CCD ਦੇ ਮਾਲਕ ਦਾ ਮ੍ਰਿਤਕ ਸਰੀਰ ਮਿਲਿਆ , ਪਿਛਲੇ ਦੋ ਦਿਨਾਂ ਤੋਂ ਸਨ ਗਾਇਬ

701

‘ਕੈਫੇ ਕਾਫੀ ਡੇ’ ਦੇ ਸੰਸਥਾਪਕ ਵੀ ਜੀ ਸਿਧਾਰਥ ਸੋਮਵਾਰ ਰਾਤ ਤੋਂ ਗੁੰਮ ਹੋ ਗਏ ਸਨ । ਪੁਲਿਸ ਅਨੁਸਾਰ ਕਰਨਾਟਕ ਦੇ ਸਾਬਕਾ ਮੁੱਖ ਮੰਤਰੀ ਐਸ ਐਮ ਕ੍ਰਿਸ਼ਨਾ ਦੇ ਜਵਾਈ ਸਿਧਾਰਥ ਸਕਲੇਸ਼ਪੁਰ ਜਾ ਰਹੇ ਸਨ, ਪ੍ਰੰਤੂ ਅਚਾਨਕ ਉਨ੍ਹਾਂ ਆਪਣੇ ਡਰਾਈਵਰ ਨੂੰ ਮੰਗਲੁਰੂ ਚੱਲਣ ਨੂੰ ਕਿਹਾ। ਉਥੇ, ਇਸ ਮਾਮਲੇ ਵਿਚ ਸਿਧਾਰਥ ਵੱਲੋਂ ਲਿਖਿਆ ਗਿਆ ਇਕ ਪੱਤਰ ਸਾਹਮਣੇ ਆਇਆ ਸੀ। ਪੱਤਰ ਵਿਚ ਸਿਧਾਰਥ ਨੇ ਕਰਮਚਾਰੀਆਂ ਅਤੇ ਬੋਰਡ ਆਫ ਡਾਇਰੈਕਟਰਾਂ ਨੂੰ ਲਿਖਿਆ ਹੈ ਕਿ ਸਾਰੇ ਵਿੱਤੀ ਲੈਣ–ਦੇਣ ਮੇਰੀ ਜ਼ਿੰਮੇਵਾਰੀ ਹੈ। ਕਾਨੂੰਨ ਨੂੰ ਮੈਨੂੰ ਅਤੇ ਕੇਵਲ ਮੈਨੂੰ ਜਵਾਬਦੇਹ ਰੱਖਣਾ ਚਾਹੀਦਾ। 27 ਜੁਲਾਈ ਨੂੰ ਲਿਖੇ ਪੱਤਰ ਵਿਚ ਸਿਧਾਰਥ ਨੇ ਕਿਹਾ ਮੈਨੂੰ ਉਨ੍ਹਾਂ ਸਾਰੇ ਲੋਕਾਂ ਨੂੰ ਨਿਰਾਸ਼ ਕਰਨ ਦਾ ਬਹੁਤ ਅਫਸੋਸ ਹੈ, ਜਿਨ੍ਹਾਂ ਮੇਰੇ ਉਤੇ ਭਰੋਸਾ ਕੀਤਾ। ਮੈਂ ਲੰਬੇ ਸਮੇਂ ਤੱਕ ਲੜਾਈ ਲੜੀ, ਪ੍ਰੰਤੂ ਅੱਜ ਮੈਂ ਹਾਰ ਮੰਨ ਲਈ, ਕਿਉਂਕਿ ਮੈਂ ਅਤੇ ਦਬਾਅ ਨਹੀਂ ਬਣਾ ਸਕਦਾ ਸੀ। ਉਨ੍ਹਾਂ ਅੱਗੇ ਲਿਖਿਆ ਕਿ ਮੇਰਾ ਇਰਾਦਾ ਕਦੇ ਵੀ ਕਿਸੇ ਨੂੰ ਧੋਖਾ ਦੇਣ ਜਾਂ ਗੁੰਮਰਾਹ ਕਰਨ ਦਾ ਨਹੀਂ ਸੀ, ਮੈਂ ਇਕ ਉਦਮੀ ਦੇ ਤੌਰ ਉਤੇ ਅਸਫਲ ਰਿਹਾ ਹਾਂ। ਇਹ ਮੇਰੀ ਇਮਾਨਦਾਰੀ ਹੈ। ਮੈਨੂੰ ਉਮੀਦ ਹੈ ਕਿ ਕਿਸੇ ਦਿਨ ਤੁਸੀਂ ਮੈਨੂੰ ਸਮਝੋਗੇ, ਮੁਆਫ ਕਰੋਗੇ।
ਪੁਲਿਸ ਨੇ ਦੱਸਿਆ ਕਿ ਦੱਖਣੀ ਕੰਨੜ ਜ਼ਿਲ੍ਹੇ ਦੇ ਕੋਟੇਪੁਰਾ ਖੇਤਰ ਵਿਚ ਨੇਤਰਵਤੀ ਨਦੀ ਉਤੇ ਬਣੇ ਪੁਲ ਦੇ ਕੋਲ ਉਹ ਕਾਰ ਤੋਂ ਉਤਰ ਗਏ ਅਤੇ ਉਨ੍ਹਾਂ ਡਰਾਈਵਰ ਨੂੰ ਕਿਹਾ ਕਿ ਉਹ ਸ਼ੈਰ ਕਰਨ ਜਾ ਰਹੇ ਹਨ। ਜਦੋਂ ਉਹ ਦੋ ਘੰਟੇ ਤੱਕ ਵਾਪਸ ਨਾ ਆਏ ਤਾਂ ਡਰਾਈਵਰ ਨੇ ਪੁਲਿਸ ਨਾਲ ਸੰਪਰਕ ਸਕਰਕੇ ਉਨ੍ਹਾਂ ਦੇ ਗੁੰਮ ਹੋਣ ਦੀ ਸ਼ਿਕਾਇਤ ਦਰਜ ਕਰਵਾਈ।
ਸਿਧਾਰਥ ਦੇ ਗਾਇਬ ਹੋਣ ਦੇ 36 ਘੰਟਿਆਂ ਮਗਰੋਂ ਉਨ੍ਹਾਂ ਦਾ ਮ੍ਰਿਤਕ ਸਰੀਰ ਮਿਲ ਗਿਆ । 200 ਜਾਣਿਆ ਦੀ ਟੀਮ ਉਨ੍ਹਾਂ ਨੂੰ ਪਿਛਲੇ ਦਿਨਾਂ ਤੋਂ ਨਦੀ ਵਿੱਚ ਲੱਭ ਰਹੀ ਸੀ ।

Real Estate