ਜੰਮੂ ਕਸ਼ਮੀਰ ਲਿਬਰੇਸ਼ਨ ਫਰੰਟ ਚੀਫ ਯਾਸੀਨ ਮਲਿਕ ਨੂੰ ਸ਼ੁੱਕਵਾਰ ਰਾਤ ਹਿਰਾਸਤ ਵਿਚ ਲਏ ਜਾਣ ਅਤੇ ਘਾਟੀ ਵਿਚ ਜਮਾਤ–ਏ–ਇਸਲਾਮੀ ਦੇ ਕਈ ਵਰਕਰਾਂ ਦੀ ਗ੍ਰਿਫਤਾਰੀ ਦੇ ਬਾਅਦ ਕੇਂਦਰ ਨੇ ਅਰਧ ਸੈਨਿਕ ਬਲਾਂ ਦੀਆਂ ਵਾਧੂ ਸੌ (100) ਕੰਪਨੀਆਂ ਹਵਾਈ ਮਾਰਗ ਨਾਲ ਸ੍ਰੀਨਗਰ ਭੇਜੀਆਂ ਹਨ।14 ਫਰਵਰੀ ਨੂੰ ਪੁਲਵਾਮਾ ’ਚ ਸੀਆਰਪੀਐਫ ਕਾਫਿਲਾ ਹੋਏ ਹਮਲੇ ਵਿਚ 40 ਜਵਾਨਾਂ ਦੇ ਸ਼ਹੀਦ ਹੋਣ ਬਾਅਦ ਕੀਤੀ ਗਈ ਕਾਰਵਾਈ ਵਿਚ ਮੱਧ, ਉਤਰੀ ਅਤੇ ਦੱਖਣੀ ਕਸ਼ਮੀਰ ਤੋਂ ਜਮਾਤ–ਏ–ਇਸਲਾਮੀ ਨਾਲ ਜੁੜੇ ਕਰੀਬ ਦੋ ਦਰਜਨ ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ।
ਹਾਲਾਂਕਿ, ਪੁਲਿਸ ਨੇ ਅਜੇ ਤੱਕ ਇਸ ਹਿਰਾਸਤ ਬਾਰੇ ਕੁਝ ਵੀ ਨਹੀਂ ਟਿੱਪਣੀ ਕੀਤੀ ਹੈ। ਜਮਾਤ–ਏ–ਇਸਲਾਮੀ ਨੇ ਇਸ ਕਦਮ ਨੂੰ ਖੇਤਰ ਨੂੰ ਅਨਿਸ਼ਚਿਤਾ ਵਿਚ ਪਾਉਣ ਲਈ ਤਿਆਰ ਸਾਜਿਸ਼ ਕਰਾਰ ਦਿੱਤਾ ਹੈ।ਇਸ ਨੇ ਬਿਆਨ ਵਿਚ ਕਿਹਾ ਕਿ 22–23 ਫਰਵਰੀ ਮੱਧ ਰਾਤ ਨੂੰ ਪੁਲਿਸ ਅਤੇ ਸੁਰੱਖਿਆ ਏਜੰਸੀਆਂ ਨੇ ਵੱਡੀ ਕਾਰਵਾਈ ਕਰਦੇ ਹੋਏ ਘਾਟੀ ਵਿਚ ਕਈ ਘਰਾਂ ਉਤੇ ਛਾਪੇ ਮਾਰੇ, ਜਿਸ ਨੇ ਦਰਸ਼ਨਾਂ ਸੈਂਟਰਲ ਅਤੇ ਜ਼ਿਲ੍ਹਾ ਪੱਧਰੀ ਆਗੂਆਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ।ਇਸ ਨੇ ਬਿਆਨ ਵਿਚ ਅੱਗੇ ਦੱਸਿਆ ਕਿ ਜਿਨ੍ਹਾਂ ਲੋਕਾਂ ਨੂੰ ਹਿਰਾਸਤ ਵਿਚ ਲਿਆ ਗਿਆ ਹੈ ਉਨ੍ਹਾਂ ਵਿਚ ਚੀਫ ਅਬਦੁਲ ਹਮੀਦ ਫਿਆਜ, ਐਡਵੋਕੇਟ ਜਾਹਿਲ ਅਲੀ (ਬੁਲਾਰੇ), ਗੁਲਾਮ ਕਾਦਿਰ ਲੋਨ (ਸਾਬਕਾ ਜਨਰਲ ਸਕੱਤਰ) ਅਤੇ ਦਰਜਨਾਂ ਹੋਰ ਲੋਕ ਸ਼ਾਮਲ ਹੈ।
ਹਿੰਦੁਸਤਾਨ ਟਾਈਮਜ਼
