ਕੈਨੇਡਾ ‘ਚ ਪੰਜਾਬੀ ਵਿਦਿਆਰਥਣ ਦਾ ਕਤਲ

ਥਾਣਾ ਲਾਂਬੜਾ ਦੇ ਅਧੀਨ ਪੈਂਦੇ ਪਿੰਡ ਚਿਟੀ ਦੀ ਪ੍ਰਭਲੀਨ ਜੋ ਕੈਨੇਡਾ ਦੇ ਸ਼ਹਿਰ ਸਰੀ ਵਿੱਚ ਰਹਿ ਰਹੀ ਸੀ ਦਾ ਉੱਥੇ ਕਤਲ ਕਰ ਦਿੱਤਾ ਗਿਆ ਹੈ। ਪ੍ਰਭਲੀਨ ਦੇ ਪਰਿਵਾਰ ਅਨੁਸਾਰ ਉਹ 2016 ਵਿਚ ਕੈਨੇਡਾ ਸਟੱਡੀ ਵੀਜ਼ੇ ਉਤੇ ਗਈ ਸੀ। ਉਸਦੀ ਸਟੱਡੀ ਖ਼ਤਮ ਹੋ ਚੁੱਕੀ ਸੀ ਅਤੇ ਹੁਣ ਉਹ ਉਥੇ ਕੰਮ ਕਰ ਰਹੀ ਸੀ। ਕੈਨੇਡਾ ਪੁਲਿਸ ਨੇ ਉਨ੍ਹਾਂ ਨੂੰ ਫ਼ੋਨ ‘ਤੇ ਸੂਚਨਾ ਦਿੱਤੀ ਕਿ ਉਨ੍ਹਾਂ ਦੇ ਬੇਟੀ ਦਾ ਕਤਲ ਕਰ ਦਿੱਤਾ ਗਿਆ ਹੈ। ਫ਼ਿਲਹਾਲ ਹਲੇ ਤੱਕ ਇਹ ਪਤਾ ਨਹੀਂ ਚੱਲ ਸਕਿਆ ਕਿ ਕੈਨੇਡਾ ਵਿਚ ਪ੍ਰਭਲੀਨ ਦਾ ਕਤਲ ਕਿਵੇਂ ਹੋਇਆ। ਲੜਕੀ ਦੇ ਪਿਤਾ ਗੁਰਦਿਆਲ ਸਿੰਘ ਮਠਾੜੂ ਪੰਜਾਬ ਵਿੱਚ ਫੋਟੋ ਜਰਨਲਿਸਟ ਵਜੋਂ ਸਰਗਰਮ ਹਨ।
ਇੱਕ ਹੋਰ ਦੂਜੀ ਘਟਨਾਂ ‘ਚ ਵੀ ਵੀਰਵਾਰ ਸ਼ਾਮ ਨੂੰ ਸਰੀ ਦੇ ਵਾਲ੍ਹੀ ਇਲਾਕੇ ‘ਚ 140 ਸਟਰੀਟ ਅਤੇ 102 ਐਵੇਨਿਊ ਲਾਗੇ ਪੁਲਿਸ ਨੂੰ ਇੱਕ ਘਰ ‘ਚੋਂ ਦੋ ਲਾਸ਼ਾਂ ਮਿਲੀਆਂ ਸਨ, ਜਿਸ ਬਾਰੇ ਪੁਲਿਸ ਨੇ ਦੱਸਿਆ ਸੀ ਕਿ ਇਨ੍ਹਾਂ ‘ਚ ਇੱਕ ਕਤਲ ਜਾਪਦਾ ਹੈ।

Real Estate