ਆਸਟ੍ਰੇਲੀਆ ਵਿੱਚ ਇੱਛਕ ਮੌਤ ਮਿਲ ਸਕੇਗੀ

4528

ਆਸਟ੍ਰੇਲੀਆ ਦਾ ਵਿਕਟੋਰੀਆ ਪ੍ਰਾਂਤ ਹੁਣ ਮੁਲਕ ਦਾ ਅਜਿਹਾ ਪਹਿਲਾ ਸੂਬਾ ਬਣ ਗਿਆ ਹੈ ਜਿਥੇ ਇੱਛਕ ਮੌਤ ਨੂੰ ਵਿਧਾਨਕ ਦਰਜਾ ਦੇ ਦਿੱਤਾ ਗਿਆ ਹੈ। ਲਾਇਲਾਜ ਬਿਮਾਰੀ ਤੋਂ ਪੀੜਤ ਵਿਅਕਤੀ ਹੁਣ ਕਾਨੂੰਨੀ ਤੌਰ ’ਤੇ ਆਪਣੇ ਡਾਕਟਰ ਨੂੰ ਜਾਨਲੇਵਾ ਦਵਾਈ ਦੇ ਕੇ ਜ਼ਿੰਦਗੀ ਖ਼ਤਮ ਕਰਨ ਲਈ ਆਖ ਸਕਦੇ ਹਨ। ਇਹ ਕਾਨੂੰਨ ਬੁੱਧਵਾਰ ਤੋਂ ਅਮਲ ’ਚ ਆ ਗਿਆ ਹੈ। ਡਾਕਟਰ ਤੋਂ ਇੱਛਤ ਮੌਤ ਮੰਗਣ ਵਾਲੇ ਮਰੀਜ਼ਾਂ ਨੂੰ 68 ਹੋਰ ਦੂਜੇ ਪੈਮਾਨਿਆਂ ਨੂੰ ਵੀ ਪੂਰਾ ਕਰਨਾ ਹੋਵੇਗਾ। ਸੂਬੇ ਦੇ ਮੁਖੀ ਡੈਨੀਅਲ ਐਂਡਰਿਊ ਨੇ ਕਿਹਾ ਕਿ ਕਰੀਬ 120 ਡਾਕਟਰਾਂ ਨੂੰ ਇਸ ਬਾਬਤ ਸਿਖਲਾਈ ਦਿੱਤੀ ਜਾ ਚੁੱਕੀ ਹੈ। ਵਿਕਟੋਰੀਆ ਦੀ ਸਿਹਤ ਮੰਤਰੀ ਜੇਨੀ ਮਿਕਾਕੋਸ ਨੇ ਕਿਹਾ ਕਿ ਲੰਮੇ ਸਮੇਂ ਤੋਂ ਗੰਭੀਰ ਬਿਮਾਰੀਆਂ ਤੋਂ ਪੀੜਤ ਵਿਅਕਤੀਆਂ ਦੇ ਵਾਰਸਾਂ ਨੂੰ ਇਹ ਦਿਨ ਸਮਰਪਿਤ ਹੈ ਜੋ ਇਸ ਦੀ ਉਡੀਕ ’ਚ ਸਨ। ਇਸ ਪ੍ਰਬੰਧ ਬਾਰੇ ਹੁਣ ਤਕ 100 ਵਿਅਕਤੀ ਪੁੱਛ-ਗਿੱਛ ਵੀ ਕਰ ਚੁੱਕੇ ਹਨ।

Real Estate