ਲੜਕੀਆਂ ਵੀ ਖੁੱਲ੍ਹੇ ਆਕਾਸ਼ ਹੇਠ ਵਿਚਰਨਾ ਚਾਹੁੰਦੀਆਂ   | ਭਾਸ਼ਾ ਵਿਭਾਗ ਦੀ ਪ੍ਰਾਪਤੀ(?), ਖੋਜ ਪੱਤਰ (Thesis) ਨੂੰ ਫੂਕਿਆ   | ਬੀਜੇਪੀ ਵਿਧਾਇਕ, ਦੋ ਸਾਬਕਾ ਐਮ ਪੀਜ਼ ਸਮੇਤ 14 ਨੂੰ 10 ਸਾਲ ਦੀ ਸਜ਼ਾ   | ਕਈ ਦੁਕਾਨਾਂ 'ਤੇ ਹੁਣ ਜੂਨ 1984 ਸਬੰਧਿਤ ਸਮਾਨ ਹੀ ਵਿਕੇਗਾ ਦੋ ਹਫਤਿਆਂ ਲਈ   | ਭਾਜਪਾ ਸਿੱਖ ਬੰਦੀਆਂ ਦੀ ਰਿਹਾਈ ਦੇ ਹੱਕ `ਚ ਨਹੀਂ: ਅਮਿਤ ਸ਼ਾਹ   | ਈਡੀ ਨੇ ਰਾਜਾ ਤੇ ਸੁੱਖਾ ਨੂੰ ਪੁੱਛਗਿੱਛ ਲਈ ਰਿਮਾਂਡ `ਤੇ ਲਿਆਂਦਾ   | ਕੈਨੇਡਾ ਦੇ ਐਮਐਲਏ ਪੀਟਰ ਸੰਧੂ ਅਤੇ ਪਰਿਵਾਰ ਨੂੰ ਧਮਕੀ !   |
Punjabi News Online RSS

 
ਮੁੱਖ ਖ਼ਬਰਾਂ

  • ਗੁੰਡਾਗਰਦੀ : ਫਗਵਾੜਾ ਇਲਾਕੇ ਵਿੱਚ ਇੱਕ ਰਾਤ ਵਿੱਚ 4 ਪੰਪ ਲੁੱਟੇ

  •  

     ਫਗਵਾੜਾ :  ਲੁਟੇਰਿਆਂ ਦੇ ਹੌਸਲੇ ਇਸ ਕਦਰ ਵੱਧ ਗਏ ਹਨ ਕਿ ਉਹਨਾਂ ਨੂੰ ਕਿਸੇ ਕਿਸਮ ਦਾ ਡਰ ਭੈਅ ਨਹੀਂ । ਬੀਤੀ ਰਾਤ  ਚਿੱਟੇ ਰੰਗ ਦੀ ਸਵਿਫਟ ਕਾਰ ਵਿੱਚ ਸਵਾਰ  4 ਨੌਜਵਾਨਾਂ ਨੇ ਫਗਵਾੜੇ ਇਲਾਕੇ  ਵਿੱਚੋਂ ਚਾਰ ਪੰਪਾਂ ਤੇ ਲੁੱਟਮਾਰ ਕੀਤੀ ।  ਇਸ ਦੌਰਾਨ ਉਹ ਲਗਭਗ 1.75 ਲੱਖ ਦੀ ਨਕਦੀ  ਅਤੇ ਪੰਪਾਂ ਤੇ ਲੱਗੇ ਸੀ ਸੀ ਟੀ ਵੀ ਕੈਮਰੇ  ਲੈ ਗਏ ਅਤੇ ਕਰਿੰਦਿਆਂ ਦੀ ਕੁੱਟਮਾਰ ਕੀਤੀ ।

     ਪਿੰਡ ਚਾਚੌਕੀ  ਦੇ ਮੋਟੂ ਰਾਮ ਪੰਪ  ਦੇ ਮੁਲਾਜ਼ਮ ਸੰਜੇ ਕੋਲੋਂ 40 000 ਰੁਪਏ,  ਬੀ ਐਨ ਦੁੱਗਲ ਪੰਪ ਦੇ ਕਰਿੰਦੇ ਕੋਲੋਂ 15000, ਸਤਵੰਤ ਫਿਲਿੰਗ ਸਟੇਸ਼ਨ, ਚਾਚੌਕੀ ਤੋਂ 1.07 ਲੱਖ ਰੁਪਏ ਅਤੇ  ਓਰੀਐਂਟਲ ਪੰਪ ਚਹੇੜੂ ਤੋਂ 14000 ਖੋਹੇ ਹਨ ।  ਵਾਰਦਾਤ ਲਈ ਵਰਤੀ ਕਾਰ ਦਾ ਨੰਬਰ ਸੀਐਚ 04 ਹੀ ਪੜਿਆ ਜਾਂਦਾ ਸੀ । 

    ਇਹ ਘਟਨਾਵਾਂ ਰਾਤ 10:30 ਵਜੇ ਤੋਂ ਬਾਅਦ  ਹੋਈਆਂ। 

    ਦੱਸਿਆ  ਜਾ ਰਿਹਾ ਹੈ ਕਿ ਲੁਟੇਰਿਆਂ ਨੇ  ਬਾਅਦ ਵਿੱਚ ਜਲੰਧਰ ਦੇ ਪਰਾਗਪੁਰ, ਲੁਧਿਆਣਾ ਦੇ ਸਾਹਨੇਵਾਲ  ਵਿੱਚ ਵੀ ਪੰਪਾਂ ਦੇ ਲੁੱਟ ਕੀਤੀ ।

    ਜਲੰਧਰ ਬਾਈਪਾਸ ਲਾਡੋਵਾਲ ( ਲੁਧਿਆਣਾ )  ਸਥਿਤ ਪੰਪ ਤੋਂ   ਲੁਟੇਰੇ ਪੰਪ  ਦੇ ਕਰਿੰਦੇ ਨੂੰ ਜ਼ਖ਼ਮੀ   ਕਰਕੇ ਉਸ ਕੋਲੋਂ  ਕੈਸ਼ ਵਾਲਾ ਬੈਗ ਖੋਹ ਕੇ ਲੈ ਗਏ ।  ਇਹ ਪੰਪ ਥਾਣੇ ਦੇ ਬਿਲਕੁਲ ਸਾਹਮਣੇ ਹੈ। 

    Related Stories
      
    Go to TOP Top
    0 Comment(s)   Give Comment Comments   


    Name * : Name is Must. Minimum 4 characters.
    E-mail * : Email Id is Must .Invalid format.
    Your Comment : A value is required.
        |
  • ਸਿਆਸੀ ਵਿਸਲੇਸ਼ਣ ‘ ਗਰ ਅਗਾਜ ਹੀ ਐਸਾ ਹੈ ਤੋ ਇੰਜਾਮ ਕਿਆ ਹੋਗਾ’

  •  

     ਜਗਦੀਪ ਨਕੱਈ ਬਨਾਮ ਜਨਮੇਜਾ ਸੇਖੋਂ

    ਬਠਿੰਡਾ/13 ਦਸੰਬਰ/ਬੀ ਐਸ ਭੁੱਲਰ

            ਵਿਚਾਰਾ ਨਕੱਈ! ਆਰਥਿਕ ਪੱਖੋਂ ਸਮਰੱਥ ਤੇ ਬੇਦਾਗ ਡਿਪਟੀ ਮੁੱਖ ਮੰਤਰੀ ਸ੍ਰ: ਸੁਖਬੀਰ ਸਿੰਘ ਬਾਦਲ ਦੇ ਕਰੀਬੀ ਦੋਸਤਾਂ ਚੋਂ ਇੱਕ ਰਾਜ ਦੇ ਪ੍ਰਮੁੱਖ ਪਾਰਲੀਮਾਨੀ ਸਕੱਤਰ ਸ੍ਰੀ ਜਗਦੀਪ ਸਿੰਘ ਨਕੱਈ ਲਈ ਇਹ ਵਿਸੇਸ਼ਣ ਇਸ ਵਾਸਤੇ ਇਸਤੇਮਾਲ ਕੀਤਾ ਗਿਐ, ਕਿਉਂਕਿ ਉਹ ਸਿਆਸਤਦਾਨਾਂ ਦੇ ਉਸ ਸੁਹਿਰਦ ਹਿੱਸੇ ਦਾ ਪ੍ਰਤੀਨਿਧ ਹੋ ਨਿਬੜਿਐ, ਅਣਸੁਖਾਵੀਆਂ ਰਾਜਸੀ ਪ੍ਰਸਥਿਤੀਆਂ ਦੇ ਚਲਦਿਆਂ ਜਿਸ ਨੂੰ ਠੀਕ ਉਸ ਵੇਲੇ ਵਿਧਾਨ ਸਭਾ ਦੀ ਚੋਣ ਨਾ ਲੜਣ ਦਾ ਨਿਰਣਾ ਲੈਣ ਲਈ ਮਜਬੂਰ ਹੋਣਾ ਪਿਆ ਹੈ, ਜਦ ਵੱਡੇ ਵੱਡੇ ਥੈਲੀਸ਼ਾਹ ਹਕੂਮਤ ਦੀਆਂ ਦਾਅਵੇਦਾਰ ਦੋਵਾਂ ਧਿਰਾਂ ਦੀਆਂ ਟਿਕਟਾਂ ਲੈਣ ਲਈ ਤਰਲੋਮੱਛੀ ਹੋ ਰਹੇ ਹਨ।

            ਜਗਦੀਪ ਸਿੰਘ ਨਕੱਈ ਇੱਕੋ ਇੱਕ ਉਹ ਸਖ਼ਸ ਹੈ, ਫਰਵਰੀ 2007 ਵਿੱਚ ਹੋਈਆਂ ਵਿਧਾਨ ਸਭਾ ਦੀਆਂ ਚੋਣਾਂ ਵੇਲੇ 9 ਵਿਧਾਨ ਸਭਾ ਹਲਕਿਆਂ ਤੇ ਅਧਾਰਤ ਪਾਰਲੀਮਾਨੀ ਹਲਕਾ ਬਠਿੰਡਾ ਦੇ ਜੋਗਾ ਹਲਕੇ ਤੋਂ ਜਿੱਤ ਪ੍ਰਾਪਤ ਕਰਕੇ ਅਕਾਲੀ ਦਲ ਦਾ ਖਾਤਾ ਖੁਲ੍ਹਵਾਇਆ ਸੀ, ਕਿਉਂਕਿ ਕਾਂਗਰਸ ਨੂੰ ਮਿਲੀ ਭਾਰੀ ਸਫ਼ਲਤਾ ਦੀ ਵਜ੍ਹਾ ਕਾਰਨ ਅਕਾਲੀ ਦਲ ਨੂੰ ਚੋਣਾਂ ਦੇ ਇਤਿਹਾਸ ਵਿੱਚ ਪਹਿਲੀ ਵਾਰ ਬਾਕੀ ਅੱਠ ਹਲਕਿਆਂ ਤੋਂ ਸਰਮਨਾਕ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ। 2002 ਦੀ ਚੋਣ ਵੀ ਉਸਨੇ ਇਸੇ ਹਲਕੇ ਤੋਂ ਜਿੱਤੀ ਸੀ।

            ਸਿਆਸੀ ਤੇ ਸਮਾਜਿਕ ਹਲਕਿਆਂ ਵਿੱਚ ਹਾਲਾਂਕਿ ਨਕੱਈ ਦੀ ਛਵੀ ਬੇਦਾਗ ਸਿਆਸਤਦਾਨ ਵਜੋਂ ਬਣੀ ਹੋਈ ਹੈ, ਬਾਵਜੂਦ ਇਸਦੇ ਕੈਪਟਨ ਅਮਰਿੰਦਰ ਸਿੰਘ ਦੀ ਸਰਕਾਰ ਸਮੇਂ ਉਸਨੂੰ ਨਾ ਸਿਰਫ ਜੇਲ੍ਹ ਦੀ ਦਾਲ ਪੀਣ ਲਈ ਮਜਬੂਰ ਹੋਣਾ ਪਿਆ, ਬਲਕਿ ਪਹਿਲਾਂ ਕਦੇ ਵੀ ਥਾਨੇ ਨਾ ਜਾਣ ਵਾਲੇ ਇਸ ਭੱਦਰ ਪੁਰਸ਼ ਨੂੰ ਪੁਲਿਸ ਦੇ ਕਥਿਤ ਤੀਜੇ ਦਰਜੇ ਦੇ ਤਸੱਦਦ ਦਾ ਸਾਹਮਣਾ ਵੀ ਕਰਨਾ ਪਿਆ। ਉਸ ਖਿਲਾਫ ਉਦੋਂ ਦੋਸ ਇਹ ਸੀ ਕਿ ਸੋਮਿਆਂ ਤੋਂ ਵੱਧ ਬਣਾਈ ਸੁਖਬੀਰ ਬਾਦਲ ਦੀ ਜਾਇਦਾਦ ਛੁਪਾਉਣ ਵਿੱਚ ਉਸਦੀ ਭੂਮਿਕਾ ਅਹਿਮ ਸੀ।

            ਵਕਤ ਬਦਲਿਆ ਨਕੱਈ ਵਿਧਾਇਕ ਬਣਿਆ, ਉਸਦੇ ਜਿਗਰੀ ਯਾਰ ਸੁਖਬੀਰ ਬਾਦਲ ਦੇ ਅਕਾਲੀ ਦਲ ਦੀ ਅਗਵਾਈ ਹੇਠ ਸਰਕਾਰ ਬਣੀ ਤਾਂ ਉਸਦੇ ਸਾਥੀਆਂ ਤੇ ਸੁਭਚਿੰਤਕਾਂ ਨੂੰ ਇਹ ਉਮੀਦ ਬੱਝੀ ਕਿ ਪੁਲਸੀਆ ਕਹਿਰ ਝੱਲਣ ਕਾਰਨ ਨਕੱਈ ਨੂੰ ਮੰਤਰੀ ਮੰਡਲ ਵਿੱਚ ਅਹਿਮ ਮਹਿਕਮੇ ਨਾਲ ਨਿਵਾਜਿਆ ਜਾਵੇਗਾ। ਸੀਨੀਅਰ ਬਾਦਲ ਤੋਂ ਮਿਲੇ ਇਸ਼ਾਰੇ ਕਾਰਨ ਸਹੁੰ ਚੁੱਕ ਸਮਾਗਮ ਵਿੱਚ ਸਾਮਲ ਹੋਣ ਲਈ ਨਕੱਈ ਨੇ ਆਪਣੇ ਮਿੱਤਰ ਪਿਆਰਿਆ ਨੂੰ ਸੱਦਾ ਵੀ ਦੇ ਦਿੱਤਾ, ਲੇਕਿਨ ਐਨ ਅੰਤਲੇ ਪਲਾਂ ਵਿੱਚ ਸਾਰੀਆਂ ਆਸਾਂ ਉਮੀਦਾਂ ਤੇ ਪਾਣੀ ਫਿਰ ਗਿਆ, ਕਿਉਂਕਿ ਪਹਿਲੀ ਵਾਰ ਵਿਧਾਇਕ ਬਣੇ ਬਾਦਲ ਪਰਿਵਾਰ ਦਾ ਇੱਕ ਰਿਸਤੇਦਾਰ ਉਸ ਵਾਲੀ ਕੁਰਸੀ ਪ੍ਰਾਪਤ ਕਰਨ ਵਿੱਚ ਸਫ਼ਲ ਹੋ ਗਿਆ।

            ਪਾਰਲੀਮਾਨੀ ਸਕੱਤਰ ਬਣਨ ਨਾਲ ਨਕੱਈ ਦੇ ਸਾਥੀਆਂ ਨੂੰ ਇਹ ਆਸ ਬੱਝੀ ਕਿ ਸਰਕਾਰੇ ਦਰਬਾਰੇ ਚੱਲਣ ਤੋਂ ਇਲਾਵਾ ਉਹਨਾਂ ਦੇ ਕੰਮ ਧੰਦੇ ਵੀ ਪਹਿਲ ਦੇ ਅਧਾਰ ਤੇ ਹੋਣਗੇ, ਪਰੰਤੂ ਹੋਇਆ ਵਾਪਰਿਆ ਸਭ ਕੁਝ ਉਲਟ, ਕਿਉਂਕਿ ਉਹਨਾਂ ਦੇ ਆਗੂ ਦੀ ਹੈਸੀਅਤ ਝੰਡੀ ਵਾਲੀ ਕਾਰ ਤੇ ਚੰਡੀਗੜ੍ਹ ਵਿਖੇ ਮਿਲੀ ਸਰਕਾਰੀ ਕੋਠੀ ਤੱਕ ਹੀ ਸੀਮਤ ਹੋ ਕੇ ਰਹਿ ਗਈ।

            ਨਕੱਈ ਦੇ ਨਜਦੀਕੀ ਸਾਥੀਆਂ ਅਨੁਸਾਰ ਸਰਕਾਰੇ ਦਰਬਾਰੇ ਪੁੱਛ ਨਾ ਹੋਣ ਬਦਲੇ ਉਸਨੇ ਆਪਣੇ ਜੁੰਡੀ ਦੇ ਯਾਰ ਸੁਖਬੀਰ ਬਾਦਲ ਨੂੰ ਕਈ ਵਾਰ ਤਾਅਨੇ ਮੇਹਣੇ ਦਿੱਤੇ, ਲੇਕਿਨ ਆਪਣੇ ਯਾਰ ਤੇ ਦਲ ਲਈ ਪੁਲਿਸ ਹੱਥੋਂ ਹੱਡ ਤੱਤੇ ਕਰਾਉਣ ਵਾਲੇ ਚੀਫ਼ ਪਾਰਲੀਮਾਨੀ ਸਕੱਤਰ ਦੀ ਕਿਸੇ ਵੀ ਦਾਦ ਫਰਿਆਦ ਤੇ ਅਮਲ ਨਾ ਹੋਇਆ। ਵੱਡੇ ਆਹੁਦਿਆਂ ਦੇ ਉਲਟ ਉਸਨੇ ਆਪਣੇ ਹਲਕੇ ਦੇ ਅਕਾਲੀ ਵਰਕਰਾਂ ਦੇ ਬੱਚਿਆਂ ਨੂੰ ਸਿਪਾਹੀ ਜਾਂ ਚੌਥੇ ਦਰਜੇ ਦੇ ਕਰਮਚਾਰੀ ਭਰਤੀ ਕਰਵਾਉਣ ਵਾਸਤੇ ਅੱਡੀ ਚੋਟੀ ਦਾ ਜੋਰ ਲਾ ਕੇ ਦੇਖ ਲਿਆ, ਲੇਕਿਨ ਨਕੱਈ ਦੀ ਭੋਰਾ ਨਾ ਚੱਲੀ। ਅੰਤ ਉਹ ਨਿਰਾਸ਼ਾ ਦੇ ਆਲਮ ਵਿੱਚ ਇਸ ਕਦਰ ਡੁੱਬ ਗਿਆ ਕਿ ਚੋਣ ਸਿਆਸਤ ਨੂੰ ਅਲਵਿਦਾ ਕਹਿ ਕੇ ਪੱਕੇ ਤੌਰ ਤੇ ਵਿਦੇਸ ਵਿੱਚ ਰਹਿਣ ਦਾ ਮਨ ਬਣਾ ਲਿਆ।

            ਆਖਰ ਸੁਖਬੀਰ ਬਾਦਲ ਦੇ ਅਤੀ ਨਜਦੀਕੀ ਨਕੱਈ ਨੂੰ ਅਜਿਹਾ ਕੌੜਾ ਅੱਕ ਕਿਉਂ ਚੱਬਣਾ ਪਿਆ, ਇਹ ਜਾਣਨ ਲਈ ਪ੍ਰਛਾਵੇਂ ਵਾਂਗ ਉਸਦੇ ਨਾਲ ਰਹਿਣ ਵਾਲੇ ਇੱਕ ਅਕਾਲੀ ਆਗੂ ਨਾਲ ਸੰਪਰਕ ਕੀਤਾ ਤਾਂ ਪਹਿਚਾਣ ਗੁਪਤ ਰੱਖਣ ਦੀ ਸਰਤ ਤੇ ਉਸਨੇ ਦੱਸਿਆ ਕਿ ਉਹਨਾਂ ਦਾ ਲੀਡਰ ਮਾਲਵੇ ਦੇ ਇੱਕ ਅਜਿਹੇ ਵੱਡੇ ਅਕਾਲੀ ਆਗੂ ਦੀ ਸਤਰੰਜੀ ਚਾਲ ਦਾ ਸ਼ਿਕਾਰ ਹੋ ਗਿਆ, ਜਿਸਨੇ ਹਰ ਉਸ ਸਖ਼ਸ ਦੇ ਤੰਬੂ ਉਖੇੜ ਦਿੱਤੇ ਜਿਹਨਾਂ ਤੋਂ ਇਹ ਡਰ ਸੀ ਕਿ ਉਹ ਬਾਦਲਪੁਰੇ ਦੇ ਉਸ ਨਾਲੋਂ ਵੱਧ ਨੇੜੇ ਹੋ ਸਕਦਾ ਹੈ।

            ਵਿਸਥਾਰ ਦਿੰਦਿਆਂ ਇਸ ਸੂਤਰ ਨੇ ਦੱਸਿਆ ਕਿ ਉਕਤ ਆਗੂ ਦਾ ਪਹਿਲਾ ਸ਼ਿਕਾਰ ਬਣਿਆ ਜੀਤ ਮੁਹਿੰਦਰ ਸਿੰਘ ਸਿੱਧੂ, 1997 ਵਿੱਚ ਜਿਸਨੂੰ ਤਲਵੰਡੀ ਸਾਬੋ ਤੋਂ ਹਰਾਉਣ ਵਾਸਤੇ ਬਾਗੀ ਅਕਾਲੀ ਖੜਾ ਕਰ ਦਿੱਤਾ। ਦੂਜਾ ਸ਼ਿਕਾਰ ਸੀ ਫੂਲ ਹਲਕੇ ਦਾ ਉਭਰਦਾ ਆਗੂ ਗੁਰਪ੍ਰੀਤ ਸਿੰਘ ਕਾਂਗੜ, ਤੀਜਾ ਪੱਕਾ ਕਲਾਂ ਦਾ ਮੱਖਣ ਸਿੰਘ ਤੇ ਚੌਥਾ ਅਮਰਜੀਤ ਸਿੰਘ ਧਨ ਸਿੰਘ ਖਾਨਾ ਜਿਸਨੂੰ 2007 ’ਚ ਤਲਵੰਡੀ ਸਾਬੋ ਤੋਂ ਹਰਾਉਣ ਵਿੱਚ ਯੋਗਦਾਨ ਪਾਇਆ।

            ਇਹ ਪੁੱਛਣ ਤੇ ਕਿ ਨਕੱਈ ਦੇ ਸਨਿਆਸ ਲੈਣ ਤੋਂ ਬਾਅਦ ਜਨਮੇਜਾ ਸਿੰਘ ਸੇਖੋਂ ਨੂੰ ਉਮੀਦਵਾਰ ਬਣਾਉਣ ਨਾਲ ਮੌੜ ਹਲਕੇ ਦੇ ਨਤੀਜੇ ਕੀ ਹੋਣਗੇ? ਨਕੱਈ ਦੇ ਇੱਕ ਭਰੋਸੇਮੰਦ ਨੇ ਕਿਹਾ ਕਿ ਉਹਨਾਂ ਦੇ ਆਗੂ ਦੀ ਕੀਤੀ ਗਊ ਹੱਤਿਆ ਨਾਲ ਵਫਾਦਾਰੀ ਤੇ ਇਮਾਨਦਾਰੀ ਦਾ ਜੋ ਘਾਣ ਕੀਤਾ ਗਿਐ,‘ ਗਰ ਅਗਾਜ ਹੀ ਐਸਾ ਹੈ ਤੋ ਇੰਜਾਮ ਕਿਆ ਹੋਗਾ।’

            ਨਕੱਈ ਦੀ ਹੋਣੀ ਨਾਲ ਉਸਦੇ ਸਮਰਥਕਾਂ ਤੇ ਟਕਸਾਲੀ ਆਗੂਆਂ ’ਚ ਪੈਦਾ ਹੋਈ ਨਿਰਾਸ਼ਾ ਨੂੰ ਇਸਤੇਮਾਲ ਕਰਨ ਲਈ ਜੇਕਰ ਕਾਂਗਰਸ ਪਾਰਟੀ ਨੇ ਕਿਸੇ ਧੜੱਲੇਦਾਰ ਸਖ਼ਸ ਨੂੰ ਮੌੜ ਹਲਕੇ ਤੋਂ ਉਮੀਦਵਾਰ ਬਣਾ ਲਿਆ, ਤਾਂ ਨਿਸਚੈ ਹੀ ਜਨਮੇਜਾ ਸਿੰਘ ਸੇਖੋਂ ਨੂੰ ਬੜੀਆਂ ਭਿਆਨਕ ਪ੍ਰਸਥਿਤੀਆਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।

    Related Stories
      
    Go to TOP Top
    1 Comment(s)   Give Comment Comments   




    on -
    Name * : Name is Must. Minimum 4 characters.
    E-mail * : Email Id is Must .Invalid format.
    Your Comment : A value is required.
        |
  • ਥੱਪੜ ਕਾਂਢ- ਦੋ ਈ.ਜੀ.ਐਸ. ਅਧਿਆਪਕਾਂ ਵੱਲੋਂ ਰਾਜਸਥਾਨ ਫੀਡਰ ਨਹਿਰ ’ਚ ਛਾਲਾਂ ਮਾਰ ਕੇ ਆਤਮ-ਦਾਹ ਕੋਸ਼ਿਸ਼

  •  

    ਗਿੱਦੜਬਾਹਾ, 13 ਦਸੰਬਰ 

    ਗਿੱਦੜਬਾਹਾ ਦੇ ਪਿੰਡ ਦੌਲਾ ਦੇ ਸਰਪੰਚ ਵੱਲੋਂ ਈ.ਜੀ.ਐਸ. ਅਧਿਆਪਕਾ ਬਰਿੰਦਰ ਪਾਲ ਕੌਰ ਨੂੰ ਥੱਪੜ ਮਾਰਨ ਦੇ ਮਾਮਲੇ ’ਚ ਅੱਜ ਦੋ ਈ.ਜੀ.ਐਸ. ਅਧਿਆਪਕਾਂ ਵੱਲੋਂ ਰਾਜਸਥਾਨ ਫੀਡਰ ਨਹਿਰ ’ਚ ਛਾਲ ਮਾਰ ਕੇ ਆਤਮ-ਦਾਹ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ ਪਰ ਮੌਕੇ ’ਤੇ ਮੌਜੂਦ ਪੁਲੀਸ ਫੋਰਸ ਨੇ ਦੋਹਾਂ ਨੂੰ ਦਬੋਚ ਲਿਆ ਤੇ ਉਨਾਂ ਵੱਲੋਂ ਆਤਮਦਾਹ ਦੀ ਕੀਤੀ ਕੋਸ਼ਿਸ਼ ਅਸਫਲ ਬਣਾ ਦਿੱਤੀ ਗਈ। ਈ.ਜੀ.ਐਸ. ਅਧਿਆਪਕਾਂ ਨੇ ਚੰਡੀਗੜ -ਮਲੋਟ ਰੋਡ ਕੌਮੀ ਸ਼ਾਹ ਰਾਹ ਨੰਬਰ 15 ’ਤੇ ਮਲੋਟ ਵਾਲੇ ਪਾਸੇ ਗਿੱਦੜਬਾਹਾ ਤੋਂ 4 ਕਿਲੋਮੀਟਰ ਦੂਰ ਰਾਜਸਥਾਨ ਫੀਡਰ ਤੇ ਸਰਹੰਦ ਫੀਡਰ ਵਾਲੇ ਦੋਹਾਂ ਰਾਹਾਂ ’ਤੇ ਧਰਨਾ ਲਾਇਆ ਹੋਇਆ ਸੀ। 

                      ਹਾਸਲ ਕੀਤੀ ਜਾਣਕਾਰੀ ਅਨੁਸਾਰ ਅੱਜ ਦੁਪਹਰਿ 1 ਵਜੇ ਕਰੀਬ 70 ਦੀ ਗਿਣਤੀ ’ਚ ਈ.ਜੀ.ਐਸ. ਅਧਿਆਪਕਾਂ ਨੇ ਦੋਹਾਂ ਨਹਿਰਾਂ ਦੇ ਪੁਲਾਂ ’ਤੇ ਕੌਮੀ ਸ਼ਾਹ ਰਾਹ ਜਾਮ ਕਰ ਦਿੱਤਾ। ਇਸ ਪੁਲ ਤੋਂ ਟਰੈਫਿਕ ਦਾ ਕੋਈ ਬਦਲਵਾਂ ਪ੍ਰਬੰਧ ਨਾ ਹੋ ਸਕਣ ਕਾਰਨ ਈ.ਜੀ.ਐਸ. ਅਧਿਆਪਕਾਂ ਦੀ ਰਾਹਗੀਰਾਂ ਨਾਲ ਭਾਵੇਂ ਤਲਖ ਕਲਾਮੀ ਦੀ ਸੰਭਾਵਨਾ ਬਣੀ ਰਹੀ ਪਰ ਈ.ਜੀ.ਐਸ. ਅਧਿਆਪਕਾਂ ਨੇ ਰਾਹਗੀਰਾਂ ਅੱਗੇ ਹੱਥ ਜੋੜਨੇ ਸ਼ੁਰੂ ਕਰ ਦਿੱਤੇ। ਕਈ ਘੰਟੇ ਪ੍ਰਸ਼ਾਸਨ ਵੱਲੋਂ ਕੋਈ ਅਧਿਕਾਰੀ ਨਾ ਪੁੱਜਾ ਤਾਂ ਦੋ ਈ.ਜੀ.ਐਸ. ਅਧਿਆਪਕਾਂ ਕੁਲਵੀਰ ਸਿੰਘ ਜਨਰਲ ਸਕੱਤਰ ਈ.ਜੀ.ਐਸ. ਯੂਨੀਅਨ ਪੰਜਾਬ ਤੇ ਨਛੱਤਰ ਸਿੰਘ ਲੁਧਿਆਣਾ ਨੇ ਸਲਾਹ ਕਰਕੇ ਨਹਿਰ ’ਚ ਛਾਲ ਮਾਰ ਕੇ ਆਤਮਦਾਹ ਕਰਨ ਦਾ ਐਲਾਨ ਕਰ ਦਿੱਤਾ। ਇਸ ’ਤੇ ਕੁਝ ਸਮੇਂ ’ਚ ਹੀ ਭਾਰੀ ਗਿਣਤੀ ’ਚ ਪੁਲੀਸ ਫੋਰਸ ਤੇ ਕਮਾਂਡੋ ਫੋਰਸ ਪੁੱਜ ਗਈ। ਐਸ.ਡੀ.ਐਮ. ਪੁਸ਼ਪਿੰਦਰ ਸਿੰਘ ਕੈਲੇ ਤੇ ਡੀ.ਐਸ.ਪੀ. ਭੁਪਿੰਦਰ ਸਿੰਘ ਵੀ ਮੌਕੇ ’ਤੇ ਪੁੱਜ ਗਏ। 

                   ਦੋਵਾਂ ਅਧਿਆਪਕਾਂ ਨੇ ਕੱਪੜੇ ਉਤਾਰ ਕੇ ਨਹਿਰ ’ਚ ਛਾਲ ਮਾਰਨ ਦੀ ਕੋਸ਼ਿਸ਼ ਕੀਤੀ ਤਾਂ ਮੌਕੇ ’ਤੇ ਹਾਜ਼ਰ ਪੁਲੀਸ ਫੋਰਸ ਨੇ ਫੁਰਤੀ ਵਰਤਦਿਆਂ ਦੋਹਾਂ ਅਧਿਆਪਕਾਂ ਨੂੰ ਖਿੱਚ ਲਿਆ ਭਾਵੇਂ ਕਾਫੀ ਦੇਰ ਹੋਈ ਜੱਦੋ-ਜ਼ਹਿਦ ਦੌਰਾਨ ਉਹ ਨਹਿਰ ’ਚ ਲਟਕਦੇ ਰਹੇ ਪਰ ਆਖਰਕਾਰ ਉਨਾਂ ਨੂੰ ਬਾਹਰ ਕੱਢ ਲਿਆ ਗਿਆ। ਇਸ ਦੌਰਾਨ ਪ੍ਰਸ਼ਾਸਨ ਨੇ ਭਰੋਸਾ ਦਿਵਾਇਆ ਕਿ ਥੱਪੜ ਦੇ ਮਾਮਲੇ ’ਚ ਉਨਾਂ ਨੂੰ ਇਨਸਾਫ ਦਿਵਾਇਆ ਜਾਵੇਗਾ ਤੇ ਸ਼ੁੱਕਰਵਾਰ ਨੂੰ ਮੁੱਖ ਮੰਤਰੀ ਨਾਲ ਹੋ ਰਹੀ ਮੀਟਿੰਗ ’ਚ ਅਧਿਆਪਕਾਂ ਨੂੰ ਨੌਕਰੀ ਦੇਣ ਦਾ ਪ੍ਰਬੰਧ ਕਰ ਦਿੱਤਾ ਜਾਵੇਗਾ। ਸ਼ਾਮ 5.30 ਵਜੇ ਧਰਨਾ ਚੁੱਕ ਦਿੱਤਾ ਗਿਆ। 

                             ਸੂਬਾ ਕਮੇਟੀ ਮੈਂਬਰ ਸੁਨੀਲ ਕੁਮਾਰ ਨੇ ਧਰਨੇ ਨੂੰ ਸੰਬੋਧਨ ਕਰਦਿਆਂ ਮੰਗ ਕੀਤੀ ਕਿ ਥੱਪੜ ਕਾਂਢ ਦੀ ਪੀੜਤਾ ਬਰਿੰਦਰ ਪਾਲ ਕੌਰ ਦੇ ਮਾਮਲੇ ’ਚ ਉਸਦੀ ਇੰਜ਼ਤ ਨੂੰ ਹੱਥ ਪਾਉਣਾ ਮੰਨਦਿਆਂ ਹੋਇਆਂ ਸਰੰਪਚ ਬਲਵਿੰਦਰ ਸਿੰਘ ਤੋਤੀ ਖਿਲਾਫ ਗੈਰ-ਜ਼ਮਾਨਤੀ ਧਾਰਾਵਾਂ ਤਹਿਤ ਕੇਸ ਦਰਜ ਕਰਕੇ ਉਸਨੂੰ ਤੁਰੰਤ ਗ੍ਰਿਫਤਾਰ ਕਰਕੇ ਸਲਾਖਾਂ ਪਿੱਛੇ ਸੁੱਟਿਆ ਜਾਵੇ। ਜਨਰਲ ਸਕੱਤਰ ਕੁਲਵੀਰ ਸਿੰਘ ਨੇ ਕਿਹਾ ਕਿ ਪੰਜਾਬ ਸਰਕਾਰ ਤੋਤੀ ਨੂੰ ਤੁਰੰਤ ਡਿਸਮਿਸ ਕਰਕੇ ਉਸਨੂੰ ਅਕਾਲੀ ਦਲ ’ਚੋਂ ਕੱਢੇ। ਅੱਜ ਇਥੇ ਖਾਸ ਗੱਲ ਇਹ ਰਹੀ ਕਿ ਈ.ਜੀ.ਐਸ. ਅਧਿਆਪਕਾਂ ਦਾ ਕਹਿਣਾ ਸੀ ਕਿ ਸਰਕਾਰ ਰੋਜ਼ਗਾਰ ਦੇਵੇ ਨਾ ਦੇਵੇ ਪਰ ਥੱਪੜ ਦੇ ਮਾਮਲੇ ’ਚ ਉਹ ਪੰਜਾਬ ਸਰਕਾਰ ਨੂੰ ਕਟਹਿਰੇ ’ਚ ਖੜਾ ਕਰਨਗੇ। ਸੁਨੀਲ ਕੁਮਾਰ ਨੇ ਕਿਹਾ ਕਿ ਉਹ ਵੱਖ-ਵੱਖ ਚੈਨਲਾਂ ’ਤੇ ਚੱਲੀਆਂ ਥੱਪੜ ਕਾਂਢ ਦੀਆਂ ਖਬਰਾਂ ਦੀ ਵੀਡੀਓ ਤਿਆਰ ਕਰਕੇ ਗਿੱਦੜਬਾਹਾ ਤੇ ਪੰਜਾਬ ਦੇ ਘਰ-ਘਰ ਪਹੁੰਚਾਉਣਗੇ ਤੇ ਪੰਜਾਬ ’ਚ ਹੋ ਰਹੇ ਡੰਡੇ ਦੇ ਰਾਜ ਲੋਕਾਂ ਸਾਹਮਣੇ ਲਿਆਉਣਗੇ। 

    Related Stories
      
    Go to TOP Top
    0 Comment(s)   Give Comment Comments   


    Name * : Name is Must. Minimum 4 characters.
    E-mail * : Email Id is Must .Invalid format.
    Your Comment : A value is required.
        |
  • ਭੱਜੀ ਦਾ ਪਾਸਪੋਰਟ ਤੇ ਕਰੈਡਿਟ ਕਾਰਡ ਚੋਰੀ

  • ਭਾਰਤੀ ਕ੍ਰਿਕਟਰ  ਹਰਭਜਨ ਸਿੰਘ ਦਾ ਪਾਸਪੋਰਟ, ਕਰੈਡਿਟ ਕਾਰਡ ਅਤੇ ਡਰਾਈਵਿੰਗ  ਲਾਇਸੈਂਸ ਚੋਰੀ ਹੋ ਗਿਆ ਹੈ। 

     ਹਰਿਆਣਾ  ਵਿੱਚ ਕਰਨਾਲ  ਦੇ  ਨਜ਼ਦੀਕ  ਹਰਭਜਨ  ਦੀ ਗੱਡੀ ਦੇ ਸ਼ੀਸੇ਼ ਤੋੜ ਕੇ   ਇਹ ਚੋਰੀ ਕੀਤੀ ਗਈ।   ਹਰਭਜਨ ਆਪਣੇ ਇੱਕ ਦੋਸਤ ਨਾਲ   ਨਵੀਂ ਦਿੱਲੀ ਜਾਣ ਸਮੇਂ ਇੱਥੇ ਕੌਫੀ  ਪੀਣ ਲਈ ਰੁਕੇ ਸਨ।  

     ਭੱਜੀ ਦਾ ਕਹਿਣਾ ਹੈ ਕਿ  ਉਹ ਆਪਣੀ ਗੱਡੀ ਫੋਰਡ ਇੰਡੈਵਰ ਲੌਕ ਕਰਕੇ ਗਏ ਸੀ , ਪਰ ਜਦੋਂ ਵਾਪਸ ਆਏ ਤਾਂ ਗੱਡੀ ਦੇ ਸ਼ੀਸ਼ੇ ਟੁੱਟੇ ਹੋਏ ਸਨ ਤਾਂ ਬੈਗ ਗਾਇਬ ਸੀ ।

     ਭੱਜੀ ਨੇ ਚੋਰ ਨੂੰ ਅਪੀਲ ਕੀਤੀ ਹੈ ਕਿ ਉਹ  ਘੱਟੋਂ ਘੱਟ ਉਸਦਾ  ਪਾਸਪੋਰਟ ਅਤੇ ਡਰਾਈਵਿੰਗ  ਲਾਇਸੈਂਸ ਵਾਪਸ ਕਰ ਦੇਵੇ 

    Related Stories
      
    Go to TOP Top
    0 Comment(s)   Give Comment Comments   


    Name * : Name is Must. Minimum 4 characters.
    E-mail * : Email Id is Must .Invalid format.
    Your Comment : A value is required.
        |
  • 13 ਫਰਵਰੀ ਨੂੰ ਹੋ ਸਕਦੀਆਂ ਹਨ ਵਿਧਾਨ ਸਭਾ ਚੋਣਾਂ

  •  

    ਨਵੀਂ ਦਿੱਲੀ 

    ਪੰਜਾਬ ਵਿਚ ਵਿਧਾਨ ਸਭਾ ਚੋਣਾਂ 13 ਫਰਵਰੀ 2012 ਨੂੰ ਹੋਣ ਦੀ ਸੰਭਾਵਨਾ ਹੈ ਅਤੇ ਉਮੀਦ ਹੈ ਕਿ ਪੋਲਿੰਗ ਦਾ ਕੰਮ ਇਕ ਪੜਾਅ ਵਿੱਚ ਹੀ ਮੁਕੰਮਲ ਕਰ ਲਿਆ ਜਾਵੇਗਾ। ਸੂਤਰਾਂ ਨੇ ਦੱਸਿਆ ਕਿ ਚੋਣ ਕਮਿਸ਼ਨ ਨੇ ਪੰਜਾਬ ਦੀ 117 ਮੈਂਬਰੀ ਵਿਧਾਨ ਸਭਾ ਲਈ ਚੋਣਾਂ ਕਰਵਾਉਣ ਦੀਆਂ ਸਾਰੀਆਂ ਤਿਆਰੀਆਂ ਮੁਕੰਮਲ ਕਰ ਲਈਆਂ ਹਨ ਅਤੇ ਇਸ ਸਬੰਧੀ ਐਲਾਨ ਛੇਤੀ ਹੀ ਕਰ ਦਿੱਤਾ ਜਾਵੇਗਾ। ਸੂਤਰਾਂ ਅਨੁਸਾਰ ਪੰਜਾਬ ਵਿੱਚ ਚੋਣਾਂ 13 ਫਰਵਰੀ ਨੂੰ ਇਕੋ ਪੜਾਅ ਵਿੱਚ ਹੋਣ ਦੀ ਸੰਭਾਵਨਾ ਹੈ। ਕਾਂਗਰਸ ਸਮੇਤ ਹੋਰ ਸਿਆਸੀ ਪਾਰਟੀਆਂ ਨੇ ਚੋਣ ਕਮਿਸ਼ਨ ਨੂੰ ਅਪੀਲ ਕੀਤੀ ਸੀ ਕਿ ਚੋਣਾਂ ਇਕ ਹੀ ਪੜਾਅ ਵਿੱਚ ਕਰਵਾਈਆਂ ਜਾਣ। ਪੰਜਾਬ, ਉਤਰਾਖੰਡ, ਉੱਤਰ ਪ੍ਰਦੇਸ਼, ਮਨੀਪੁਰ ਤੇ ਗੋਆ ਵਿੱਚ ਅਗਲੇ ਸਾਲ ਦੇ ਮੁੱਢ ਵਿੱਚ ਵਿਧਾਨ ਸਭਾ ਚੋਣਾਂ ਹੋਣੀਆਂ ਹਨ, ਜਿਨ੍ਹਾਂ ਬਾਰੇ ਚੋਣ ਕਮਿਸ਼ਨ ਵੱਲੋਂ ਛੇਤੀ ਹੀ ਐਲਾਨ ਕੀਤੇ ਜਾਣ ਦੀ ਆਸ ਹੈ। ਯਾਦ ਰਹੇ ਕਿ ਏਤਕੀ ਪੰਜਾਬ ਵਿੱਚ ਦੋ ਮੁੱਖ ਧਿਰਾਂ ਸ਼੍ਰੋਮਣੀ ਅਕਾਲੀ ਦਲ ਅਤੇ ਕਾਂਗਰਸ ਤੋਂ ਇਲਾਵਾ ਸ੍ਰੀ ਮਨਪ੍ਰੀਤ ਸਿੰਘ ਬਾਦਲ ਦੀ ਅਗਵਾਈ ਹੇਠ ਤੀਜਾ ਮੋਰਚਾ ਵੀ ਚੋਣ ਮੈਦਾਨ ਵਿੱਚ ਡੱਟ ਰਿਹਾ ਹੈ।     

    Related Stories
      
    Go to TOP Top
    0 Comment(s)   Give Comment Comments   


    Name * : Name is Must. Minimum 4 characters.
    E-mail * : Email Id is Must .Invalid format.
    Your Comment : A value is required.
        |
  • ਕੈਪਟਨ ਅਮਰਿੰਦਰ ਸਿੰਘ ਨੇ ਸਿੱਖ ਮੈਰਿਜ ਐਕਟ ਦਾ ਮਾਮਲਾ ਕੇਂਦਰੀ ਗ੍ਰਹਿ ਮੰਤਰੀ ਕੋਲ ਉਠਾਇਆ

  • ਪੰਜਾਬ ਦੇ ਸਾਬਕਾ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਅੱਜ ਕੇਂਦਰੀ ਗ੍ਰਹਿ ਮੰਤਰੀ ਕੋਲ ਸਿੱਖਾਂ ਲਈ ਵੱਖਰੇ ਮੈਰਿਜ ਐਕਟ ਦਾ ਮੁੱਦਾ ਉਠਾਇਆ। ਉਨ੍ਹਾਂ ਗ੍ਰਹਿ ਮੰਤਰੀ ਦਾ ਬਿਆਨ ਇਸ ਤੱਥ ਵੱਲ ਦਿਵਾਇਆ ਕਿ ਸਿੱਖ ਮੈਰਿਜ ਐਕਟ 1955 ਵਿੱਚ ਰੱਦ ਕਰਕੇ ਇਸ ਨੂੰੂ ਹਿੰਦੂ ਮੈਰਿਜ ਐਕਟ ਵਿੱਚ ਸ਼ਾਮਲ ਕਰ ਦਿੱਤਾ ਗਿਆ ਸੀ।

    ਉਨ੍ਹਾਂ ਕਿਹਾ ਕਿ ਸਿੱਖ ਭਾਈਚਾਰੇ ਦੇ ਵਿਅਕਤੀ ਹੁਣ ਆਪਣੇ ਵਿਆਹ ਕਿੱਥੇ ਰਜਿਸਟਰ ਕਰਵਾਉਣ? ਉਨ੍ਹਾਂ ਮੰਗ ਕੀਤੀ ਕਿ ਸਿੱਖ ਧਰਮ ਤਹਿਤ ਹੋਏ ਵਿਆਹਾਂ ਨੂੰ ਰਜਿਸਟਰਡ ਕਰਨ ਲਈ ਵੱਖਰਾ ਐਕਟ ਬਣਾਇਆ ਜਾਵੇ।

    ਗ੍ਰਹਿ ਮੰਤਰੀ ਨੇ ਭਰੋਸਾ ਦਿਵਾਇਆ ਕਿ ਕੇਂਦਰ ਵੱਲੋਂ ਇਸ ਮੁੱਦੇ ’ਤੇ ਹਮਦਰਦੀ ਨਾਲ ਵਿਚਾਰ ਕੀਤਾ ਜਾਵੇਗਾ। ਇਸ ਖ਼ਬਰ ਏਜੰਸੀ ਨਾਲ ਗੱਲਬਾਤ ਕਰਦਿਆਂ ਸਾਬਕਾ ਮੁੱਖ ਮੰਤਰੀ ਨੇ ਦੱਸਿਆ ਕਿ ਉਨ੍ਹਾਂ ਗ੍ਰਹਿ ਮੰਤਰੀ ਦੇ ਧਿਆਨ ਵਿੱਚ ਲਿਆਂਦਾ ਹੈ ਕਿ ਸਿੱਖ ਧਰਮ ਤਹਿਤ ਹੋਏ ਵਿਆਹਾਂ ਨੂੰ ਰਜਿਸਟਰ ਕਰਨ ਲਈ ਕੋਈ ਕਾਨੂੰਨ ਨਹੀਂ ਹੈ। ਉਨ੍ਹਾਂ ਦੱਸਿਆ ਕਿ ਗ੍ਰਹਿ ਮੰਤਰੀ ਨੇ ਇਹ ਮਾਮਲਾ ਹੱਲ ਕਰਨ ਦਾ ਭਰੋਸਾ ਦਿੱਤਾ ਹੈ।  

    Related Stories
      
    Go to TOP Top
    0 Comment(s)   Give Comment Comments   


    Name * : Name is Must. Minimum 4 characters.
    E-mail * : Email Id is Must .Invalid format.
    Your Comment : A value is required.
        |
  • ਚੋਣਾਂ ਦਾ ਪ੍ਰਬੰਧ: ਸਰਕਾਰੀ ਬੱਸਾਂ ‘ਪ੍ਰੇਮੀਆਂ’ ਦੀ ਟਹਿਲ ਸੇਵਾ ’ਚ ਲੱਗੀਆਂ

  • ਸ੍ਰੀ ਮੁਕਤਸਰ ਸਾਹਿਬ, 12 ਦਸੰਬਰ

     ਪੰਜਾਬ ਦੀ ਸਿਆਸਤ ’ਚ ਬਦਲੀ ਤਰਜ਼ ਦਾ ਸਿੱਟਾ ਹੀ ਹੈ ਕਿ ਪੰਜਾਬ ਰੋਡਵੇਜ਼ ਮੁਕਤਸਰ ਡਿਪੂ ਦੀਆਂ ਦਰਜਨ ਬੱਸਾਂ ਡੇਰਾ ਸੱਚਾ ਸੌਦਾ ਸਿਰਸਾ ਦੀ ਸੰਗਤ ਨੂੰ ਮੁਕਤਸਰ ਤੋਂ ਸਿਰਸਾ ਲਿਜਾਣ ਤੇ ਵਾਪਸ ਲਿਆਉਣ ’ਚ ਲੱਗੀਆਂ ਹਨ। ਇਹ ਪਹਿਲਾ ਮੌਕਾ ਹੈ ਕਿ ਸਰਕਾਰੀ ਬੱਸਾਂ ਆਪਣੇ ਨਿਰਧਾਰਤ ਰੂਟ ਛੱਡ ਕੇ ਤੇ ਬਿਨਾਂ ਕੋਈ ਬਦਲਵਾਂ ਪ੍ਰਬੰਧ ਕਰਨ ਦੇ ਸਿਰਫ ਇਕ ਗੇੜੇ ਦੀ ਖਾਤਰ ਵੱਡਾ ਨੁਕਸਾਨ ਸਹਿ ਰਹੀਆਂ ਹਨ। ਵਿਭਾਗ ਦੀ ਇਹ ਮਿਹਰਬਾਨੀ ਮੁਸਾਫਰਾਂ ਲਈ ਭਾਰੀ ਖੱਜਲ ਖੁਆਰੀ ਦਾ ਕਾਰਨ ਬਣੀ ਹੋਈ ਹੈ। ਬੱਸਾਂ ਅੱਡੇ ਵਿੱਚ ਅੱਜ ਬਹੁਤ ਘੱਟ ਬੱਸਾਂ ਸਨ ਜਦੋਂਕਿ ਪ੍ਰੇਮੀਆਂ ਨੂੰ ‘ਚੁੱਕਣ’ ਬੱਸਾਂ ਰੇਲਵੇ ਸਟੇਸ਼ਨ, ਪਾਰਕ ਤੇ ਹੋਰ ਥਾਂਵਾਂ ’ਤੇ ਭੇਜੀਆਂ ਗਈਆਂ। ਰੇਲਵੇ ਸਟੇਸ਼ਨ ’ਤੇ ਪਹੁੰਚੀਆਂ ਬੱਸਾਂ (ਪੀਬੀ 30 ਬੀ 9010, 901, 902) ਦੇ ਡਰਾਇਵਰ-ਕੰਡਕਟਰ ਗੁਰਚਰਨ ਸਿੰਘ, ਮੁਖਰਾਜ ਸਿੰਘ, ਬੰਤ ਸਿੰਘ ਨੇ ਦੱਸਿਆ ਕਿ ਇਹ ਬੱਸਾਂ ਫਿਰੋਜ਼ਪੁਰ-ਅੰਮ੍ਰਿਤਸਰ, ਚੰਡੀਗੜ੍ਹ-ਮੁਕਤਸਰ, ਰਾਏਕੋਟ-ਬਰਨਾਲਾ-ਲੁਧਿਆਣਾ ਆਦਿ ਰੂਟਾਂ ਦੀਆਂ ਹਨ। ਐਤਵਾਰ ਰਾਤ ਨੂੰ ਹੋਣ ਵਾਲੇ ਸਤਸੰਗ ਵਾਸਤੇ ਜਾ ਰਹੀਆਂ ਹਨ ਤੇ ਇਨ੍ਹਾਂ ਦੀ ਵਾਪਸੀ ਸੋਮਵਾਰ ਹੋਵੇਗੀ। ਬੱਸਾਂ ’ਚ ਸਵਾਰ ਹੋਣ ਵਾਲੇ ਯਾਤਰੀਆਂ ਦੀ ਟਿਕਟ ਕੱਟੀ ਜਾਵੇਗੀ। ਉਨ੍ਹਾਂ ਦੱਸਿਆ ਕਿ ਰੋਡਵੇਜ 80 ਰੁਪਏ ਪ੍ਰਤੀ ਸਵਾਰੀ ਜਾਣ ਤੇ 80 ਰੁਪਏ ਪ੍ਰਤੀ ਸਵਾਰੀ ਆਉਣ ਦੀ ਟਿਕਟ ਹੀ ਲਵੇਗੀ, ਹੋਰ ਕੋਈ ਖਰਚਾ ਨਹੀਂ ਹੋਵੇਗਾ। ਉਨ੍ਹਾਂ ਦੱਸਿਆ ਕਿ ਉਹ ਤਾਂ ਦੋ ਦਿਨਾਂ ਦਾ ਖਰਚਾ ਇਸ ਗੇੜੇ ਦੇ ਖਾਤੇ ’ਚ ਪਾਉਣਗੇ। ਡੇਰਾ ਪ੍ਰੇਮੀ ਸੁਖਦੇਵ ਸਿੰਘ ਬਿਜਲੀ ਬੋਰਡ ਤੇ ਕੁਲਬੀਰ ਸਿੰਘ ਨੇ ਦੱਸਿਆ ਕਿ ਮੁਕਤਸਰ ਬਲਾਕ ਦੇ ਕਰੀਬ 42 ਪਿੰਡਾਂ ’ਚੋਂ ਸੰਗਤ ਸਿਰਸਾ ਜਾ ਰਹੀ ਹੈ। ਇਸ ਸਬੰਧ ਵਿਚ ਜਨਰਲ ਮੈਨੇਜਰ ਚਰਨਜੀਤ ਸਿੰਘ ਬਰਾੜ ਨੇ ਦੱਸਿਆ ਕਿ  ਐਤਵਾਰ ਨੂੰ ਕੁਝ ਰੂਟਾਂ ’ਤੇ ਸਵਾਰੀ ਘੱਟ ਹੋਣ ਕਰਕੇ ਇਹ ਬੱਸਾਂ ਸਿਰਸਾ ਵਿਖੇ ਭੇਜੀਆਂ ਗਈਆਂ ਹਨ।

    ਪੰਜਾਬੀ ਟ੍ਰਿਬਿਊਨ ਤੋਂ ਧੰਨਵਾਦ ਸਾਹਿਤ

    Related Stories
      
    Go to TOP Top
    0 Comment(s)   Give Comment Comments   


    Name * : Name is Must. Minimum 4 characters.
    E-mail * : Email Id is Must .Invalid format.
    Your Comment : A value is required.
        |
  • ਭਾਈ ਜਗਤਾਰ ਸਿੰਘ ਹਵਾਰਾ ਨਾਲ ਵਿਸ਼ੇਸ਼ ਮੁਲਾਕਾਤ :: ਕੈਪਟਨ ਅਮਰਿੰਦਰ ਸਿੰਘ ਬਾਦਲ ਨਾਲੋ 100 ਗੁਣਾਂ ਵਧੀਆਂ ਸਿੱਖ

  • ਚੰਡੀਗੜ  (ਗੁਰਪ੍ਰੀਤ ਮਹਿਕ) : 

     ਦਿੱਲੀ ਦੀ ਤਿਹਾੜ ਜੇਲ ਵਿੱਚ ਨਜ਼ਰਬੰਦ ਭਾਈ ਜਗਤਾਰ ਸਿੰਘ ਹਵਾਰਾ ਅਤੇ ਪਰਮਜੀਤ ਸਿੰਘ ਭਿਓਰਾ ਨੂੰ ਬੁੜੈਲ ਜੇਲ ਬਰੇਕ ਕਾਂਡ ਦੇ ਸਬੰਧ ਵਿੱਚ ਅੱਜ ਇੱਕ ਆਈਪੀਐਸ ਅਫਸਰ ਦੀ ਨਿਗਰਾਨੀ ਹੇਠ ਚੰਡੀਗੜ, ਦਿੱਲੀ ਅਤੇ ਪੰਜਾਬ ਪੁਲਸ ਦੇ ਭਾਰੀ ਸੁਰੱਖਿਆ ਪ੍ਰਬੰਧਾਂ ਤਹਿਤ ਅੱਜ ਇੱਥੇ ਦੀ ਚੀਫ ਜ਼ੁਡੀਸ਼ੀਅਲ ਮੈਜਿਸਟਰੇਟ ਦੀ ਅਦਾਲਤ ਵਿੱਚ ਪੇਸ਼ ਕੀਤਾ ਗਿਆ। ਇਸ ਤੋਂ ਬਿਨਾਂ ਇਸ ਕੇਸ ਦੇ ਹੋਰ ਦੋਸ਼ੀ ਗੁਰਨਾਮ ਸਿੰਘ, ਲਖਵਿੰਦਰ ਸਿੰਘ ਲੱਖਾ, ਐਚ ਪੀ ਸਿੰਘ, ਅਖੰਡ ਕੀਰਤਨੀ ਜਥੇ ਦੇ ਸਿੰਘ ਜੇਲ ਸਟਾਫ਼ ਦੇ ਲੋਕਾਂ ਨੂੰ ਵੀ ਇਸ ਮੌਕੇ ਅਦਾਲਤ ਵਿੱਚ ਪੇਸ਼ ਕੀਤਾ ਗਿਆ। ਇਸ ਕੇਸ ਵਿੱਚ ਅੱਜ ਇੱਕ ਪੁਲਿਸ ਇੰਸਪੈਕਟਰ ਦੀਵਾਨ ਸਿੰਘ ਦੀ ਗਵਾਹੀ ਹੋਈ।ਉਕਤ ਮੁਲਜ਼ਮਾਂ ਵਲੋਂ ਜੇਲ ਵਿੱਚੋਂ ਨਿਕਲਣ ਲਈ ਬਣਾਈ ਗਈ ਸੁਰੰਗ ਪੁੱਟਣ ਲਈ ਕਥਿਤ ਤੌਰ ’ਤੇ ਵਰਤਿਆ ਗਿਆ ਸਮਾਨ ਵੀ ਸਰਕਾਰੀ ਪੱਖ ਨੇ ਅਦਾਲਤ ਵਿੱਚ ਪੇਸ਼ ਕੀਤਾ।

    ਇਸ ਪੱਤਰਕਾਰ ਨੇ ਜਦੋ ਗੱਲਬਾਤ ਦੌਰਾਨ ਭਾਈ ਜਗਤਾਰ ਸਿੰਘ ਹਵਾਰਾ ਨੂੰ ਪੁੱਛਿਆ ਕਿ ਉਹ ਪੰਜਾਬ ਪ੍ਰਦੇਸ਼ ਕਾਂਗਰਸ ਕਮੇਟੀ ਦੇ ਪ੍ਰਧਾਨ ਅਤੇ ਸਾਬਕਾ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੂੰ ਕਿਸ ਤਰਾਂ ਦਾ ਸਿੱਖ ਸਮਝਦੇ ਹੋ ਤਾਂ ਭਾਈ ਹਵਾਰਾ ਨੇ ਤੁਰੰਤ ਕਿਹਾ ਕਿ ਕੈਪਟਨ ਪੰਜਾਬ ਦੇ ਮੁੱਖ ਮੰਤਰੀ ਅਤੇ ਸ਼੍ਰੋਮਣੀ ਅਕਾਲੀ ਦਲ ਦੇ ਸਰਪ੍ਰਸਤ ਸ: ਪਰਕਾਸ਼ ਸਿੰਘ ਬਾਦਲ ਨਾਲੋ 100 ਗੁਣਾਂ ਵਧੀਆਂ ਸਿੱਖ ਹੈ। ਉਨਾਂ ਕਿਹਾ ਕਿ ਉਹ ਕਾਂਗਰਸ ਦੇ ਖਿਲਾਫ ਹਨ, ਪ੍ਰੰਤੂ ਵਿਅਕਤੀਗਤ ਤੌਰ ਤੇ ਕੈਪਟਨ ਅਮਰਿੰਦਰ ਸਿੰਘ ਦੇ ਹੱਕ ਵਿਚ ਹਨ। ਉਨਾਂ ਕਿਹਾ ਕਿ ਪਹਿਲਾਂ ਜਦੋ ਉਹ ਚੰਡੀਗੜ ਜੇਲ ਵਿਚ ਨਜਰਬੰਦ ਸਨ ਤਾਂ ਉਨਾਂ ਤੇ ਇਸ ਲਈ ਸਖਤੀ ਕੀਤੀ ਗਈ ਸੀ ਕਿਉਂਕਿ ਅਖਬਾਰਾਂ ਵਿਚ ਉਨਾਂ ਦਾ ਇਕ ਵਾਰ ਕੈਪਟਨ ਅਮਰਿੰਦਰ ਸਿੰਘ ਦੇ ਹੱਕ ਵਿਚ ਬਿਆਨ ਛੱਪ ਗਿਆ ਸੀ। ਉਨਾਂ ਕਿਹਾ ਕਿ ਇੱਕ ਜੇਲ ਅਧਿਕਾਰੀ ਇੱਕ ਸੀਨੀਅਰ ਅਕਾਲੀ ਨੇਤਾ ਨੇੜੇ ਹੋਣ ਕਾਰਨ ਉਸ ਨੂੰ ਸਖਤੀ ਝੇਲਣੀ ਪਈ, ਪ੍ਰੰਤੂ ਉਨਾਂ ਕਦੇ ਇਸ ਗੱਲ ਦੀ ਪ੍ਰਵਾਹ ਨਹੀਂ ਕੀਤੀ। ਉਨਾ ਕਿਹਾ ਕਿ ਤਿਹਾੜ ਜੇਲ ਵਿਚ ਹਾਲਾਤ ਚੰਡੀਗੜ ਨਾਲੋ ਬਿਹਤਰ ਹਨ। ਉਨਾਂ ਕਿਹਾ ਕਿ ਨਾ ਉਨਾਂ ਕੋਲ ਉਸ ਸਮੇਂ ਵਿਹਲ ਸੀ ਜਦੋ ਉਹ ਚੰਡੀਗੜ ਜੇਲ ਵਿਚ ਨਜਰਬੰਦ ਸਨ ਅਤੇ ਨਾ ਹੀ ਅੱਜ ਜਦੋ ਉਹ ਤਿਹਾੜ ਜੇਲ ਵਿਚ ਬੰਦ ਹਨ। ਉਨਾਂ ਕਿਹਾ ਕਿ ਉਹ ਹਰ ਸਮੇਂ ਕਿਸੇ ਕੰਮ ਵਿਚ ਲੱਗੇ ਰਹਿੰਦੇ ਸਨ। ਉਨਾਂ ਦੱਸਿਆ ਕਿ ਜੇਲਾਂ ਵਿਚ ਨਜਰਬੰਦ ਸਿੰਘ ਉਨਾਂ ਨੂੰ ਚਿੱਠੀਆ ਲਿੱਖਦੇ ਹਨ, ਉਹ ਇਨਾਂ ਚਿੱਠੀਆਂ ਦਾ ਜਵਾਬ ਵੀ ਦਿੰਦੇ ਹਨ। ਇਸ ਲਈ ਹਰ ਸਮੇਂ ਰੁੱਝੇ ਰਹਿੰਦੇ ਹਨ।   

    ਭਾਈ ਹਵਾਰਾ ਲਈ ਫਾਸ਼ੀ ਦੀ ਸਜ਼ਾ ਦੇ ਸੈਸ਼ਨ ਕੋਰਟ ਦੇ ਫ਼ੈਸਲੇ ਨੂੰ ਮੁੜ ਬਹਾਲ ਕਰਨ ਲਈ ਸੀਬੀਆਈ ਵਲੋਂ ਸੁਪਰੀਮ ਕੋਰਟ ਵਿੱਚ ਪਾਈ ਗਈ ਅਪੀਲ ਬਾਰੇ ਭਾਈ ਹਵਾਰਾ ਨੇ ਕਿਹਾ ਕਿ ਉਹ ਸੁਪਰੀਮ ਕੋਰਟ ਵਿੱਚ  ਇਨਸਾਫ਼ ਲਈ ਲੜਾਈ ਜਾਰੀ ਰੱਖਣਗੇ। ਇਸ ਤੋਂ ਬਾਅਦ ਮੈਂ ਹੋਰ ਕਿਸੇ ਤੋਂ ਵੀ ਇਨਸਾਫ਼ ਦੀ ਮੰਗ ਨਹੀਂ ਕਰਾਂਗਾ। ਉਨਾ ਕਿਹਾ ਕਿ ਸੁਪਰੀਮ ਕੋਰਟ ਵਿੱਚ ਕੇਸ ਲੜਣ ਲਈ ਵਕੀਲਾਂ ਦੀ ਟੀਮ ਬਣਾਉਣ ਲਈ ਮੈਂ ਅਪਣੇ ਸਮੁੱਚੇ ਸਹਿਯੋਗੀਆ ਨਾਲ ਸਲਾਹ ਮਸ਼ਵਰਾ ਕਰ ਰਿਹਾ ਹਾਂ। ਉਨਾ ਕਿਹਾ ਕਿ ਪਿਛਲ਼ੇ ਦਿਨੀਂ ਸੰਗਰੂਰ ਦੇ ਕਿਸੇ ਵਕੀਲ ਵਲੋਂ ਇਕ ਜੱਜ ਨੂੰ ਭੇਜੇ ਗਏ ਧਮਕੀ ਪੱਤਰ ਤੇ ਉਸ ਵਕੀਲ ਨਾਲ ਮੇਰਾ ਕੋਈ ਸਬੰਧ ਨਹੀਂ। ਉਨਾਂ ਕਿਹਾ ਕਿ ਉਹ ਆਪਣੀ ਜਿੰਦਗੀ ਵਿਚ ਨਾ ਹੀ ਕਿਸੇ ਨੂੰ ਕੋਈ ਧਮਕੀ ਦਿੱਤੀ ਹੈ ਅਤੇ ਨਾ ਹੀ ਕਿਸੇ ਨੂੰ ਡਰਾਇਆ ਹੈ। ਉਨਾਂ ਕਿਹਾ ਕਿ ਕਿਸੇ ਨੂੰ ਡਰਾਉਣ ਧਮਕਾਉਣ ਗੁਰਮਤਿ ਦੇ ਖਿਲਾਫ ਹੈ। ਉਨਾਂ ਕਿਹਾ ਕਿ ਜੇ ਜਾਣਬੁਝ ਕੇ ਝੂਠਾ ਪ੍ਰਚਾਰ ਕੀਤਾ ਜਾਂਦਾ ਹੈ। ਉਨਾਂ ਕਿਹਾ ਕਿ ਉਹ ਆਖਰੀ ਸਾਹ ਤੱਕ ਸਿੱਖ ਕੌਮ ਦੀ ਚੜਦੀਕਲਾ ਦੀ ਅਰਦਾਸ ਕਰਨਗੇ। ਉਨਾਂ ਕਿਹਾ ਕਿ ਜੇ ਉਨਾਂ ਨੂੰ ਫਾਂਸੀ ਹੋ ਵੀ ਗਈ ਤਾਂ ਵੀ ਉਨਾਂ ਨੂੰ ਕੌਈ ਗਮ ਨਹੀਂ। ਉਹ ਖੁਸ਼ੀ ਖੁਸ਼ੀ ਫਾਂਸੀ ਚੜਣ ਲਈ ਤਿਆਰ ਹਨ।  ਉਨਾਂ ਕਿਹਾ ਕਿ ਉਨਾਂ ਆਪਣੀ ਜਿੰਦਗੀ ਵਿਚ ਕੁਝ ਵੀ ਗਲਤ ਨਹੀਂ ਕੀਤਾ ਹੈ।  

    ਵਿਰਾਸਤ ਇ ਖਾਲਸਾ ਬਾਰੇ ਪੁੱਛੇ ਜਾਣ ਤੇ ਭਾਈ ਹਵਾਰਾ ਨੇ ਕਿਹਾ ਕਿ ਸਰਕਾਰ ਨੂੰ ਇਸ ਤਰਾਂ ਦਾ ਕੰਮ ਕਰਨਾ ਚਾਹੀਦਾ ਸੀ ਜਿਸ ਨਾਲ ਸਿੱਖ ਕੌਮ ਨੂੰ ਕੌਈ ਸੇਧ ਮਿਲ ਸਕੇ। ਜਦੋ ਉਨਾਂ ਨੂੰ ਸ: ਪਰਕਾਸ਼ ਸਿੰਘ ਬਾਦਲ ਨੂੰ ‘ਫਖਰ ਏ ਮੌਕ ਪੰਥ ਰਤਨ’ ਐਵਾਰਡ ਦਿੱਤੇ ਜਾਣ ਬਾਰੇ ਪੁੱਛਿਆ ਗਿਆ ਤਾਂ ਉਨਾਂ ਕਿਹਾ ਕਿ ਸ: ਬਾਦਲ ਨੂੰ ਇਹ ਐਵਾਰਡ ਦੇਣਾ ਜਾਇਜ ਨਹੀਂ ਸੀ। ਉਨਾਂ ਕਿਹਾ ਕਿ ਇਸ ਤਰਾਂ ਦੇ ਐਵਾਰਡ ਉਨਾਂ ਲੋਕਾਂ ਨੂੰ ਦਿੱਤੇ ਜਾਣੇ ਚਾਹੀਦੇ ਹਨ ਜਿਨਾਂ ਸਿੱਖ ਕੌਮ ਲਈ ਕਈ  ਕੁਰਬਾਨੀ ਕੀਤੀ ਹੋਵੇ।

    ਅਗਾਮੀ ਵਿਧਾਨ ਸਭਾ ਚੋਣਾਂ ਬਾਰੇ ਉਨਾ ਕਿਹਾ ਕਿ ਸਾਰੀਆਂ ਪੰਥਕ ਧਿਰਾਂ ਨੂੰ ਇੱਕਠੇ ਹੋ ਕੇ ਚੌਣ ਲੜਣੀ ਚਾਹੀਦੀ ਹੈ ਨਹੀਂ ਤਾਂ  ਪੰਥ ਦੁਸਮਣ ਸ਼੍ਰੋਮਣੀ ਕਮੇਟੀ ਚੋਣਾਂ ਵਾਂਗ ਪੰਥ ਦੀ ਫ਼ੁੱਟ ਦਾ ਫ਼ਾਇਦਾ  ਉਠਾਵੇਗੀ।  

    ਉਨਾਂ ਦੱਸਿਆ ਕਿ ਜੇਲ ਵਿੱਚ  ਉਹ ਮਾਨਸਿਕ ਤੇ ਸਰੀਰਕ ਤੌਰ ’ਤੇ ਪੁਰੀ ਤਰਾਂ ਫ਼ਿੱਟ ਹਨ। ਉਹ ਰੋਜ਼ਾਨਾ ਤੜਕੇ 1 ਵਜੇ ਉਠਦੇ ਹਨ, ਨਿਤਨੇਮ ਕਰਦੇ ਹਨ ਅਤੇ ਅਖ਼ਬਾਰਾਂ ਪੜਦੇ ਹਨ ਤੇ ਦਿਨ ਵਿੱਚ ਵੱਧ ਤੋਂ ਵੱਧ ਕਸਰਤ ਕਰਦੇ ਹਨ।

    ਅੱਜ ਦੀ ਇਸ ਪੇਸ਼ੀ ਮੌਕੇ ਭਾਈ ਹਵਾਰਾ ਦੇ 70 ਸਾਲਾਂ ਮਾਤਾ  ਬੀਬੀ ਨਰਿੰਦਰ ਕੌਰ ,  82 ਸਾਲਾਂ ਤਾਇਆ ਦੇਵ ਸਿੰਘ ਅਤੇ ਹੋਰ ਰਿਸ਼ਤੇਦਾਰਾਂ ਤੋਂ ਬਿਨਾਂ ਭਾਈ ਭਿਓਰਾ ਦੇ ਨਜਦੀਕੀ ਸੰਬੰਧੀ; ਸ਼੍ਰੋਮਣੀ ਅਕਾਲੀ ਦਲ ਪੰਚ ਪ੍ਰਧਾਨੀ ਦੇ  ਭਾਈ ਹਰਪਾਲ ਸਿੰਘ ਚੀਮਾ, ਗੁਰਚਰਨ ਸਿੰਘ ਬਹਾਦਰਗੜ, ਸੰਦੀਪ ਕੌਰ, ਕੁਲਬੀਰ ਕੌਰ ਧਾਮੀ, ਬਲਜੀਤ ਸਿੰਘ ਖ਼ਾਲਸਾ, ਕੰਵਰ ਸਿੰਘ ਧਾਮੀ, ਹਰਪਾਲ ਸਿੰਘ ਸ਼ਹੀਦਗੜ, ਹਰਪ੍ਰੀਤ ਸਿੰਘ ਹੈਪੀ ਆਦਿ ਵੀ ਹਾਜ਼ਰ ਸਨ।

    ਭਾਈ ਹਵਾਰਾ ਦੇ ਸੰਬਧੀ ਉਨਾਂ ਲਈ ਰੋਟੀ, ਦੁੱਧ, ਮੱਖਣੀ, ਕਪੜੇ ਆਦਿ ਵੀ ਲੈ ਕੇ ਆਏ।  

    ਭਾਈ ਹਵਾਰਾ ਅਤੇ ਭਾਈ ਭਿਓਰਾ ਨੂੰ ਸਖਤ ਸੁਰੱਖਿਆ ਪ੍ਰਬੰਧਾਂ ਹੇਠ ਅੱਜ ਇੱਥੇ ਅਦਾਲਤ ਵਿਚ ਪੇਸ਼ ਕੀਤਾ ਗਿਆ। ਇਨਾਂ ਨੂੰ ਪੇਸ਼ ਕਰਨ ਤੋ ਪਹਿਲਾਂ ਪੁਲਿਸ ਵੱਲੋ ਵਾਰ ਵਾਰ ਅਦਾਲਤ ਪਰਿਸਰ ਦੀ ਚੈਕਿੰਗ ਕੀਤੀ ਜਾ ਰਹੀ ਸੀ। ਭਾਈ ਹਵਾਰਾ ਨੇ ਅੱਜ ਨੀਲੀ ਪਗੜੀ ਪਹਿਣੀ ਸੀ ਜਦੋ ਕਿ ਭਾਈ ਂਿਭਓਰਾ ਨੇ ਪੀਲੀ ਪਗੜੀ। ਅਦਾਲਤ ਵਿਚ ਦਾਖਲ ਹੁੰਦੇ ਸਮੇਂ ਭਾਈ ਭਿਓਰਾ ਅੱਗੇ ਚੱਲ ਰਹੇ ਸਨ ਅਤੇ ਭਾਈ ਹਵਾਰਾ ਉਨਾਂ ਦੇ ਪਿੱਛੇ ਆ ਰਹੇ ਸਨ। 

    ਜਦੋ ਭਾਈ ਭਿਓਰਾ ਅਦਾਲਤ ਵਿਚ ਦਾਖਲ ਹੋਣ ਹੀ ਲੱਗੇ ਸਨ ਤਾਂ ਉਨਾਂ ਭਾਈ ਹਵਾਰਾ ਨੂੰ ਇੱਕ ਵਿਅਕਤੀ ਵੱਲ ਇਸ਼ਾਰਾ ਕਰਕੇ ਕੁਝ ਕਿਹਾ।  ਉਸ ਮੌਕੇ ਉਨਾਂ ਨੂੰ ਮਿਲਣ ਵਾਲੇ ਕੁਝ ਹੋਰ ਲੋਕ ਵੀ ਉਥੇ ਮੌਜੂਦ ਸੀ, ਜਿਨਾਂ ਦੇ ਕਹਿਣ ਤੇ ਪੁਲਿਸ ਵਾਲਿਆਂ ਨੇ ਉਕਤ ਵਿਅਕਤੀ ਨੂੰ ਅਦਾਲਤ ਤੋ ਦੂਰ ਕਰ ਦਿੱਤਾ। ਬਾਅਦ ਵਿਚ ਜਦੋ ਭਾਈ ਹਵਾਰਾ ਅਤੇ ਭਾਈ ਭਿਓਰਾ ਨੂੰ ਸਖਤ ਸੁਰੱਖਿਆ ਪ੍ਰਬੰਧਾਂ ਹੇਠ ਵਾਪਸ ਤਿਹਾੜ ਜੇਲ  ਭੇਜਿਆ ਗਿਆ ਉਕਤ ਵਿਅਕਤੀ  ਉਥੇ ਫੇਰ ਮੌਜੂਦ ਸੀ, ਪ੍ਰੰਤੂ ਉਸ ਸਮੇਂ ਉਸ ਨੂੰ ਕਿਸੇ ਨੇ ਕੁਝ ਨਾ ਕਿਹਾ। ਜਦੋ ਭਾਈ ਹਵਾਰਾ ਅਤੇ ਭਾਈ ਭਿਓਰਾ ਅਦਾਲਤ ਵਿਚ ਪੇਸ਼ ਕਰਨ ਜਾ ਰਹੇ ਸਨ ਤਾਂ ਉਥੇ ਮੌਜੂਦ ਸੰਗਤ ਨੇ ਦੋਵਾਂ ਨਾਲ ਫਤਹਿ ਸਾਂਝੀ ਕੀਤੀ।

     ਸੈਕਟਰ 17 ਦੇ ਥਾਣੇ ਨੇੜੇ ਪੱਤਰਕਾਰਾਂ ਨਾਲ ਗੱਲਬਾਤ ਦੌਰਾਨ ਭਾਈ ਹਵਾਰਾਂ ਦੇ ਇੱਕ ਵਕੀਲ ਨੇ ਕਿਹਾ ਕਿ ਉਹ ਇਸ ਗੱਲ ਦੇ ਹੱਕ ਵਿਚ ਨਹੀਂ ਹਨ ਕਿ ਭਾਈ ਹਵਾਰਾ ਦੀ ਨਿੱਜੀ ਪੇਸ਼ੀ ਨਾਲ ਵੀਡੀਓ ਕਾਨਫਰੰਸ ਰਾਹੀ ਪੇਸ਼ੀ ਹੋਵੇ। ਉਨਾਂ ਕਿਹਾ ਕਿ ਇਸ ਨਾਲ ਕਈ ਪੱਖ ਅਧੂਰੇ ਰਹਿ ਜਾਣਗੇ। ਉਨਾਂ ਅੱਜ ਹੌਈ ਪੇਸ਼ੀ ਦੇ ਸੰਬੰਧ ਵਿਚ ਵੀ ਪੱਤਰਕਾਰਾਂ ਨੂੰ ਜਾਣਕਾਰੀ ਦਿੱਤੀ। 

    Related Stories
      
    Go to TOP Top
    0 Comment(s)   Give Comment Comments   


    Name * : Name is Must. Minimum 4 characters.
    E-mail * : Email Id is Must .Invalid format.
    Your Comment : A value is required.
        |
  • ਬਾਬਾ ਬੰਦਾ ਸਿੰਘ ਬਹਾਦਰ ਜੰਗੀ ਯਾਦਗਾਰ ਦੇ ਫਤਹਿ ਬੁਰਜ ’ਚ ਲਿਫ਼ਟ ਲਾਉਣ ਦੀ ਪ੍ਰਵਾਨਗੀ

  •  

    ਚੰਡੀਗੜ•, 12 ਦਸੰਬਰ (ਗੁਰਪ੍ਰੀਤ ਮਹਿਕ) : ਪੰਜਾਬ ਦੇ ਮੁੱਖ ਮੰਤਰੀ ਸ. ਪਰਕਾਸ਼ ਸਿੰਘ ਬਾਦਲ ਨੇ ਸ਼੍ਰੀ ਅਨੰਦਪੁਰ ਸਾਹਿਬ ਵਿਖੇ ਸਥਿਤ ਵਿਰਾਸਤ-ਏ-ਖਾਲਸਾ ਕੰਪਲੈਕਸ, ਕਾਹਨੂੰਵਾਨ ਛੰਭ (ਗੁਰਦਾਸਪੁਰ) ਵਿਖੇ ਛੋਟਾ ਘੱਲੂਘਾਰਾ ਸ਼ਹੀਦੀ ਯਾਦਗਾਰ, ਕੁੱਪ ਰੋਹੀੜਾ (ਸੰਗਰੂਰ) ਵਿਖੇ ਵੱਡਾ ਘੱਲੂਘਾਰਾ ਸ਼ਹੀਦੀ ਯਾਦਗਾਰ ਅਤੇ ਚੱਪੜਚਿੜੀ (ਸਾਹਿਬਜ਼ਾਦਾ ਅਜੀਤ ਸਿੰਘ ਨਗਰ) ਵਿਖੇ ਬਾਬਾ ਬੰਦਾ ਸਿੰਘ ਬਹਾਦਰ ਜੰਗੀ ਯਾਦਗਾਰ ਦੀ ਸੁਚੱਜੀ ਸਾਂਭ-ਸੰਭਾਲ ਨੂੰ ਯਕੀਨੀ ਬਣਾਉਣ ਲਈ ਮੁੱਖ ਸਕੱਤਰ ਸ੍ਰੀ ਐਸ.ਸੀ. ਅਗਰਵਾਲ ਦੀ ਅਗਵਾਈ ਵਿੱਚ ਇਕ ਕਮੇਟੀ ਦਾ ਗਠਨ ਕੀਤਾ ਹੈ।

    ਇਹ ਫ਼ੈਸਲਾ ਸ. ਬਾਦਲ ਦੀ ਪ੍ਰਧਾਨਗੀ ਹੇਠ ਅੱਜ ਸਵੇਰੇ ਮੁੱਖ ਮੰਤਰੀ ਨਿਵਾਸ ’ਤੇ ਹੋਈ ਉਚ ਪੱਧਰੀ ਮੀਟਿੰਗ ਦੌਰਾਨ ਲਿਆ ਗਿਆ।

    ਮੁੱਖ ਸਕੱਤਰ ਦੀ ਅਗਵਾਈ ਵਿਚ ਗਠਿਤ ਕੀਤੀ ਕਮੇਟੀ ’ਚ ਮੁੱਖ ਮੰਤਰੀ ਦੇ ਪ੍ਰਮੁੱਖ ਸਕੱਤਰ ਸ੍ਰੀ ਡੀ.ਐਸ. ਗੁਰੂ, ਮੁੱਖ ਮੰਤਰੀ ਦੇ ਵਿਸ਼ੇਸ਼ ਪ੍ਰਮੁੱਖ ਸਕੱਤਰ ਸ਼੍ਰੀ ਕੇ.ਜੇ.ਐਸ. ਚੀਮਾ ਤੇ ਸ਼੍ਰੀ ਕਾਹਨ ਸਿੰਘ ਪਨੂੰ, ਸ਼੍ਰੀ ਅਨੰਦਪੁਰ ਸਾਹਿਬ ਫਾਊਂਡੇਸ਼ਨ ਦੇ ਮੁੱਖ ਕਾਰਜਕਾਰੀ ਅਧਿਕਾਰੀ ਸ਼੍ਰੀ ਕਰਮਜੀਤ ਸਿੰਘ ਸਰਾਂ, ਡਿਪਟੀ ਕਮਿਸ਼ਨਰ ਗੁਰਦਾਸਪੁਰ, ਡਾਇਰੈਕਟਰ ਤੇ ਸਕੱਤਰ ਟੂਰਿਜ਼ਮ ਮੈਂਬਰ ਹੋਣਗੇ। ਇਹ ਕਮੇਟੀ ਉਕਤ ਯਾਦਗਾਰਾਂ ਦੇ ਰੱਖ-ਰਖਾਅ ਲਈ ਲੋੜੀਂਦੇ ਕਦਮ ਉਠਾਏਗੀ।

    ਮੁੱਖ ਮੰਤਰੀ ਨੇ ਵਿਰਾਸਤ-ਏ-ਖਾਲਸਾ ਕੰਪਲੈਕਸ ਦਾ ਪ੍ਰਬੰਧ ਸ੍ਰੀ ਅਨੰਦਪੁਰ ਸਾਹਿਬ ਫਾਊਂਡੇਸ਼ਨ, ਬਾਬਾ ਬੰਦਾ ਸਿੰਘ ਬਹਾਦਰ ਜੰਗੀ ਯਾਦਗਾਰ ਦਾ ਪ੍ਰਬੰਧ ਗਮਾਡਾ, ਵੱਡਾ ਘੱਲੂਘਾਰਾ ਸ਼ਹੀਦੀ ਯਾਦਗਾਰ ਦਾ ਪ੍ਰਬੰਧ ਪਟਿਆਲਾ ਡਿਵੈਲਪਮੈਂਟ ਅਥਾਰਟੀ ਅਤੇ ਛੋਟਾ ਘੱਲੂਘਾਰਾ ਸ਼ਹੀਦੀ ਯਾਦਗਾਰ ਦਾ ਪ੍ਰਬੰਧ ਪੁੱਡਾ ਨੂੰ ਦੇਣ ਦੀ ਵੀ ਪ੍ਰਵਾਨਗੀ ਦਿੱਤੀ ਜੋ ਇਨਾਂ ਨੂੰ ਚਲਾਉਣ, ਸਾਂਭ-ਸੰਭਾਲ, ਵਿੱਤੀ ਪ੍ਰਬੰਧ ਨੂੰ ਯਕੀਨੀ ਬਣਾਉਣਗੀਆਂ।

    ਮੀਟਿੰਗ ਦੌਰਾਨ ਸ਼੍ਰੀ ਅਨੰਦਪੁਰ ਸਾਹਿਬ ਫਾਊਂਡੇਸ਼ਨ ਦੇ ਮੁੱਖ ਕਾਰਜਕਾਰੀ ਅਧਿਕਾਰੀ ਡਾ. ਕਰਮਜੀਤ ਸਿੰਘ ਸਰਾਂ ਨੇ ਮੁੱਖ ਮੰਤਰੀ ਨੂੰ ਜਾਣਕਾਰੀ ਦਿੱਤੀ ਕਿ ਵਿਰਾਸਤ-ਏ-ਖਾਲਸਾ ਦੀ ਸੰਭਾਲ ਦਾ ਜ਼ਿੰਮਾ ਏ ਟੂ ਜ਼ੈਡ ਕੰਪਨੀ ਨੂੰ ਤਿੰਨ ਸਾਲਾਂ ਲਈ ਸੌਂਪਿਆ ਗਿਆ ਹੈ। ਇਹ ਕੰਪਨੀ ਆਪਣੇ 140 ਮੁਲਾਜ਼ਮਾਂ ਦੀ ਟੀਮ ਨਾਲ ਵਿਰਾਸਤ-ਏ-ਖਾਲਸਾ ਦੀ ਸਾਂਭ ਸੰਭਾਲ ਕਰੇਗੀ। 

    ਸ. ਬਾਦਲ ਨੇ ਚੱਪੜਚਿੜੀ ਵਿਖੇ ਬਾਬਾ ਬੰਦਾ ਸਿੰਘ ਬਹਾਦਰ ਜੰਗੀ ਯਾਦਗਾਰ ’ਚ ਸਥਿਤ ਫਤਹਿ ਬੁਰਜ ਵਿੱਚ ਲਿਫ਼ਟ ਲਾਉਣ ਲਈ ਤੁਰੰਤ ਇਕ ਕਰੋੜ ਰੁਪਏ ਦੀ ਰਾਸ਼ੀ ਜਾਰੀ ਕਰਨ ਦੀ ਵੀ ਪ੍ਰਵਾਨਗੀ ਦਿੱਤੀ। ਇਹ ਲਿਫਟ ਲਾਉਣ ਦਾ ਕਾਰਜ ਵਿਸ਼ਵ ਪ੍ਰਸਿੱਧ ਕੰਪਨੀ ਲਾਰਸਨ ਐਂਡ ਟੂਬਰੋ (ਐਲ ਐਂਡ ਟੀ) ਨੂੰ ਸੌਂਪਿਆ ਗਿਆ ਹੈ।

    ਮੀਟਿੰਗ ਵਿੱਚ ਸ਼ਾਮਲ ਪ੍ਰਮੁੱਖ ਵਿਅਕਤੀਆਂ ਵਿੱਚ ਮੁੱਖ ਮੰਤਰੀ ਦੇ ਮੀਡੀਆ ਸਲਾਹਕਾਰ ਸ਼੍ਰੀ ਹਰਚਰਨ ਬੈਂਸ, ਮੁੱਖ ਸਕੱਤਰ ਸ਼੍ਰੀ ਐਸ.ਸੀ. ਅਗਰਵਾਲ, ਪ੍ਰਮੁੱਖ ਸਕੱਤਰ ਮੁੱਖ ਮੰਤਰੀ ਸ਼੍ਰੀ ਡੀ.ਐਸ. ਗੁਰੂ, ਸ਼੍ਰੀ ਕੇ.ਜੇ.ਐਸ. ਚੀਮਾ, ਸ਼੍ਰੀ ਕਾਹਨ ਸਿੰਘ ਪਨੂੰ ਅਤੇ ਸ਼੍ਰੀ ਗਗਨਦੀਪ ਸਿੰਘ ਬਰਾੜ (ਤਿੰਨੋਂ ਵਿਸ਼ੇਸ਼ ਪ੍ਰਮੁੱਖ ਸਕੱਤਰ ਮੁੱਖ ਮੰਤਰੀ), ਲੋਕ ਨਿਰਮਾਣ ਵਿਭਾਗ ਦੇ ਮੁੱਖ ਇੰਜੀਨੀਅਰ ਸ਼੍ਰੀ ਏ.ਕੇ. ਸਿੰਗਲਾ, ਆਰਕੀਟੈਕਟ ਰੇਨੂ ਖੰਨਾ, ਐਲ ਐਂਡ ਟੀ. ਦੇ ਜੀ.ਐਮ. (ਨਾਰਥ) ਸ੍ਰੀ ਜੇ.ਐਸ. ਗਿੱਲ, ਸੀਨੀਅਰ ਅਧਿਕਾਰੀ ਸ੍ਰੀ ਰਾਮ ਕੁਮਾਰ ਤੇ ਸੌਰਵ ਸਮੇਤ ਸਬੰਧਤ ਜ਼ਿਲਿਆਂ ਦੇ ਡਿਪਟੀ ਕਮਿਸ਼ਨਰ ਤੋਂ ਇਲਾਵਾ ਹੋਰ ਉਚ ਅਧਿਕਾਰੀ ਵੀ ਹਾਜ਼ਰ ਸਨ।

    Related Stories
      
    Go to TOP Top
    0 Comment(s)   Give Comment Comments   


    Name * : Name is Must. Minimum 4 characters.
    E-mail * : Email Id is Must .Invalid format.
    Your Comment : A value is required.
        |

    Old Newsਪਿਛਲੇ ਅੰਕ ਦੇਖੋ     << First    << 1049 1050 1051 [1052] 1053 1054 1055  >>    Last >>
  • `ਪੰਜਾਬ ਦੇ ਪੰਛੀ` ਕਿਤਾਬ ਹੋਈ ਲੋਕ ਅਰਪਣ
  • ਮਾਂ-ਬੋਲੀ ਸਤਿਕਾਰ ਸਮਾਗਮ ਵਲੋਂ ਜਾਰੀ ਕੀਤਾ ਗਿਆ ਐਲਾਨਨਾਮਾ
  • ਪੱਤਰਕਾਰਾਂ ਉੱਤੇ ਆਰਥਿਕ ਦਬਾਅ ਬਾਰੇ
  • ਰੇਡੀਓ ਚੰਨ ਪ੍ਰਦੇਸੀ ਵੱਲੋ ਕਰਵਾਇਆ ਪ੍ਰੋਗਰਾਮ ‘ਅਵਾਜ਼ਾਂ ਪੰਜਾਬ ਦੀਆਂ’
  • ਪੰਜਾਬੀ ਯੂਨੀਵਰਸਿਟੀ ਕਾਲਜ ਜੈਤੋ ਦਾ ਸੱਤ ਰੋਜ਼ਾ ਕੌਮੀ ਸੇਵਾ ਯੋਜਨਾ ਕੈਂਪ ਸਫ਼ਲਤਾ ਸਹਿਤ ਸਮਾਪਤ
  • ਭਾਰ ਨੂੰ ਕਾਬੂ `ਚ ਰੱਖਣ ਅਤੇ ਹਾਜ਼ਮਾ ਦਰੁਸਤ ਰੱਖਣ ਅਤੇ ਪੇਟ ਗੈਸ ਦੇ ਖਾਤਮੇ ਲਈ ਸ: ਪ੍ਰਸੋਤਮ ਸਿੰਘ ਜੀ ਦਾ ਨੁਸਖਾ
  • 6 ਤੋਂ ਵੱਧ ਸੈਲਫੀਆਂ ਮਾਨਸਿਕ ਬਿਮਾਰੀ ਇਸ ਦਾ ਇਲਾਜ ਜਰੂਰੀ !
  • ਬੱਚਿਆਂ ਦੇ ਖਾਣ ਵਾਲੀਆਂ ਸੌਂਫ਼ ਦੀਆਂ ਗੋਲੀਆਂ `ਚ ਮੁਰਗੇ ਤੇ ਸੂਰ ਦੀ ਚਰਬੀ
  • ਅਸੀਂ ਆਪਣੇ ਸਰੀਰ ਦੇ ਮਨ ਦੇ ਆਪ ਹੀ ਵੈਦ ਹਕੀਮ ਹੁੰਦੇ ਹਾਂ
  • 40 ਸਾਲ ਦੀ ਉਮਰ `ਚ ਜਵਾਨ ਰਹਿਣ ਦਾ ਆਸਾਨ ਤਰੀਕਾ
  • 
    SocialTwist Tell-a-Friend
  • ਦੂਲੋਂ ਅਨੁਸਾਰ ਕੈਪਟਨ ਸਰਕਾਰ ਦਲਿਤ ਵਿਰੋਧੀ
  • ਕੇਜਰੀਵਾਲ ਦੇ ਸਰਕਾਰੀ ਘਰ ਦੀ ਪੁਲਿਸ ਨੇ ਲਈ ਤਲਾਸ਼ੀ
  • ਨਾਭਾ ਜੇਲ੍ਹ ਬ੍ਰੇਕ ਕਾਂਡ ਵਿੱਚ ਲੋੜੀਦਾ ਰੋਮੀ ਦੀ ਹਾਗਕਾਂਗ ‘ਚ ਗ੍ਰਿਫਤਾਰ
  • `ਬੜੇ ਬੇਆਬਰੂ ਹੋ ਕੇ ਆਪਣੇ ਕੂਚੇ ਸੇ ਨਿਕਲੇ ਹਮ`
  • ਜਗਮੀਤ ਸਿੰਘ ਦਾ ਹੋਇਆ ਵਿਆਹ
  • ਕਿਰਾਏ `ਤੇ ਕਮਰੇ ਲੈ ਕੇ ਰਹਿੰਦੀ ਹੈ ਸੁਪਰਹਿੱਟ ਗਾਇਕਾ
  • ਮਲੱਵਈ ਗਿੱਧਾ : ਆਜਾ ਨਾਨਕਾ ਕੇਰਾਂ
  • 24 ਕੈਰੇਟ ਖਰੀ ਭਾਪਣ
  • ਜੱਟਾ ਤੇਰੀ ਜੂਨ ਬੁਰੀ-ਘੁਗਿਆਣਾ
  • ਜੇ ਕੋਈ ਸਮਝੇ ਤਾਂ...


  • ਤਿੰਨ ਕਿਲੋਮੀਟਰ ਤੋਂ ਜਿ਼ਆਦਾ ਦੂਰੀ ਤੱਕ ਨਿਸ਼ਾਨਾ ਲਾਉਣ ਦੇ ਸਮਰੱਥ ਕਿਵੇਂ ਹੈ ਸਨਾਈਪਰ
  • ਵਿਰੋਧ ਦਾ ਅਨੋਖਾ ਤਰੀਕਾ, ਬੁੱਤ ਤੋਂ ਲਿਆ ਬਦਲਾ : ਮਹਿਲਾ ਬੁੱਤ ਦੇ ਮੱਥੇ ਵਿਚ ਕੁਲਹਾੜੀ ਨੂੰ ਚਿਪਕਾਇਆ
  • ਬੰਗਲਾਦੇਸ਼ ਦੀ ਸਾਬਕਾ ਪ੍ਰਧਾਨ ਮੰਤਰੀ ਦੇ ਨਿਕਲੇ ਗ੍ਰਿਫਤਾਰੀ ਵਾਰੰਟ
  • ਕ੍ਰਿਸਮਸ ਦੇ ਮੌਕੇ ਪ੍ਰਾਰਥਨਾ ਸਭਾ ਲਈ ਜਾ ਰਹੇ 20 ਜਾਣਿਆ ਦੀ ਬੱਸ ਹਾਦਸੇ ਵਿਚ ਮੌਤ
  • ਸਟੱਡੀ ਵੀਜ਼ੇ ਤੇ ਕੈਨੇਡਾ ਪਹੁੰਚਦਿਆਂ ਮੌਤ ਨੇ ਆ ਘੇਰਿਆ: ਨੌਜਵਾਨ ਦੀ ਦੂਜੇ ਦਿਨ ਹੀ ਮੌਤ
  • ਭਾਰਤੀ ਹਾਈ ਕਮਿਸ਼ਨ ਦਾ ਜਾਅਲੀ ਨਾਂਅ ਵਰਤ ਕੇ ਫੋਨ ਕਾਲਾਂ ਰਾਹੀਂ ਪੈਸੇ ਬਟੋਰਨ ਵਾਲਾ ਗਰੋਹ ਸਰਗਰਮ
  • ਗੱਲਬਾਤ ਕਿਸੇ ਹੋਰ ਦੀ ਤੇ ਕੁੱਟਮਾਰ 22 ਸਾਲਾਂ ਭਾਰਤੀ ਨੌਜਵਾਨ ਦੀ
  • ਸਿੱਖੀ ਪਹਿਚਾਣ ਲਈ ਸੜਕਾਂ `ਤੇ ਠਾਠਾਂ ਮਾਰ ਗਿਆ ਸੰਗਤਾਂ ਦਾ ਸਮੁੰਦਰ
  • ਇੱਕ ਹੋਰ ਪੰਜਾਬੀ ਫਾਈਨਾਂਸਰ ਦੀ ਮਨੀਲਾ ‘ਚ ਹੱਤਿਆ
  • ਔਕਲੈਂਡ `ਚ ਬ੍ਰਿਜ ਉਤੇ ਆਤਮਹੱਤਿਆ ਕਰਨ ਲੱਗੀ ਔਰਤ ਨੂੰ ਪੰਜਾਬੀ ਨੌਜਵਾਨ ਨੇ ਬਚਾਇਆ


  • Facebook Activity

    Widgetize!