੇ ਦੇ ਦੌਰਾਨ ਇਸ ਬਿਲ ਨੇ ਇਸ ਨੂੰ ਸਦਨ ਚ ਰੱਖਿਆ, ਜਿਸਦਾ ਵਿਰੋਧੀ ਪਾਰਟੀਆਂ, ਖ਼ਾਸਕਰ ਕਾਂਗਰਸ ਦੁਆਰਾ ਸਖਤ ਵਿਰੋਧ ਕੀਤਾ ਗਿਆ। ਵੋਟਿੰਗ ਉਦੋਂ ਹੋਈ ਜਦੋਂ ਬਿਲ ਸਦਨ ਚ ਪੇਸ਼ ਕੀਤਾ ਗਿਆ, ਜਿਸ ਤੋਂ ਬਾਅਦ ਇਸ ‘ਤੇ ਵਿਚਾਰ ਵਟਾਂਦਰੇ ਸ਼ੁਰੂ ਹੋਈ।ਲੋਕ ਸਭਾ ਚ ਬਿਲ ਪਾਸ ਹੋਣ ਤੋਂ ਬਾਅਦ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਇਸ ‘ਤੇ ਖੁਸ਼ੀ ਜ਼ਾਹਰ ਕੀਤੀ। ਉਨ੍ਹਾਂ ਟਵੀਟ ਕੀਤਾ, ਨਾਗਰਿਕਤਾ ਸੋਧ ਬਿਲ-2019 ਨੂੰ ਚੰਗੀ ਅਤੇ ਵਿਆਪਕ ਬਹਿਸ ਤੋਂ ਬਾਅਦ ਪਾਸ ਕੀਤਾ ਗਿਆ। ਮੈਂ ਵੱਖ ਵੱਖ ਸੰਸਦ ਮੈਂਬਰਾਂ ਅਤੇ ਪਾਰਟੀਆਂ ਦਾ ਧੰਨਵਾਦ ਕਰਦਾ ਹਾਂ ਜਿਨ੍ਹਾਂ ਨੇ ਬਿਲ ਦਾ ਸਮਰਥਨ ਕੀਤਾ। ਇਹ ਬਿਲ ਭਾਰਤ ਦੀ ਪੁਰਾਣੀ ਸਦਾਚਾਰ ਅਤੇ ਮਨੁੱਖੀ ਕਦਰਾਂ ਕੀਮਤਾਂ ਚ ਵਿਸ਼ਵਾਸ ਦੇ ਅਨੁਸਾਰ ਹੈ।
ਆਲ ਇੰਡੀਆ ਮਜਲਿਸ-ਏ-ਇਤਹਾਦੁਲ ਮੁਸਲੀਮੀਨ ਦੇ ਚੀਫ ਅਸਦੁਦੀਨ ਓਵੈਸੀ ਨੇ ‘ਨਾਗਰਿਕਤਾ ਸੋਧ ਬਿੱਲ’ ਦੀ ਕਾਪੀ ਨੂੰ ਲੋਕ ਸਭਾ ‘ਚ ਚਰਚਾ ਦੌਰਾਨ ਪਾੜ ਦਿੱਤਾ। ਓਵੈਸੀ ‘ਨਾਗਰਿਕਤਾ ਸੋਧ ਬਿਲ’ ‘ਤੇ ਬੋਲ ਰਹੇ ਸਨ ਅਤੇ ਉਨ੍ਹਾਂ ਕਿਹਾ ਕਿ ਦੇਸ਼ ਦੀ ਇੱਕ ਹੋਰ ਵੰਡ ਹੋਣ ਜਾ ਰਹੀ ਹੈ। ਇਹ ਕਾਨੂੰਨ ਹਿਟਲਰ ਦੇ ਕਾਨੂੰਨ ਤੋਂ ਵੀ ਭੈੜਾ ਹੈ। ਗਾਂਧੀ ਦਾ ਜ਼ਿਕਰ ਕਰਦੇ ਹੋਏ ਓਵੈਸੀ ਨੇ ਆਪਣੇ ਸੰਬੌਧਨ ਦੌਰਾਨ ਹੀ ਬਿੱਲ ਦੀ ਕਾਪੀ ਪਾੜ ਦਿੱਤੀ, ਓਵੈਸੀ ਨੇ ਇਸ ਬਿੱਲ ਨੂੰ ਸੰਵਿਧਾਨ ਦੀ ਮੂਲ ਆਤਮਾ ਦੇ ਵਿਰੁੱਧ ਦੱਸਿਆ। ਓਵੈਸੀ ਦੀ ਇਸ ਹਰਕਤ ਨੂੰ ਸਦਨ ਦੀ ਕਰਵਾਈ ‘ਚੋਂ ਹਟਾ ਦਿੱਤਾ ਗਿਆ ਹੈ।

Real Estate