ਪੰਜਾਬ ਸਰਕਾਰ ਨਰਮਾ ਪੱਟੀ ਵਿੱਚ ਚਿੱਟੀ ਮੱਖੀ ਕਾਰਨ ‘ਖ਼ਤਰੇ ਦੇ ਨਿਸ਼ਾਨ’ ਤੱਕ ਪੁੱਜੇ ਖੇਤਾਂ ਨੂੰ ਬਚਾਉਣ ਲਈ ਮੁਹਿੰਮ ਚਲਾਏਗੀ। ਜਿਹੜੇ ਖੇਤਾਂ ਵਿੱਚ ਹਾਲਾਤ ਫ਼ਸਲ ਵਾਹੁਣ ਤੱਕ ਪੁੱਜ ਗਏ ਹਨ, ਉਨ੍ਹਾਂ ਨੂੰ ਖੇਤੀਬਾੜੀ ਵਿਭਾਗ ‘ਨੁਮਾਇਸ਼ੀ ਖੇਤਾਂ’ ਵਜੋਂ ਅਪਣਾਏਗਾ ਅਤੇ ਇਨ੍ਹਾਂ ਵਿੱਚ ਕੀਟਨਾਸ਼ਕ ਛਿੜਕਣ ਦਾ ਸਾਰਾ ਖਰਚਾ ਸਰਕਾਰ ਝੱਲੇਗੀ।
ਖੇਤੀ ਮਹਿਕਮੇ ਵੱਲੋਂ ਅਜਿਹੇ ਖੇਤਾਂ ਦੀ ਸ਼ਨਾਖ਼ਤ ਕੀਤਾ ਜਾਵੇਗੀ, ਜਿਨ੍ਹਾਂ ਦੇ ਮਾਲਕ ਕਿਸਾਨ ਹਥਿਆਰ ਸੁੱਟ ਬੈਠੇ ਹਨ। ਮੁੱਖ ਮੰਤਰੀ ਅਮਰਿੰਦਰ ਸਿੰਘ ਦੇ ਨਰਮਾ ਪੱਟੀ ਦੇ ਗੇੜੇ ਮਗਰੋਂ ਬਠਿੰਡਾ ਵਿੱਚ ਅੰਤਰਰਾਜੀ ਸਲਾਹਕਾਰ ਅਤੇ ਮੌਨੀਟਰਿੰਗ ਕਮੇਟੀ ਦੀ ਮੀਟਿੰਗ ਹੋਈ, ਜਿਸ ਵਿੱਚ ਖੇਤੀ ਮਹਿਕਮੇ ਦੇ ਕਰੀਬ ਸਵਾ ਸੌ ਅਫ਼ਸਰ ਪੁੱਜੇ ਹੋਏ ਸਨ। ਇਸ ਵਿੱਚ ਹਰਿਆਣਾ ਤੇ ਰਾਜਸਥਾਨ ਦੇ ਨੁਮਾਇੰਦੇ ਵੀ ਸ਼ਾਮਲ ਹੋਏ। ਮੀਟਿੰਗ ਦੀ ਪ੍ਰਧਾਨਗੀ ਵਧੀਕ ਮੁੱਖ ਸਕੱਤਰ ਐਮ ਪੀ ਸਿੰਘ ਨੇ ਕੀਤੀ ਤੇ ਉਨ੍ਹਾਂ ਨੇ ਚਿੱਟੀ ਮੱਖੀ ਨੂੰ ਪਛਾੜਨ ਲਈ ਫੌਰੀ ਮੁਹਿੰਮ ਵਿੱਢਣ ਦੀ ਹਦਾਇਤ ਦਿੱਤੀ।
Top
ਉੱਤਰ ਪ੍ਰਦੇਸ਼ ਦੇ ਗੋਰਖਪੁਰ ‘ਚ ਬੀ ਆਰ ਡੀ ਮੈਡੀਕਲ ਕਾਲਜ ਵਿਚ ਆਕਸੀਜਨ ਸਪਲਾਈ ਕਰਨ ਵਾਲੀ ਫਰਮ ਪੁਸ਼ਪਾ ਸੇਲਜ਼ ਦੇ ਦੇ ਮਾਲਕਾਂ ਦੇ ਘਰ ਤੇ ਛਾਪੇਮਾਰੀ ਕੀਤੀ ਜਾ ਰਹੀ ਹੈ।ਇਹ ਛਾਪੇਮਾਰੀ ਕੱਲ੍ਹ ਰਾਤ ਤੋ ਹੀ ਜਾਰੀ ਹੈ। ਕੰਪਨੀ ਦਾ ਕਹਿਣਾ ਹੈ ਕਿ ਜਨਵਰੀ ਮਹੀਨੇ ਤੋ ਚਿੱਠੀਆਂ ਲਿਖ ਕਿ ਕਾਲਜ ਤੋ ਬਕਾਇਆ ਮੰਗਿਆ ਜਾ ਰਿਹਾ ਸੀ।
ਫਰਮ ਨੇ 64 ਲੱਖ ਦੇ ਬਕਾਇਆ ਬਿਲ ਹੋਣ ਕਰਕੇ ਆਕਸੀਜਨ ਦੀ ਸਪਲਾਈ ਬੰਦ ਕਰਨ ਦੀ ਸੂਚਨਾਂ ਕਾਲਜ ਦੇ ਪ੍ਰਿਸੀਪਲ ਨੂੰ ਦੋ ਦਿਨ ਪਹਿਲਾਂ ਹੀ ਦੇ ਦਿੱਤੀ ਸੀ। ਪਰ ਕਾਲਜ ਪ੍ਰਬੰਧਕਾਂ ਨੇ ਇਸ ਵੱਲ ਕੋਈ ਧਿਆਨ ਨਹੀ ਦਿੱਤਾ । ਕੰਪਨੀ ਦਾ ਕਹਿਣਾਂ ਹੈ ਕਿ ਮਹੀਨੇ ਤੋ ਉਧਾਰ ਆਕਸੀਜਨ ਦਿੱਤੀ ਜਾ ਰਹੀ ਸੀ।
Top
ਉੱਤਰ ਪ੍ਰਦੇਸ਼ ਦੇ ਸਿਹਤ ਮੰਤਰੀ ਸਿਧਾਰਥਨਾਥ ਸਿੰਘ ਨੇ ਕਿਹਾ ਹੈ ਕਿ ਜਾਂਚ ਤੋਂ ਪਤਾ ਚੱਲਦਾ ਹੈ ਕਿ ਗੈਸ ਸਪਲਾਈ ਦੇ ਵਿਘਨ ਕਾਰਨ ਬੱਚਿਆਂ ਦੀ ਮੌਤ ਨਹੀਂ ਹੋਈ। ਸਿਹਤ ਮੰਤਰੀ ਨੇ ਕਿਹਾ ਕਿ ਹਰ ਸਾਲ ਅਗਸਤ ਮਹੀਨੇ ਵਿੱਚ ਬੱਚਿਆਂ ਦੀਆਂ ਮੌਤਾਂ ਜਿਆਦਾ ਹੁੰਦੀਆਂ ਹਨ।ਹਸਪਤਾਲਾਂ ਵਿੱਚ ਕਮਜ਼ੋਰ ਬੱਚੇ ਆਉਦੇ ਹਨ ਤੇ ਮੌਤ ਦਾ ਸਿ਼ਕਾਰ ਹੋ ਜਾਂਦੇ ਹਨ,ਉਨ੍ਹਾਂ ਕਿਹਾ ਕਿ 2014 ‘ਚ 567 ਬੱਚਿਆਂ ਦੀ ਮੌਤ ਹੌਈ ਸੀ।ਉਨ੍ਹਾਂ ਕਿਹਾ ਕਿ ਬੱਚਿਆਂ ਦੀ ਮੌਤ ਆਕਸੀਜਨ ਦੀ ਸਪਲਾਈ ਬੰਦ ਹੋਣ ਨਾਲ ਨਹੀ ਹੋਈ ਮੌਤਾਂ ਅਲੱਗ-ਅਲੱਗ ਕਾਰਨਾਂ ਕਰਕੇ ਹੋਈਆਂ ਹਨ ਕਿਉਕਿ ਆਕਸੀਜਨ ਦੀ ਸਪਲਾਈ ਰਾਤੀ 11:30 ਤੌ 1:30 ਵਜੇ ਤੱਕ ਰੁਕੀ ਸੀ ਤੇ ਇਸੇ ਦੌਰਾਨ ਕਿਸੇ ਬੱਚੇ ਦੀ ਮੌਤ ਨਹੀ ਹੋਈ।
ਦੂਜੇ ਪਾਸੇ ਕੈਲਾਸ਼ ਸਤਿਆਰਥੀ ਨੇ ਇਸ 'ਤੇ ਟਵੀਟ ਕਰਕੇ ਕਿਹਾ ਕਿ ਬਿਨਾਂ ਆਕਸੀਜਨ ਦੇ ਬੱਚਿਆਂ ਦੀ ਮੌਤ ਹਾਦਸਾ ਨਹੀਂ ਕਤਲੇਆਮ ਹੈ। ਉਨ੍ਹਾਂ ਨੇ ਪੁੱਛਿਆ ਕਿ ਕੀ ਸਾਡੇ ਬੱਚਿਆਂ ਲਈ ਆਜ਼ਾਦੀ ਦੇ 70 ਸਾਲਾਂ ਦਾ ਇਹੀ ਮਤਲਬ ਹੈ।
Top
ਚੰਡੀਗੜ੍ਹ ਛੇੜਛਾੜ ਮਾਮਲੇ ਵਿਚ ਵਿਕਾਸ ਬਰਾਲਾ ਤੇ ਉਸ ਦੇ ਦੋਸਤ ਅਸ਼ੀਸ਼ ਨੂੰ ਅਦਾਲਤ ਵਿਚ ਪੇਸ਼ ਕੀਤਾ ਗਿਆ। ਲੜਕੀ ਦਾ ਪਿੱਛਾ ਕਰਨ ਦੇ ਮਾਮਲੇ 'ਚ ਵਿਕਾਸ ਬਰਾਲਾ ਤੇ ਉਸ ਦੇ ਦੋਸਤ ਅਸ਼ੀਸ਼ ਨੂੰ 25 ਅਗਸਤ ਤੱਕ ਨਿਆਇਕ ਹਿਰਾਸਤ 'ਚ ਭੇਜ ਦਿੱਤਾ ਗਿਆ ਹੈ।ਦੋਹਾਂ ਖਿਲਾਫ ਪੀੜਤ ਕੁੜੀ ਦੇ ਅਗਵਾ ਦੀ ਕੋਸ਼ਿਸ਼ ਦੀਆਂ ਧਾਰਾਵਾਂ ਜੋੜੀਆਂ ਗਈਆਂ, ਜੋ ਕਿ ਗੈਰ-ਜ਼ਮਾਨਤੀ ਹਨ।
Top
ਉੱਤਰ ਪ੍ਰਦੇਸ਼ ਦੇ ਗੋਰਖਪੁਰ ‘ਚ ਬੀ.ਆਰ.ਡੀ. ਮੈਡੀਕਲ ਕਾਲਜ ਵਿਚ ਮਰਨ ਵਾਲੇ ਬੱਚਿਆਂ ਦੀ ਗਿਣਤੀ ਵੱਧ ਕੇ 63 ਹੋ ਗਈ ਹੈ। ਇਸ ਵੱਡੇ ਹਾਦਸੇ ਪਿੱਛੇ ਆਕਸੀਜਨ ਦੀ ਕਮੀ ਦਾ ਕਾਰਨ ਦੱਸਿਆ ਜਾ ਰਿਹਾ ਹੈ, ਜਦਕਿ ਯੂ.ਪੀ. ਸਰਕਾਰ ਇਸ ਤੋਂ ਇਨਕਾਰ ਕਰ ਰਹੀ ਹੈ।ਇਨ੍ਹਾਂ ਮੌਤਾਂ ਦਾ ਕਾਰਨ ਅਧਿਕਾਰਕ ਤੌਰ 'ਤੇ ਨਹੀਂ ਦੱਸਿਆ ਜਾ ਰਿਹਾ।ਉੱਤਰ ਪ੍ਰਦੇਸ਼ ਵਿੱਚ ਵਾਪਰੇ ਇਸ ਹਾਦਸੇ ਤੋਂ ਬਾਅਦ ਵੀ ਪ੍ਰਸ਼ਾਸਨਿਕ ਅਣਗਿਹਲੀਆਂ ਜਾਰੀ ਹਨ। ਸੂਤਰਾਂ ਦਾ ਕਹਿਣਾ ਹੈ ਕਿ ਹਸਪਤਾਲ ਵਿੱਚ ਹਾਲੇ ਵੀ ਆਕਸੀਜਨ ਦੀ ਸਪਲਾਈ ਪੂਰੀ ਨਹੀਂ ਕੀਤੀ ਗਈ ਹੈ।
Top
ਉੱਤਰ ਪ੍ਰਦੇਸ਼ ਦੇ ਗੋਰਖਪੁਰ ‘ਚ ਬੀ. ਆਰ. ਡੀ. ਮੈਡੀਕਲ ਕਾਲਜ ਵਿਚ ਇੰਸੇਫੇਲਾਈਟਸ ਦੇ ਮਰੀਜ਼ਾਂ ਲਈ ਬਣੇ 100 ਬਿਸਤਰਿਆਂ ਦੇ ਆਈ. ਸੀ. ਯੂ. ਸਮੇਤ ਦੂਸਰੇ ਵਾਰਡਾਂ ਵਿਚ ਰੁਕ-ਰੁਕ ਕੇ ਆਕਸੀਜਨ ਠੱਪ ਹੋਣ ਨਾਲ 30 ਬੱਚਿਆਂ ਦੀ ਮੌਤ ਹੋ ਗਈ। ਸੂਤਰਾਂ ਅਨੁਸਾਰ ਮੈਡੀਕਲ ਕਾਲਜ ਦੇ ਨਹਿਰੂ ਹਸਪਤਾਲ ਵਿਚ ਆਕਸੀਜਨ ਸਪਲਾਈ ਕਰਨ ਵਾਲੀ ਫਰਮ ਦਾ 64 ਲੱਖ ਰੁਪਏ ਦਾ ਭੁਗਤਾਨ ਬਕਾਇਆ ਸੀ, ਜਿਸਦੇ ਕਾਰਨ ਵੀਰਵਾਰ ਸ਼ਾਮ ਨੂੰ ਫਰਮ ਨੇ ਹਸਪਤਾਲ ਵਿਚ ਲਿਕੁਇਡ ਆਕਸੀਜਨ ਦੀ ਸਪਲਾਈ ਠੱਪ ਕਰ ਦਿੱਤੀ। ਆਕਸੀਜਨ ਸਪਲਾਈ ਕਰਨ ਵਾਲੀ ਫਰਮ ਪੁਸ਼ਪਾ ਸੇਲਜ਼ ਦੇ ਅਧਿਕਾਰੀਆਂ ਨੇ 64 ਲੱਖ ਦੇ ਬਕਾਇਆ ਬਿਲ ਹੋਣ ਕਰਕੇ ਆਕਸੀਜਨ ਦੀ ਸਪਲਾਈ ਬੰਦ ਕਰਨ ਦੀ ਸੂਚਨਾਂ ਕਾਲਜ ਦੇ ਪ੍ਰਿਸੀਪਲ ਨੂੰ ਦੋ ਦਿਨ ਪਹਿਲਾਂ ਹੀ ਦੇ ਦਿੱਤੀ ਸੀ।
ਵੀਰਵਾਰ ਤੋਂ ਹੀ ਮੈਡੀਕਲ ਕਾਲਜ ਵਿਚ ਜੰਬੋ ਸਿਲੰਡਰਾਂ ਰਾਹੀਂ ਗੈਸ ਦੀ ਸਪਲਾਈ ਕੀਤੀ ਜਾ ਰਹੀ ਸੀ।
Top
ਸਾਬਕਾ ਮੁੱਖ ਮੰਤਰੀ ਬੇਅੰਤ ਸਿੰਘ ਦੀ ਹੱਤਿਆ ਦੇ ਮੁਕੱਦਮੇ ਵਿਚ ਬੁੜੈਲ ਜੇਲ੍ਹ ਅੰਦਰ ਲਗਾਈ ਗਈ ਵਿਸ਼ੇਸ਼ ਅਦਾਲਤ 'ਚ ਸੀ.ਬੀ.ਆਈ. ਦੇ ਇੰਸਪੈਕਟਰ ਏ.ਪੀ ਚੰਦਾ ਦੇ ਬਿਆਨ ਦਰਜ ਹੋਏ । ਭਾਈ ਜਗਤਾਰ ਸਿੰਘ ਤਾਰਾ ਵੱਲੋਂ ਵਕੀਲ ਸਿਮਰਨਜੀਤ ਸਿੰਘ ਪੇਸ਼ ਹੋਏ ।
ਵਧੀਕ ਜ਼ਿਲ੍ਹਾ ਤੇ ਸੈਸ਼ਨ ਜੱਜ ਦੀ ਅਦਾਲਤ ਵਿਚ ਬਿਆਨ ਦਿੰਦੇ ਹੋਏ ਇੰਸਪੈਕਟਰ ਨੇ ਕਿਹਾ ਕਿ ਉਸ ਨੂੰ ਅਸਿਸਟੈਂਟ ਜਾਂਚ ਅਧਿਕਾਰੀ ਵਜੋਂ 5 ਸਤੰਬਰ 1995 ਨੂੰ ਤਾਇਨਾਤ ਕੀਤਾ ਗਿਆ ਸੀ । ਉਨ੍ਹਾਂ ਦਾ ਕੰਮ ਮੁੱਖ ਜਾਂਚ ਅਧਿਕਾਰੀ ਆਰ.ਐਸ. ਪੂਨੀਆਂ ਦੀ ਜਾਂਚ ਵਿਚ ਸਹਾਇਤਾ ਕਰਨਾ ਸੀ । ਉਨ੍ਹਾਂ ਦੱਸਿਆ ਕਿ ਉਹ ਇੰਸਪੈਕਟਰ ਓਮ ਪ੍ਰਕਾਸ਼ ਨਾਲ ਭਾਈ ਦਿਲਾਵਰ ਸਿੰਘ ਦੇ ਪਿਤਾ ਹਰਨੇਕ ਸਿੰਘ ਤੇ ਭਰਾ ਚਮਕੌਰ ਸਿੰਘ ਨੂੰ ਭਾਈ ਦਿਲਾਵਰ ਸਿੰਘ ਦੇ ਸਰੀਰ ਦੇ ਹਿੱਸਿਆਂ ਦੀ ਪਛਾਣ ਕਰਨ ਲਈ ਪੀ.ਜੀ.ਆਈ. ਲੈ ਕੇ ਆਏ ਸਨ । ਦੋਵਾਂ ਨੇ ਉਸ ਸਮੇਂ ਪਛਾਣ ਕੀਤੀ ਸੀ, ਜਿਸ ਦੇ ਬਾਅਦ ਪੁਸ਼ਟੀ ਕਰਨ ਸਬੰਧੀ ਮੀਮੋ ਬਣਾ ਕੇ ਮੁੱਖ ਜਾਂਚ ਅਧਿਕਾਰੀ ਆਰ.ਐਸ. ਪੁਨੀਆ ਨੂੰ ਸੌਾਪ ਦਿੱਤੀ ਗਈ ਸੀ ।
ਅਦਾਲਤ ਨੇ ਸੀ.ਬੀ.ਆਈ. ਨੂੰ ਨਿਰਦੇਸ਼ ਦਿੱਤੇ ਕੇ ਮਾਮਲੇ ਵਿਚ ਆਖ਼ਰੀ ਗਵਾਹ ਡੀ. ਐਨ. ਏ. ਮਾਹਿਰ ਹੈਦਰਾਬਾਦ ਦੇ ਡਾ। ਲਾਲਜੀਤ ਦੀ ਗਵਾਹੀ ਲਈ ਉਨ੍ਹਾਂ ਦੀ ਮੌਜੂਦਗੀ ਨੂੰ ਯਕੀਨੀ ਬਣਾਇਆ ਜਾਵੇ । ਅਦਾਲਤ ਨੇ ਨਿਰਦੇਸ਼ ਦਿੱਤੇ ਕਿ 20 ਅਗਸਤ ਤੱਕ ਡਾ। ਲਾਲਜੀਤ ਦੇ ਅਦਾਲਤ ਵਿਚ ਪੇਸ਼ ਹੋਣ ਸਬੰਧੀ ਸੀ.ਬੀ.ਆਈ. ਸਟੇਟਸ ਰਿਪੋਰਟ ਪੇਸ਼ ਕਰੇ ।
Top
ਗੁਜਰਾਤ ਵਿੱਚ ਭਾਜਪਾ ਨੂੰ ਵੱਡਾ ਝਟਕਾ ਲੱਗਿਆ ਹੈ।
ਗੁਜਰਾਤ ਹਾਈ ਕੋਰਟ ਨੇ ਭਾਜਪਾ ਵਿਧਾਇਕ ਜੈਰਾਜ ਸਿੰਹੁ ਜਡੇਜਾ ਨੂੰ 13 ਸਾਲ ਪੁਰਾਣੇ ਹੱਤਿਆ ਦੇ ਮਾਮਲੇ ’ਚ ਉਮਰ ਕੈਦ ਦੀ ਸਜ਼ਾ ਸੁਣਾਈ ਹੈ। ਉਸ ਦੇ ਦੋ ਸਾਥੀਆਂ ਅਮਰਜੀਤ ਸਿੰਹੁ ਜਡੇਜਾ ਅਤੇ ਅੰਡਰ 19 ਦੇ ਸਾਬਕਾ ਕ੍ਰਿਕਟਰ ਮਹੇਂਦਰ ਸਿੰਹੁ ਰਾਣਾ ਨੂੰ ਵੀ ਉਮਰ ਕੈਦ ਦੀ ਸ਼ਜਾ ਦਿੱਤੀ ਹੈ।
-ਪੀਟੀਆਈ
Top
ਜੰਮੂ ਕਸ਼ਮੀਰ ਦੀ ਮੁੱਖ ਮੰਤਰੀ ਮਹਿਬੂਬਾ ਮੁਫ਼ਤੀ ਨੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨਾਲ ਮੁਲਾਕਾਤ ਕਰਨ ਤੋਂ ਬਾਅਦ ਦਾਅਵਾ ਕੀਤਾ ਕਿ ਮੋਦੀ ਨੇ ਪੀਡੀਪੀ-ਭਾਜਪਾ ਗਠਜੋੜ ਦੇ ਏਜੰਡੇ ਨੂੰ ਹਮਾਇਤ ਦਾ 100 ਫ਼ੀਸਦੀ ਭਰੋਸਾ ਦਿੱਤਾ ਹੈ ਜਿਸ ’ਚ ਕਿਹਾ ਗਿਆ ਹੈ ਕਿ ਧਾਰਾ 370 ਤਹਿਤ ਸੂਬੇ ਦੇ ਵਿਸ਼ੇਸ਼ ਦਰਜੇ ਨਾਲ ਕੋਈ ਛੇੜਖਾਨੀ ਨਹੀਂ ਕੀਤੀ ਜਾ ਸਕਦੀ।
ਜ਼ਿਕਰਯੋਗ ਹੈ ਕਿ ਮਹਿਬੂਬਾ ਮੁਫ਼ਤੀ ਵੱਲੋਂ ਪ੍ਰਧਾਨ ਮੰਤਰੀ ਨਾਲ ਮੁਲਾਕਾਤ ਇਨ੍ਹਾਂ ਰਿਪੋਰਟਾਂ ਤੋਂ ਬਾਅਦ ਕੀਤੀ ਗਈ ਕਿ ਜੰਮੂ ਕਸ਼ਮੀਰ ਨੂੰ ਮਿਲੇ ਵਿਸ਼ੇਸ਼ ਦਰਜੇ ਸਬੰਧੀ ਸੰਵਿਧਾਨਕ ਧਾਰਾਵਾਂ ਨੂੰ ਬਦਲਣ ਦੀਆਂ ਕੋਸ਼ਿਸ਼ਾਂ ਕੀਤੀਆਂ ਜਾ ਰਹੀਆਂ ਹਨ। ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਮਹਿਬੂਬਾ ਮੁਫ਼ਤੀ ਨੇ ਕਿਹਾ ਕਿ ਗਠਜੋੜ ਦੇ ਏਜੰਡੇ ਦੀ ਬੁਨਿਆਦ ਧਾਰਾ 370 ’ਤੇ ਟਿਕੀ ਹੋਈ ਹੈ ਅਤੇ ਪੀਡੀਪੀ-ਭਾਜਪਾ ਇਸ ਖ਼ਿਲਾਫ਼ ਨਹੀਂ ਜਾ ਸਕਦੀਆਂ।
-ਪੀਟੀਆਈ
Top
ਉੱਤਰ ਪ੍ਰਦੇਸ਼ ਸਰਕਾਰ ਨੇ 15 ਅਗਸਤ ਮੌਕੇ ਹਰ ਮਦਰੱਸੇ ਵਿੱਚ ਰਾਸ਼ਟਰੀ ਗਾਣ ਵਜਾਉਣਾ ਤੇ ਤਿਰੰਗਾ ਲਹਿਰਾਉਣਾ ਲਾਜਮੀ ਕਰ ਦਿੱਤਾ ਹੈ। ਇਸ ਹੁਕਮ ਮਦਰੱਸਾ ਸਿੱਖਿਆ ਪ੍ਰੀਸ਼ਦ ਵੱਲੋਂ ਜਾਰੀ ਕੀਤਾ ਗਿਆ ਹੈ।
ਨਿਰਦੇਸ਼ਾਂ ਮੁਤਾਬਕ ਆਜ਼ਾਦੀ ਦਿਹਾੜੇ ‘ਤੇ ਮਦਰੱਸਿਆਂ ਵਿੱਚ ਸਮਾਗਮ ਕਰਵਾਇਆ ਜਾਵੇ। ਉਸ ਸਮਾਗਮ ਦੀ ਵੀਡੀਓਗ੍ਰਾਫੀ ਵੀ ਕਰਵਾਈ ਜਾਵੇ। ਐਲਾਨ ਵਿੱਚ ਕਿਹਾ ਗਿਆ ਕਿ ਸਵੇਰੇ 8 ਵਜ਼ੇ ਝੰਡੇ ਦੀ ਰਸਮ ਮਗਰੋ ਰਾਸ਼ਟਰੀ ਗੀਤ ਬਜਾਇਆ ਜਾਵੇ ਤੇ 8 ਵੱਜ ਕੇ 10 ਮਿੰਟ ਤੇ ਸ਼ਹੀਦਾ ਨੂੰ ਸ਼ਰਧਾਜਲੀ ਦਿੱਤੀ ਜਾਵੇ।
ਯੋਗੀ ਸਰਕਾਰ ਦੇ ਇਸ ਫਰਮਾਨ ਦਾ ਵਿਰੋਧ ਸ਼ੁਰੂ ਹੋ ਗਿਆ ਹੈ। ਮਦਰੱਸਾ ਸੰਗਠਨਾਂ ਦਾ ਕਹਿਣਾ ਹੈ ਕਿ ਸਰਕਾਰ ਉਨ੍ਹਾਂ ਦੀਆਂ ਸਿੱਖਿਅਕ ਸੰਸਥਾਵਾਂ ਦੀ ਦੇਸ਼ ਭਗਤੀ ਤੇ ਸ਼ੱਕ ਕਰ ਰਹੀ ਹੈ।
Top
ਪਿਛਲੇ ਅੰਕ ਦੇਖੋ 
